|
|
 |
||||
 |
 |
 |
 |
 |
|
|
|||
 |
 |
 |
 |
 |
 |
 |
 |
.::||[ آخر المشاركات ]||::. |
|
|||||||
 |
 |
 |
| الشعر العام خاص بالقصائد المنقوله سوى كانت من الشعر العربي الفصيح او الشعبي النبطي |
 |
|
|
أدوات الموضوع | انواع عرض الموضوع |
|
|
|
#1
19-01-2008, 02:27 AM
|
|||||||||
|
|||||||||
ديوان ((محمد العبد الله القاضي))
محمد العبد الله القاضي محمد بن عبد العزيز السبيل شاعرنا هو الشاعر الشعبي المعروف محمد بن عبد الله القاضي الذي ولد في مدينة عنيزة عام 1222ه وكان رحمه الله أديباً محدثاً حلو الحديث كما كان غنياً سخياً ندي الكف عزيزاً في قومه يميل الى التشبيب في النساء مع عفته وبعده عما يعيبه ويحب المساجلات مع كبار الشعراء مثل الأمير احمد بن محمد السديري ومحمد العلي العرفج وتركي بن ماضي وشاعرنا وطني مخلص لبلده وقد مدحها بقصيدة عصماء معروفة وبعد القصيدة قال له امير عنيزة في ذلك الوقت عبد الله اليحيى السليم اطلب الجائزة التي ترغب فقال اطلب منك ان يكون للضيوف الذين يأتونك قلوا او كثروا أعرفهم أو لا اعرفهم عندي في اليوم الثاني بعدك فأعطاه ما اراد وهو شاعر ذو حكمة ودراية يمتاز شعره بالقوة والمتانة وجودة السبك وحسن الصياغة وقد اجاد في كل لون ويسرنا ان نستعرض معكم بعض قصائده: يقول من قصيدة عن الدنيا وهي مليئة بالحكم:
أفكرت بالدنيا وبيحت مكتوم=ما حن في ليحان صدري وحامي فكرت ولي بافكار الايام مفهوم=بقلبٍ شوى جاشه لهيب الغرامي يخفق خفيق اسبوق طيرٍ يبي الحوم=ويرف من جاشه رفيف الحمامي شاهدت بالدنيا عبارات وعلوم=وعجايب باحوال حام وسامي اسجم واسبح بها كما الغرق بالنوم=كني على لوح به الموج طامي كم دولة صالت وزالت لها حوم=أخبارهم وأذكارهم كالحلامي استغفلتهم يم الأجداث بسهوم=يقطعك دنيا ما لعيشك دوامي ما قدر الباري على العبد مقسوم=يسلم ويرضى بالقدر والسلامي العمر له حد بالأوراق مرسوم=والرزق مضمون حسابه تمامي فلو تسأل اللي عاش به دهر أو يوم=عمره سوا اللي عاش به ألف عامي اصبر الى منه صفا الدهر لك يوم=يكويك مسمار على الكبد حامي من خاطب الجاهل جهل منه ملزوم=حده لما ياطا الخطا بالحسامي من شاف عيب الناس بالعين معلوم=مغرى وعن عيبه عما العين عامي هيهات من يسلم من الشوم واللوم=رضى الناس فيها غاية ما ترامي ولا ذكر مخلوق عن العيب معصوم=الا الذي ضلل عليه الغمامي فكم واحد حده طغى الجهل والزوم=لما شرب بالكره كاس الحمامي وكم ساري في تايه الراي منجوم=اصبح بضحضاح بعيد المضامي ومن يبذل المعروف بالنذل مليوم=خاب وخسر من ياصفه باللئامي حذراك خلان الرخا عدهم قوم=خلان من دامت نعيمه ودامي ان أدبرت دنياك عدوك معدوم=مروا ولا ردوا عليك السلامي عنز الى من ضدك الدهر مضيوم=عد يصدر حايمات الظوامي والقصيدة اطول من ذلك وله ايضا من قصائد الحكم الكثير يقول بإحداها:
الى ابصرت بالدنيا تكدر لي الصافي=تعذر زماني ما حصل صاحب وافي افيض عليه اسرار ما التج بالحشا=وكل شعيب له مفيض ومطافي تخير من اجناسك رفيق يودك=شفيق وثيق يفهم القيل عراقي يقبل بزلاتك ويبصرك ما خفا=وقلبه دربيل للابعاد كشافي من خاطب الجاهل فهو مثل من كشف=وجهه وقابل شعف عاصوف الاصافي ومن لبس تاج الكبر ما صان عرضه=ولو مطر جوده على الخلق هتافي ومن طاول أطول منه ما ستر ساعة=يجاهد جنود وينقسم رايه انصافي وباشر هل المعروف منك بتواضع=وهل الشر باشرهم بشر وتستافي فالعوشزه لو هي على النيل ما اثمرت=بورد ويوقى الشوك والغصن غريافي وأبرم دواليبك للاسباب ربما=توافق مفاتيح للاغلاق تكافي ومن رام صعبات المشاكل برايه=ادرك بها اشيا ما ينوله بالاسيافي وله هذه القصيدة الجميلة حيث يقول:
جار الزمان وفرق الشمل مذلول=ونفس فجاها من هواها زواله امسى فقيد الروح ما عنه مسؤول=جرح جريح الدم ياوي لحاله بالويل والولوال عمال مشغول=إلا ولا حي رحوم شكاله واصبحت من صرف الينا تقل بهلول=حيران يصفق في يمينه شماله من العام ما عود على الحول مكتول=وأحصيت ساعاتي برجوى وصاله وبشرت يوم طلوع شعبان ودخول=شهر الصيام اتلفت اناظر هلاله ودي يزول وفرحتي به وانا اقول=الله يعجل ما بقى من لياله اسألك بالمطلوب يا خير مسؤول=يا من سمك سبع السما بالعدالة وأوفي بسبع الارض بالعرض والطول=وشرف على خلقه نبي الرسالة بحسناك يا من دام حي على طول=تلطف بحال اللي برى الود حاله على وليف فارق الروح يا طول=مابت مستر الجوانب بجاله بالغي غرقين على غير مفعول=الا هوى نفسي وتشويق داله لوا حظه به سحر هاروت معمول=يوري الرضا لي في تغازل عزاله كالورد بالوجنات وان بات مطلول=وأقفا الزهر مهما ظهر من جماله مجمول مدلول له الوسط معزول=طفل قمر بالزين بدر الكماله لو كثر الناصح فلا العذل مقبول=لكل يكون بحال تدبار حاله ما اسمع ولا ابصر يا هل الذات وعقول=هيهات من يبغي الرضا لا يساله فلا العزا والياس والصبر مجهول=لا شك باح الصبر ما لي وماله أما قصيدته في وصف القهوة فهي مشهورة لجمالها ورقتها وحسن وصفه لها ولقصتها التي قيل ان اصحابه الذين كانوا يسمرون عند والد محبوبته قالوا له ان قلت قصيدة بدون ذكر الغزل والحبيب بها فلك منا جائزة سموها وعندما بدأ في قصيدته وقبل ان ينتهي منها خرجت عليهم محبوبته وكانوا قد اتفقوا معها على ذلك فخرج من وصف القهوة الى وصف الحبيبة حيث يقول:
يا مل قلب كل ما التم الأشفاق=من عام الأول به دواكيك وأخفوق يجاهد جنود في سواهيج الاطراق=ويكشف له اسرار كتمها بصندوق وان عن لي تذكار الأحباب واشتاق=بالي وطاف بخاطري طاري الشوق دنيت لي من غالي البن ما لاق=بالكف صافيها من العذق منسوق احمس ثلاث يا نديمي على ساق=ريحه على جمر الغضا يفضح السوق أحذرك بالنيّه وبالك بالأحراق=اصحا تصير بحمسة البن مطفوق الى اصفر لونه ثم بشت بالاعراق=وصارت كما الياقوت يطرب لها الموق وعطت بريح فاضح فاخر فاق=ريحه كما العنبر بالانفاس منشوق دقه بنجر يسمعه كل مشتاق=راعي الهوى يطرب الى اوحاه بخفوق وكبه بدلة مولع كنها ساق=بنورة منصوبة تقل غرنوق خله يفوح وراعي الكيف يشتاق=الى طفح له جوهر صح له ذوق وزله على وضحا بها خمسة أرناق=هيل ومسمار بالاسباب مسحوق مع زعفران والشمطري الى انساق=ريحه مع العنبر على الطاق مطبوق والى اتفق هذا وهذا بتيفاق=صبه كفيت العوق عن كل مزهوق بفنجال صين صافي عنه الأرماق=يطرب الكرسيه مع البال معشوق شكله على الفنجال صبغ كما الراق=او دم قلب وانمزع منه معلوق راعيه كنه شارب ريق ترياق=كاس الطرب وسرور من ذاق له ذوق الى انطلق من ثعبته تقل شبراق=دنق تصور بالحمامه على الطوق يعتاض عن خمر السكارى بترياق=غرو تشف شفاه والعنق مفهوق عبث يعيل بحبة منه ما ماق=وهو يشابه ساطع البدر بشعوق والى عنج في وجنته بارق حاق=عجل رفيفه بالطها القمح مطبوق والعنق كن الورس والمسك به راق=مع مشخص في صدره الشاخ مذلوق يمشي برفق خايف مدمج الساق=يفصم حجول ضامها الثقل من فوق الى صفا لك ساعة وانت مشتاق=اقطف ثمر ما لاق والعمر ملحوق اول صوابي رنة الحجل بالساق=وحجول من تشكي خلا خيله الذوق والله لو يمشي شفاق بالاسواق=من الملا ما يمطخ الخمس مخلوق والى حصل ما قلت عندي فالارزاق=في يد كريم كافل كل مخلوق وله هذه القصيدة التي قالها في مدينة عنيزة مادحا مما دعا امير عنيزة في ذلك الوقت عبد الله اليحيى السليم إلى ان قال له اقترح الجائزة التي تريد فقال شاعرنا محمد القاضي اطلب منك ان يكون الضيوف قلوا او كثروا اعرفهم او لا اعرفهم عندي في اليوم الثاني بعدك فأعطاه ما اراد يقول في قصيدته:
لعل براق صدوق خياله=محن مزن مرجهن وهطال حين ارتكم كنه شوا مخ جباله=مترادف ذيله يجي سيلة ارسال لجب الى ربرب ربابه صباله=من الشرق نسم رد الأول على التال تشوف عياز المزن وقت احتماله=طبوق بجنحان الخضاري له امثال تنظر خشوم المزن يوضي بجاله=صفايح الفضه بصالوخ صقال لكن طفاح الرباب احتبوا له=هجمة مغاتير حداهن خيال كن الرعد به والبروق اشتعاله=تتيبع اطواب الفرنجي الى صال ونضناض برقه في مثاني خياله=لا نشروا شرع المراكب بالادقال الى هل طار غبار خده وشاله=والتج وديان الوعر والسهل سال يسقي مفالي ديرة ضم جاله=ما يعجب الناظر بشوفه ويهتال برباه حور العين يسحر جماله=وحماه هو مربى الجوازي والاطفال دار لنا وادي الرمه عن شماله=غربية الضاحي وشرقية الجال في روضة شرف المباني قباله=لجة غروس دايره تقل تفصال فسايل كالتين يا حي فاله=وفواكه فيها الثمر والحمل مال جار لنجد مشرع كم عناله=راج ومحتاج ولافي ونزال والضيف هو ويا الضعيف ارتكا له=اكرام النفوس اهل القواعد والافعال حمو حماها بالمراجل رجاله=لين أوحشوا من جا لجاله بالافعال براي وتدبير وعقل وصما له=وصبر وتقديم وتوخير الأحوال فإن بركوا للراي شالت حماله=زمل التخوت اللي يشيلون الاثقال ويستمر في هذه القصيدة الجميلة يمدح اهلها الذين يستحقون ما يقال بهم لما عرف عنهم من الخصال الطيبة والكرم والجود فيقول في نهايتها:
أم لنا من عقها من عياله=عدم البصر والسمع والمال وعيال وصلوا على المختار ختم الرسالة=بأزكى صلاة تبلغ الصحب والآل وقبل ان نختم وقفتنا مع محمد القاضي نقدم لكم ابياتاً من توبته المشهورة ويقال انه قالها في مرض موته:
يا محل العفو عفوك يا كريم=ولطفك اللي شامل كل الأنام يا سميع يا بصير ويا عليم=يا قوي يا متين ويا سلام يا حميد يا مجيد ويا حكيم=جل شانه لا يهام ولا يرام بنور وجهك يوم ناجاك الكليم=عند سينا خر موسى ثم قام بحرمة الكعبة وزمزم والحطيم=والحجر هو والحجر ويا المقام موحد يدعيك بالليل البهيم=بالتخضع والتضرع بالظلام خاشع لك خاضع لك مستقيم=اسألك وأدعيك باسماك العظام ان تروف بحال من جسمه سقيم=علته تبرى لها خمسة عوام من بحر مجدك وجودك يا كريم=نفحة يسعد بها دوم الدوام داوني بدواك من داء اليم=واشفني بشفاك يا من لا يضام مدله نفسي بتدلية الفطيم=عن لذيذ النوم مع طيب الطعام فابن آدم لو يعمر بالنعيم=لو تمادى خير عمره للعدام ما لي اشكي غير للرب الرحيم=سامك سبع السموات العظام من عميم احسانك ارحم يا رحيم=يوم نزع الروح وان جاه الحمام قام يصعدها ويحدرها غريم=من اعضاي الى الدماغ الى البهام عقب نزع الروح لاجن الحريم=ولجو أهل البيت واشغله الغرام والقصيدة طويلة جدا ومعبرة وكلها حكم ومواعظ ولكن نكتفي منها بما أوردناه. كانت هذه الوقفة مع الشاعر المشهور محمد بن عبد الله القاضي الذي توفي عام 1285ه رحمه الله رحمة واسعة والى لقاء بإذن الله مع شاعر آخر وهذي مجهودات شخصية نقدمها لمنتديات الجبلان خاصة ولكم تحياتي0000 المصدر: ::منتدى الجبلان الرسمي:: 
وإذا كانت النفوس كباراً=تعبت في مرادها الأجسام
|
|
19-01-2008, 04:20 AM
|
#2 | |
|
::+عضو شرف+::
|
ابو محمد
انت مبدع بحق ,, صدقني دون الاستعانه بمجامله لا يوجد لدي كلمات لشكر  سوى !! شكراً لك شكراً لك شكراً لك شكراً لك استمر في طرح دواويين الشعراء فأنت تثلجني حقيقه كن بخير يا " غالي " .. .. |
|
|
..
|
|
19-01-2008, 05:58 PM
|
#3 | ||||||||||||||||||||||||
|
::شخصية هامة::
|
فهد الجبلي00 حضورك مقياس للذوق الشعري أهلا بك دائما وحضورك يشجعنا علي الكتابة00 |
||||||||||||||||||||||||
|
وإذا كانت النفوس كباراً=تعبت في مرادها الأجسام
|
|
22-01-2008, 04:31 AM
|
#4 | |
|
::شخصية هامة::
|
ردية -الشاعر محمد القاضي والشاعر محمد العرفج
قال الشاعر الكبير محمد العبدالله القاضي التميمي يسند على الشاعر محمد العلي العرفج التميمي :
البارحة يـوم المخاليـق ضلـوا=نيام والهاجـوس بالقلـب فاجـا أركبت ربعٍ فوق الانضـا تعلـوا=عيرات يطون موحشات الزراجـا من جورة الفيحا بليـل استقلـوا=والصبح عند الليث سفر الحجاجا ابو زيد مقدمهم لا غابـوا اللـوا=وقربت خطى ربعه وكثر المناجـا يثني خلاف الربع إلى ما استذلوا=ربعه إلى ثار الدخـن والعجاجـا عيد الهجافا ريفهـم وان تحلـوا=زوله عقب قطع الخرم والفجاجـا عد يجونـه مـن بعيـدٍ وملـوا=صملانهم لانش حطـوا لهماجـا عطوه خطي واسمعـوا لا تملـوا=وقولوا عشيرك فيه مثل الخلاجـا على الذي بيـن المعاليـق ذلـوا=وبدر البها في غرتـه كالسراجـا ونهود كالرمـان للثـوب قلـوا=وبدر الدجا له بالحجاج التعاجـا ولفه محين داخل القلـب خلـوا=رمح الهوى من بين الأضلاع لاجا ياما انهلوا زرعٍ بقلبـي وعلـوا=وياما دهانـي بالمعايـا ولاجـا وياما خطف قلب الهواوي وشلوا=جيش الشقا والهجر وقل المراجا للروح ياريف المراميـل سلـوا=بالعون جافينـي ظبـي الزراجـا يابو علي حبـان قلبـي تغلـوا=وتبدلوا بالصـد عقـب المعاجـا ولاقط فينا يانهـا السـد جلـوا=ولا ايحم المجمول من له تلاجـا مصيونـةٍ كـل الملامـا تحلـوا=زوله ولا يوم على الشين عاجـا دونه شغاميـمٍ عصـاتٍ وسلـوا=حدبٍ مضاريبـه لهـن انثجاجـا افزع لمشغـوفٍ قواديـه ضلـوا=وانا امتحنت وصاحبي باتهاجـا جرحي عنه كل الدخاتيـر كلـوا=وانـت لجـرح قلبـي عـلاجـا افزع لمن له يافتى الجود خلـوا=قلبـه لميـدان العـذارى مداجـا فردّ عليه ابو زيد مرتجلاً هذه الابيات :
حي الجواب وحي من عوسر اللوا=حيه عدد ما ساج باليـم ساجـا أو عد ما هلـت مـزون وهلـوا=اهل السخا والجود بالضيف لي جا ترحيب احلى من حليـب وتلـوا=سكر نبات ذوب شاهـي وكاجـا وابها من العنبر مع اللـي تفلـوا=والـذ مـن در البكـار العساجـا عذب النبا كان النشاشيـد كلـوا=عسار للقيفان مـا كـان عاجـا عدل الغرايب من ضميـر تحلـوا=مثل المطر بامر الولي باندراجـا عينيك باللي يوم جا الـب هلـوا=ولا خير باللي ما يهلي إلـى جـا عسلوجة مامنه الادحـاش علـوا=فعد انهوده مثل بيـض الدجاجـا إن كان اهل عدم الوصايف تغلـوا=سقنا لهم ما كان ناجد ومـا جـا فان كان مالك يافتى الجود اجلـوا=ابشـر بصبيـان امنـاه العلاجـا إلى ثار مثلوث الـدوا واستقلـوا=كم راس شيخ عن علابيه ما جـا كم اطلقوا من عيطموس وخلـوا=شوقه عليه امسلهب الريش راجا ما قل دل وما كثـر منـه ملـوا=والهرج كثره يالقطامـي سماجـا ولة أيضا هذة الرائعة000
هلا ما هـام بالتهيـام هامـي=وساق النور ديجـور الظلامـي وما سـاق الهـوا حـيٍ لحيـه=ِوما ساروا إلى بيت السلامـي وطافوا بالحرم واحـل واحـرم=وحل الحج بالبيـت الحرامـي بخطٍ شاق لي من روح روحي=وبه تفضيل تفصيـل السلامـي وفليـتـه وقبلـتـه بعيـنـي=تجاوزت الفرح طاغي وطامـي كأنه منـزلٍ بالوحـي واحيـا=رسومٍ دارسات مـن غرامـي سطر طرسٍ من المحبوب حيه=تحية روض في وبل الغمامـي تحية عاشقٍ وان شاف شوقـه=عقب بعدٍ ومطـل وانصرامـي فلا يا حي حـيٍ هـو حياتـي=وهو طيبي وهو مبري سقامـي فانا من عقب ما جانـي كتابـه=دعا داعي فـؤادي والغرامـي تنابـى بالبشـايـر والفـتـوح=وسنا نور الفرح ساق الظلامي بتأصيـلٍ بحسناكـم وأظـنـي=شربت بكاسكم خمـر المدامـي وانا احصي كل ساعات الفراق=تزاولني وكـن اليـوم عامـي ويوم انه صحا راسي وعقلـي=الاي مفـارقٍ لامـك ولامـي كظمت الوجد من حزني عليكـم=يصبـح او يماسينـي حمامـي وزاد الوجد حتى انـي بقيـت=أزج الحزن وريامـي حيامـي ادير الراي في ذاتـي وفكـري=وضاع الراي واشتد الغرامـي كأني كالغريـق بجـوف بحـرٍ=على لوحٍ يزجـه كـل حامـي تدافع فيـه موجـات تصافـق=بـدورات بلجـاتٍ عضـامـي ولولا حسن ظني بك لوصلـي=لكان الـروح فاختتـه شمامـي والاحي حزن يعقـوبٍ ونوحـه=على فرقاك تسعين الف عامـي واحارب لـذة الدنيـا جميعـه=واجدد ما تقـدم مـن هيامـي ولكن مالكـن نفسـي وعقلـي=بمعروفـك وحسنـاك القدامـي وأنقذت الحيا من روح روحـي=كما ينقذ مـن التهيـام هامـي ملكت القلب لما صـار مالـي=عليها لا اتصال ولا اعتلامـي يزورن عقب فرقاكـم زيـاره=ويسكن عندكـم دوم الدوامـي فلو امهل لنفسـي فـي هواكـم=هرج بي من سكن شرقٍ وشامي ولكنـي اهيـم ببحـر غـيـك=غريـق بـه مهيـم مستهامـي عقبت الحد عن مجنـون ليلـى=ولهيب الحب زاد له اضطرامي فلا من حـب ريـا والربـاب=ولا هندٍ ولا زينب ولا ( مـي) ولا ريمـا ولا هيفـا وحسنـا=تشهر صيتهـن بالغـي سامـي فلا منهـن شكيـت ولا ببالـي=عدا شخصٍ صفالي هو ريامـي عديم الوصـف بـراق الثنايـا=علي البيض من بعده حرامـي فكم امسيت من بيـن الترايـب=جضيعٍ له كمـا الـف بلامـي بسكراتـي وانـا بالله راجـي=يهب الحظ لي في جمع لامـي بوادي الحـب كـلٍ لـه نحيـه=ويغري في هـواه ولا يلامـي ومن رام الهوى مـا رام مثلـي=عنودٍ بحر غيـه مـا يرامـي ومن لامن ما فرعـون يحشـر=به الحسـرات بالدنيـا دوامـي وصلـى الله خـلاق البـرايـا=على المختار تفصيل السلامـي وهذي قصيدة القاضي بالقهوة كاملة عن النسخة السابقة لتكون مرجع للديوان0
يامـن لقلبٍ كل ماالـتمّ الاشفاق=من عام الاول به دواكيك وخفوق
يجاهدجنودٍ في سـواهيج الاطراق=و يكشف له أسرارٍ كتمهابصندوق إلى عنّ له تذكار الأحباب واشتاق=باله وطف بـخاطره طاري الشوق قربت له من غاية البن مـالاق =بالكف نـاقيهاعن العذف منسوق إحمس ثلاث ٍ يانديمي على ساق=ريحه على جمر الغضايفضح السوق حذراك و النيةوبالك و الإحـراق=واصحى تـصير بحمسةالبن مطفوق الى اصفرّ لونه ثم بشّت بالاعراق=وصارت كما الياقوت يطرب له الموق وعطـّت بريح ٍفـاضح ٍفاخر ٍفـاق=لا عنبر ٍريحه بالا نفاس منشـوق دقـه بنـجر ٍ يسمعه كـل مشتاق=راع الهـوى يطرب ليادق بخفوق واحشه بدلـة مـولع ٍ كنها ساق=بـلورة ٍ مـنصوبة ٍ تـقل غرنوق خلّـه تفـوح وراعي الكيف يشتاق=الى طفح له جوهرٍِ صح له لوق أصغراقموره كالـزمرد با لأشعاق=وكبارها الطافح كما صافي الموق زلّـه على وضحا بها خـمسة ارناق=هيل ٍ و مسمار ٍ بالأسباب مسحوق مع زعفرانٍ والشمطري الى انساق=ريحه مع العنبرعلىالطاق مطبوق إلـى اجتمع هـذا وهـذا بتـيفاق=فـصبه كفيت العوق عن كل مخلوق بفنجال صين ٍ صافي عنه الارماق=تغـضي وكـرسيه غـدان ٍلمعشوق الى صب فابصر جوهره تقل شبراق=رنق ٍ تصور بالـحمامة على الطوق شكل غَـرَاالفنجال صبغه كما راق=دمّ الـغزال الى امـّـزع منه معـلوق خمر ٍ الى منه تـساقى بالارياق=وعليه من ماء صافي الورد مـذلوق راعيه كنه شارب ٍ ريق ترياق=كاس الطرب واسرور من ذاق له ذوق يحتاج من خمرالسكارى الى فاق=طـفل ٍ يشف شفاه والعـنق مفـهوق عبث ٍ يعيل ابـحُبة ٍ منه ما ماق=وهـو يباهي باهـي البدر بشــعوق في وجنتيه الى غنج بارق ٍ حاق=عـجل ٍ رفيفه بالطـها الغـرق بطـبوق سحر ٍكتب من حبرعينيه باوراق=خـديه صـادين ٍ و نـونين من فـوق كن العرق بخـدودها حـصّ ارناق=نـثر عـلى صفحات بلـورة الشوق إلى تبسم شع و أشـرق بالآفاق=نور ٍ يفـوق البـدر سحار منـطــوق والعنق كن المسك والورس بـراق=مامشخص ٍ في صدره الشاخ مدفوق يـمشي برفق ٍ خايف ٍ مدمج الساق=يفصم حـجول ٍ هزه الثقل من فوق الى صفت لك ساعة ٍ و أنت مشتاق=فاقطف زهر مالاق و العمر ملحـوق فالى حضر ماقلت عندي فالارزاق=بيدي كـريم ٍ كافـل كل مخلــوق والله لو يمــشي شقاق ٍ بالأسواق=مـن الملاء مايمسط الخمس مخلوق هـذا و صلوا عـد ما ناض بـراق=أو ماشكى الفر قا شفيق ٍ لـمشفوق على النبي مـا زج زاج ٍ با لأوراق=و آلـه و صحبه عد ماسيق مـسيوق |
|
|
وإذا كانت النفوس كباراً=تعبت في مرادها الأجسام
التعديل الأخير تم بواسطة أبومحمد ; 22-01-2008 الساعة 04:50 AM
|
|
06-02-2008, 04:16 PM
|
#5 | |
|
::شخصية هامة::
|
نادرة أخري كاملة تضاف للديوان000000000
هذه القصيدة (الكاملة) بعد البحث--وأوجزت منها بالمقدمة شئ بسيط لأهميتها نضعها كاملة لأعضاء منتديات الجبلان الكرام 000
للشاعرالكبير محمد العبدالله القاضي ـ رحمه الله ـ !!! قالها وهو في أواخر عمره ؛ عندما ألمَّ به مرض ، وتمكن منه خمس سنوات !!! يبدأها الشاعر ـ رحمه الله ـ بذكر الله والثناء عليه !! ثم يدعوا ربه بأن يشفيه من المرض !! ثم يذكر المراحل التي يمر بها الإنسان !! من غرور في النعيم !!! ومفاجأة الموت له ؛ وخروج الروح !! ثم حالة أهله وأحباءه بعد فقده !! ثم حال تغسيله ؛ وتكفينه ؛ ودفنه !! ثم سؤال الملائكة له !! ثم الحشر وأهوال الحشر !!! ومن ثم المرور على السراط المستقيم !!! ثم أحوال الناس بين من يـُسر بالجنة !!! وبين من يُجرُ إلى النار !!! جعلنا الله وإياكم من أهل الجنة !! يتبعها نصيحة ثم دعاءٌ وخضوعٌ وتوسل !! ثم ختام بالصلاة على النبي محمد صلى الله عليه وسلم !!! هذا بإختصار ملخص للقصيدة !!! أتمنى قراءتها بتمعن لما فيها من الحكم وآسف على الإطالة !!! يقول الشاعر:-
يا محل العفو عفوك يـا عظيـم=ولطفك اللي كافـل كـل الآثـام
يا سميـع ويابصيـر يـا عليـم=يا قوي ويا متيـن ويـا سـلام يا حميد يـا مجيـد يـا حكيـم=يا عزيز ذو الجـلال والإكـرام يا عطوف يا رؤوف يـا رحيـم=جلَّ شانه مـا يهـام ولا يـرام بنورك اللي يوم ناجـاك الكليـم=دك سينا خرّ موسـى ثـم قـام مُوحد ٌ يدعيـك بالليـل البَهيـم=وبالتخضع والتضـرع بالظـلام خاشع لك خاضع لـك مُستقيـم=اسألك وادعيك بأسماءك العظـام أن تَروف بحال من جسمه سقيم=عِلته تبراه لـه خمسـة أعـوام داونـي بـدواك مِـن داءٍ أليـم=واشفني بشفاك يا من لا يضـام من انتحالي دوك حالي حام حيـم=والمرض رض الأعضاء والعظام مدلـه نفسـي بتدليـه العظيـم=عن لذيذ النوم مع طيب الطعـام ولا لي مشكى غير للرب الرحيم=بحق السبع السمـاوات العظـام ذا ومع ذا لـو تمـادوا بالنعيـم=فإن عمر المـرء مـرده للعـدام كل ابن انثى ولـو طـال سليـم=لا زم ٍ يشرب بكاسـات الحِمـام من عميم إحسانك ارحم يا رحيم=يوم نزع الروح وإن جاها حمـام قام يصعدهـا ويحدرهـا غريـم=في عضاه من الدماغ إلى البهـام شاخص طرفه وريقه ريق هيـم=كل عرق بالعرق يرشـح شمـام يوم نزع الـروح لجـنَّ الحريـم=وجضوا أهل البيت واشتغل الغلام والشفيق اللـي يـوده والرحيـم=يستشين بشـان تجهيـزه قـوام والخشب دن مع الخـام الرخيـم=وفصلولـه وزره فوقـه حـزام ثم شالـه كـل شغمـوم حشيـم=مرجليـن معجلـيـن بالهـمـام ووضعوه بمُوحش قبـر ٍ ظليـم=ووسدوه اللِبنَ عن ريـش النَعـام وكشفوا عنه الغطا قبـل الهديـم=وفككوا عنه العصايب والحـزام ورصفوا فوقه من اللِبن ِ الضخيم=وادخلـوه وودعـوه بـلا كـلام وحـدوه بموحـش مالـه نديـم=غير ما قدم مـن أعمـال قِـدام عند خلق ٍ بارزين فـي صَميـم=صامتيـن مـا يـردون السـلام حال ما خلـوه بالبـرزخ مقيـم=جاه من ناجاه عن خمس ٍ تَمـام اسأله يلهمك رشدك يـا غريـم=فـي ثباتـك للملائكـة الكـرام وعقب هذا البعث والهول العظيم=يوم حشره يـوم نشـره للأنـام يوم يبعث كل ذي عظـم رميـم=في صعيد للحسـاب والخصـام يوم نَصبـه للسـراط المستقيـم=لنسل يافث ثـم حـام ثـم سـام حاسريـن عابريـن بـه نظيـم=ذا يصيح وذا يطيح من الزحـام وذا جريح وذا عطيب وذا سليـم=وذا يمر مرور برق ٍ في غمـام وذا يُسرُ وذا يُجَرُ إلـى الجحيـم=وذا إلى الفردوس من باب السلام وذا يُخلـدُ بالنعيـم اللـي مُقيـم=وذا مسيم في لظـى دوم الـدوام كيف من ييقن بهـذا يـا غشيـم=يفنى الدنيـا ويغـرى بالحطـام وين ابوك وين جدك؟ يـا عديـم=وين خالك وين خِلك والعمـام؟! ويـن شُبـان يهـدون العـديـم=ويـن شيبـان ٍ شغاميـم كـرام صُيروا في قبورهم مثل الهشيـم=خامديـن هامديـن فـي هـدام تبـرم الدنيـا وينقـض للبريـم=واخيرها منقضية مثـل الاحـلام يا (أحد) يا (واحد) شانه عظيـم=يا (صمد) يا عالم كـل العـلام سامع في غِبـة البحـر البهيـم=صوت يونس يوم نادى بالظـلام يا إلهي خـذ بيـد قلـب ٍ سليـم=عن عذابك يوم للخلـق ازدحـام من بحر مجدك وجودك ياكريم=نفحـة نَسعَـد بهـا دوم الـدوام أنا دُسـت الخطايـا مـن قَديـم=طالبك صفحك وعفوك لي ختـام الهوى والنفس أغواهـا الرجيـم=ونشر فضلك واسع ذا والسـلام ذا وصلى الله على طـه اليتيـم=وآله والصَحب ما هـل الغَمـام عدد من طـاف بالبيـت القديـم=بين زمزم والحجر هـو والمقـام |
|
|
وإذا كانت النفوس كباراً=تعبت في مرادها الأجسام
|
|
07-02-2008, 02:48 AM
|
#6 | |
|
::+عضو شرف+::
|
ابو محمد
مبدع الله يبيض وجهك . . استمر بطرح الدواويين " جميع اختياراتك موفقه " فأنت تطلعنا على شعراء لم نقرأ لهم !ّ! شكراً مره اخرى .. .. |
|
|
..
|
|
07-02-2008, 04:36 AM
|
#8 | |
|
₪ :: عضو مجلس الادارة :: ₪
 
|
فابـن آدم لـو يعمـر بالنعيـملو تمادى خيـر عمـره للعـدام
أبومحمد أشكرك على هذااا التمييز بكل ماااتطرحه ليس مجااامله أخي ولكن يجب شكرك وتهنئتك على هذا الإباااااع وااجب عليناااا اماام مانرااااه من بحث ورقي بالموااضيع والطرح شكرا لك من القلب |
|
|
.
..المنافي.. ] .. خلّ وافي ! لـ انسان ضاع من الزمن ، من لحظة فراقك .
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ((ديوان))عبد الله باتل الرشيدي | أبومحمد | الشعر العام | 11 | 19-01-2008 05:55 PM |
 |
 |
 |
العرض المتطور
