متعب التركي

متعب التركي

اخواني اخواتي اعضاء المنتدى الغالي اسمحوا لي بهذه المقدمه اللتي تتركني اضع بين ايديكم الكريمه نبذه مختصره عن احد اعلام الشعر اللذي قدم للشعر النبطي الشي الكثير ومن ثم ذهب وهو راضي ومقتنع تماماً بما يفعله انتقل من الغزل والعشق والغرام اللي طريق الهدايه وعسى الله ان يسدد خطاه ويثبت اقدامه على طريق الهدايه هو (الشاعر/ متعب التركي ) وهو من قال القصيده المشهوره ومطلعها....


(((الموت هين والبلا وش ورا الموت
..................... عند الحساب ايهون سهم المنايا))


وقال ايضاً :

(((مستغربين انه ملا قلبي الخير
....................... ليه الغرابه وين وجه الغرابه)))



كثيراً ماردد الناس شعره وكثيرًا ما تجد بين سطورابياته اكثر من بيت مشهور اوحكمه .. وانا اراااهن على ذالك (وشرط كل ما تقرون له قصيده تلقون فيها اكثر من بيت او بيتين مشهور والناس اتردده )

مثل :


(( اصعب فراق افراااق عكف الاشانيب
........................ ماهو مفارق لابسات الغدافي ))




وايضاً :


((ياليتني لابغيت اكره قدرت اكره
.......................... ماكان قلبي ليا جيت اكرهك عيا))



وقال ايضاً :


((اكتب لغيره والقصايد تجي فيه
................... كن القصايد حالف ما اتخونه))


وهذه مقتطفات من ابياته .....



((نسيتني علمني اشلون بنساك
.................... في هالزمن نسيان الاحباب عادي))

وقال ايضاً

((متى ذكرتيني على شان تنسين
....................... خليك مره صادقه وانصفيني
في وقت واحـد تكرهين وتحبين
....................... انا تعبت استحملك واعذريني))

وقال عن الخيانه :

(( احدٍ يخون وواحد الوقت خانه
...................... انا ترا الثاني والاول تراه انت))

وكمان قال :

(( اعلنت حبك لين كلٍ تمناك
.............................. غلطه وغيري من خطاي استفادي))

وبنفس القصيد قال :

((حلوه عذاريبك وحلوه مزاياك
........................... حتى بيوم افراقنا كنت هادي))


وبنفس القصيده قال وانا عتبرها تحدي :

((باكر علي المخطي يدورن الافلاك
.......................... ونشوف من يصعب عليه البعادي))

وقال :

(( من عاش بالدنيا بلا صاحبٍ وولف
..............................عزالله انه عاش عيشت يتامى))

قال عن القصيم :

(( اكره الخوّان كرهي للعراق
............................. واعشق الوافين عشقي للقصيم))

و قال عن الغياب والحضور :

(( في غيابك مال خلق الله حضور
...............................وفي حضورك مالهم بالبال طاري))

لوعات الليالي :

(( حسي بلوعات الليالي ولاحزان
................................. بعدين حسي بالهوى لابغيتي))

الجروح :

(( ماكل جرحٍ لاخذا ايام يبرى
....................... بعض الجروح ايزيد شره مع الوقت))

الاحساس :

(( مرات احس انك معي شخص ثاني
............................ ومرات احس انك حبيبي ومازلت))

وبنفس القصيده قال عن نفسه :

((ماني على خبرك حبيبي تراني
....................... حتى عن اصغار الاماني تنازلت))

حلاها شمالي :

(( مرت سنه واشهور اشوية ايام
...................... على غياب اللي حلاها شمالي))

وقال في التضحيه :

(( ضحيت بالواقع على شان الاحلام
........................ وضحيت بالغالي على شان غالي))

وقال عن السنين :

((ماينحسب عمر البنادم بالاعوام
.................... بعض السنين انعيشها في ليالي
وجه التشابه بين قلبك والايام
.................... القلب خالي ؛؛؛ والليالي خوالي))


تااااابع

الموضوع الأصلي: متعب التركي || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

وين هالغيبه عسى ماهي إفـراق=ليه تبخل بالمجـي خلّـك كريـم
خابر ان الجرح لا صابه حـراق=مـا يفيـده طـبّ والله العظيـم
ينشدوني وين من رمشه دقـاق؟=قلت مدري ذاك خبري بـه قديـم
الغلا راعيـه لـه قلبـن رقـاق=لو جفيته صارت ضلوعه هشيـم
لو زعل لو شال غيضه واستضاق=ما يخرّبهـا وجرحـه بالصميـم
ادمـح الـزلاّت زلاّت الـرفـاق=خصّ لا من صار راعيها حشيـم
واكره الخـوّان كرهـي للعـراق=واعشق الوافين عشقي للقصيـم
عند اهلها غاليه وضـح النيـاق=وانت عندي يمكن اغلا يا وسيـم
ان بغيت افراقنـا هـاك الفـراق=وش نبي بالحب دام الحب ضيـم

=================

طاب السهر عيت تطيب النفـوس=جت من الله واناكـم كنـت محتاجهـا
كنها من حلاهـا كـل ليلـه عـروس=خايفه من عيون النـاس واحراجهـا.
حي هالطول يـازول عسـاه محـروس=مـن عبـث لوعةالايـام وازعاجـهـا
تزعل نفوس وإلا تمتلـي غيـظ روس=من يقـرب لهـا وضلوعـي سياجهـا
لامتى وانت ياشوق القلوب محبـوس.=طالـت السالفـه وابطيـت بعلاجـهـا
جعل قلب على نـار الغيـاب محمـوس=يحتـرق بيـن صاليـهـا ووهاجـهـا
من خبرله غلا بين الضلوع مغـروس=غرسة كلبـو شعـري مـن انتاجهـا
لاتقرب لك الفرقـا هذيـك الهجـوس=من متى والبحور تفـارق امواجهـا.!
لازم اصبر على وجه الزمان العبـوس=لين سود الليالـي يضحـك احجاجهـا
من بغى يقطع الفرجه يعـاف الجلـوس=ليـن ياصـل نهايتـهـا ومخراجـهـا
كان شعري قصر ماطال شمس الشموس=تستريـح القصايـد داخـل ادراجـهـا

======

ذكراك لاهبت يجـي عطرهـا صلـف=واستنشقـه بالصـدر مثـل الخزامـى
إي والله إن غيابهـا مكلـف كـلـف=إي والله ان عـروق قلبـي تـوامـى
رمش النواعس والحجاجيـن والزلـف=يامـا خـذن قبلـي قلـوب النشامـى
أمضى من المصقول واسبق من الشلف=سهم الهـوى لوكنـت عنـه اتعامـى
لايخدعك صبري على الجرح ماخلـف=هالشعر غيـر جـروح قلبـي تدامـى
لي خاطر بينـه وبيـن الشقـا حلـف=يامـا عثـت فيـه المقاديـر يـامـا
من عاش هالدنيا بلاصاحـب وولـف.=عز الله انه عـاش عيشـت يتامـى .
خل السوالـف والمشاريـه والحلـف=مبطي وانا علـى الجـروح اتسامـى
قلب يضيق بذكريـات الهـوى جلـف=وقلبي مثـل جـرد القفـار ايترامـى

دمتم

حسي بلوعـات الليالـي والاحـزان=بعديـن حسـي بالهـوى لا بغيتـي
وش به يهمك لو يقولـون زعـلان=لو فيـك ذره مـن الغـلا ماجفيتـي
يالي تقوليـن الخطـأ زلـت لسـان=فـي زحمـة الايـام ليـه اختفيتـي
خطاي وان جه مدري الذنب وش كان=ليـه انتهـى ذاك الغـلا وانتهيتـي
وقفت في وجه الزمن قـدر الامكـان=وانتي جنح فيـك الخيـال وغفيتـي
غلطان انا في كل الاحـوال غلطـان=اسرجتلك خيـل القصيـد وسريتـي
جيتي وقلت الجرح يوم اقبلـت هـان=وانتي على الجرح القديـم ارتكيتـي
قلتي لـي ان الحـب لابـد ينصـان=واليـوم ماكنـك دقايـق هويـتـي
شافوك حساد الهوى شوف الاعيـان=يومك على رجـم القصايـد رقيتـي
ما بان لك شي ولا بقا شي ما بـان=بس انتي اللـي غافلـه مـا دريتـي
العام لك طاري بقلبـي ولـك شـان=واليوم احـس بغلطتـي لا طريتـي
وان قدر المولى وعشتـي بحرمـان=ومن حر لوعـات التجافـي بكيتـي
تذكري قلب(ن)لـه سنيـن شفقـان=شوفي بحقـه ياكثـر مـا خطيتـي
كل القصيد اللي اقولـه علـى شـان=تهزك الذكـرى عقـب مـا نسيتـي

............................

متى ذكرتيني على شان تنسيـن=خليك مـره صادقـه وانصفينـي
في وقت واحد تكرهين وتحبيـن.=انا تعبت استحملـك واعذرينـي
حبك سرق من عمري ايام وسنين=مثـل الهـوا مايمسكنـه يدينـي

ماني أعمى بصيره..بس وش عاد أسوي=مايطيـب الجريـح إن كـان ماينتـداوا
كن حبه على حدب الضلـوع امتطـوي=كيف أبقوى وأنـا بيبـان قلبـي تهـاوا
شوف قلبي من جروح البعـاد امتكـوي=عقب ماقلت جرح العام طـاب وتشـاوا
يوم ساقـوا ركايبهـم وشبيـت ضـوي=ماتخوفـت وسبـاع الخـلا لـي تعـاوا
أشهد إنه تعكـر عقـب مـاراح جـوي=مانسيتـه وزولـه للعيـون ايـتـراوا
زل وقت الوعـد ماعـاد فيهـا تـروي=بس أنا وإنت ياحرف القصيـد انتخـاوا
قل لهـم ياقصيـدي لايروحـون تـوي=ماني اللي حضوره مـع غيابـه تسـاوا
رد عنـي علومـن ماتونـس عـدوي=قل لهم متعـب التركـي عليـل وتـداوا

توديع الأحباب مثل الموت له سكره=ادمى جروحي وشق الصدر منيـاا
والقلب طير ضلوع الآدمي وكـره=لاشاقـه الطلـع لاسلـم ولاحيـاا
مصير الأحزان تنسانـي وتفتكـره=ماكل الأيام بيض وسمحـه محيـاا
قل غيرها ماأنت لامجبر ولامكـره=لاصار ماهي غلا ما أبي لك حمياا
لوفي يدي شي ماقلت الوعد بكـره=حزمت حدب الضلوع وقلت لك هياا
لو كل غالي يجي دايم على ذكـره=ماصرت اشوفك هناك و حبك هنياا
ياليتني لابغيت اكره قـدرت اكـره=ماكان قلبي لياجيت اكرهـك عيـاا
مادامك معيف رح لكن على فكـره=ماقلت لي ليه دمعـك سـال منيـاا

طاب منقولك يا سعود

معودنا على الجزلات

سطام .. الجزل ردك ع هذي الصفحه

لاخلا ولاعدم

سعود ..



الله يبيض وجهك !!



نقل .. مميز !!


لاهنت


لاهنت


لاهنت

(( اعلنت حبك لين كلٍ تمناك
.............................. غلطه وغيري من خطاي استفادي))

وبنفس القصيد قال :

((حلوه عذاريبك وحلوه مزاياك
........................... حتى بيوم افراقنا كنت هادي))


سعووود

كل بيت احلى من اللي عقبه
لاهنت وطاب منقولك

سعوود

الله عليك اختيااراات قمه
مبدع متعب التركي
ومثل مااقاالت اخت القمر
سااحر الكلمه


شكراا لك اخووي سعوود وعسااك قوي

فهد ..



ووجهك ..


ولانت


ولانت


ولانت

فنتك مرحبا ومسهلا


ولانت ..