صوت : نايف ابو طفره . . صدى محمد بن زايد المويس . .

صوت : نايف ابو طفره . . صدى محمد بن زايد المويس . .

اليكم هذه المساجله وهي من نوع الغزل بين الشاعر نايف ابو طفره وبين
الشاعر /محمد بن زايد المويس وكانت البدايه مـن نايف ابو طفره

امس الضحى عديت في راس مرجوم=ساقتني الاقدار قبل القدميا
غديت انا والريح والثالث الحوم=ومشاعرن عقب المواصيل ضميا
اليا جلست اشوي فزيت واقوم=واليا وقفت اشوي ضاق النسميا
وحولت من عاليه والقلب مهموم=ونكست عن طرد الغرام العلميا
قصرن بنيته واصبح القصر مهدوم=حل الفراق ومابنيت انهدميا
عزاه يامحمد غدى القلب محروم=الحض عن هاك الغزال انخدميا
ابو جديل اشقر وابو نهد مزموم=ونجلن زرقني منهن بالسهميا
ومعنقن منتوق والردف ملحوم=وعين اشقرن للخارمات انصرميا
اقفى وخلا بالحشى هم وارسوم=وقصه غرامن جف منها القلميا
عليه قلبي يابن الاجواد مثلوم=يالمويس حالي بالفراق انعدميا
امشي وكني بين الاجواد منجوم=عزي لحالي ياحياه الندميا
دونه بني عم وقرابات واسلوم=ولولا الحيا دمعي عليه انهشميا
والراي مطلوبن على كل شغموم=وانت رفيق وبالرفيق احتزميا

وقال ابوعبدالله

جاني جوابن حرم اعيوني النوم=والقاف في وسط الضمير التطميا
ودخلت لي في غبه افكار وهموم=والسالفه ماعاد فيها وهميا
نايف شكى ليه وماقال مفهوم=والقلب للمعنى الصحيح استلميا
وعلى حسين الوصف ماهو بمليوم=والراي مني يابوطفره لزميا
اصبر وما يكتب على العبد مقسوم=ولو قلت مالي من عيونه سلميا
مير ارض بالواقع ولاينفع اللوم=ولافات فايت مايفيد الندميا
والحب سهمه يابن الاكرام مسموم=وكم واحدن قبلك قتيل السهميا
وانته تعرفه ماتبى فيه تعلوم=وحنا على فزعتك على ولميا
لو كان اهل زين التواصيف لك قوم=العرف ترضاه العرب لحتكميا
والناس الها اسلوم مافيه معدوم=لاتنكس الاعلام قبل الشيميا
اصبر ولوك من عنا الحب مزحوم=وعساك من مغليك ماتنحرميا
وحنا نبا نفزع ونمشي من اليوم=والراي والخطه تبا ترسميا
ابشر بعز وفزعه اشيوخ واقروم=ومن قال وين امطير ماينهضميا
ربعن تسوق المال وتعلي السوم=وان عاندت تلطم ولاتلطميا
وتمت بسم خلاقنا اللي له انصوم=اعداد من صلى وطاف الحرميا

وسلامتكم

الموضوع الأصلي: صوت : نايف ابو طفره . . صدى محمد بن زايد المويس . . || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح لسان الشاعرين


نايف بو طفره
و
محمد المويس


ويعطيك الف عافيه اخوي سعود على النقل الاكثر من رائع

سعود
صح لسان نايف ومحمد

ولاااااهنت على النقـل <<

تقبل تحيااتي :

القعيمي لاهنت علي مرورك الكريم . .


لآخلا ولاعدم . . يالغلاا

يا سلام يا سلام يا سلام ..



صح السان الشاعر ابو طفره . . والشاعر المويس . .



سعود الله لا يهينك على النقل الاكثر من رائع . .



قريت القصيدتين اكثر من مره . .


الف شكر لك يالغالي . . !

مقلدي

لاهنت


لاخلا ولاعدم علي مرورك الكريم ^_^

صح السان الشاعرين
نايف ابو طفره
ومحمد المويس
ولاهنت ياسعود على النقل الرائع

صح لسان الشاعر

نايف أبو طفرة

و الشاعر

محمد المويس

والله لايهينك على النقل يا سعود

لاهنتم


لاخلا ولاعدم