عشقت اغلى بنات الارض ولا اقول اني الاول " جديدي "

عشقت اغلى بنات الارض ولا اقول اني الاول " جديدي "

السلام عليكم ورحمة الله وبركاته.......


مساكم عذب وصباحكم اعذب.. اتمنى ان تعجبكم هذه القصيده:

تراكينا انا وشعري ولا ادري من جلس اول=وقمت اهز مسباحي وقام يهز مسباحه
تنحنحت وتنحنح لي ورحت بطرفي اتجول=اهيم بهالفضا واغدي بليل(ن) كثرة اشباحه
على ذاك الشعيب الي عليه من السما حول=عتب غيم تكاثف فوق وبل الشعر ورياحه
نشدت الي مراكيني وين الناس يامطول=لفى عيد "العنود" وحضرتك ماجلت بالساحه
عقب ماهو مراكيني تسنع واعتدل وازول=وشد بضربته متن القصيد ونزفت جراحه
تجمع مزنة شرقا على مد النظر واطول=تدفق وبلها لين ازبد الحدين بمراحه
وقال بونه فيها بحيح الصوت يتمول=لمسة الجرح في روح طعنها الشوق بسلاحه
عشقت اغلى بنات الارض ولا اقول اني الاول=كثير الي بحضرتها يسوق الروح مرتاحه
حوت اربع يموت رجال دون احداهن تهرول=سليلة عز وبنت رجال ومنبع دين ذباحه
اطوف الارض شايلها غرام دافق يهول=اليا غنت وانا بأقصى حدود الارض فواحه
اداعبها والاعبها الى من المسا حول=واسارقها صباح الخير لامن لاح مصباحه
لها عشق غدا الاول ولا غيره غدا الاول=ولا التالي ولا الاخر بوقت العسر والراحه

.. وسلامتكم ..

الموضوع الأصلي: عشقت اغلى بنات الارض ولا اقول اني الاول " جديدي " || الكاتب: (نمر)بن(جبلان) || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

تراكينـا انـا وشعـري ولا ادري مـن جـلـس اول
وقمـت اهـز مسباحـي وقــام يـهـز مسبـاحـه


الله اكبر يا نمر بن جبلان


بكل صراحة قصيدة رائعه ورائعه جدا بكل ما تحمله الكلمة

من تشبيهات بليغه وقصيدة رائعه

ومثل هذه القصائد اخوي نمر بن جبلان نطلب منك الكثير (لاهنت)

فهي رائعه جدا

وصح لساااانك اخوي نمر

لاتحرمنا جديدك

اخوك الجارح < يتمنى منك اتحاف المنتدى دائما بمثل هذه القصائد

دمت بحفظ الله وتوفيقه

عشقت اغلى بنات الارض ولا اقول انـي الاول=كثيـر الــي بحضرتـهـا يـسـوق الــروح مرتـاحـه
حـوت اربـع يمـوت رجـال دون احداهـن تـهـرول=سليلـة عـز وبنـت رجــال ومنـبـع ديــن ذبـاحـه

الله الله ...

صح لسانك ياخوي نمر مليوووون ولا يكفون .... دائما مبدع الحرف ...

اسجل اعجابي بالقصيده ...

تحياتي ..

اخت القمر

صــــــــــــح لسانك ملايين وصح ابداعك يالغالي

قصيده جزله ورائعه من شاعر اروع ولك تحياتي واعجابي بالقصيده


اخوك ناصر الجبلي

هذه خطيره



حرام يكون رد عادي عليها



بعدين وين لقب شاعر تحت اسمك انا احمل الاداره شرهتي


لان جميع نصوصك نصوص شاعر متمكن يستحق الاشاده به


اسعدتني كثيراً بهذا النص ،

الله لايضرك

وصح قلبك ملايين

فارس الجبلي

صح لسانك اخوي نمر فأنت شاعر مبدع.

دائما نستمتع بإبداعاتك.

نمر ..


خابر رأيي فيك مبطي يا بطل



صح السانك ولاهنت

ياهلا وغلا يالجارح منور واشكرك على هالكلام بصراحه اخجلتني وصح بدنك ولا هنت على هالرد وان شاء الله البي امنيتك واشكرك مره اخرى على هذه الزياره....

اخت القمر .. شكرا على هذه الزياره اللطيفه وصح بدنج مليون والف شكر....

القعيمي شكرا وصح بدنك يالغالي ولا هنت على الرد وصح بدنك ملاييين وشكرا على اعجابك لك فائق الاحترام والتقدير...