رديـــّه بين الشاعر فهد الازيمع والشاعر نايف الازيمع

رديـــّه بين الشاعر فهد الازيمع والشاعر نايف الازيمع

السلا عليكم ورحمة الله وبركاته

مشاركتي الاولى وهي عبارهـ عن قصيده ( رديّه ) بين جدي

الشاعر الكبير / فهد ابن مطلق الازيمع , و ولد عمّه الشاعر / نايف بن محمد الازيمع


الشاعر / نايف الازيمع :

كـل ماقربـت ديـرة فهـد فـز بالـي = واوجس القلب يرجف تقل جا فيه روعي
اشهد اني من الفرحـه تقلـص خيالـي = والبلاغه تخلـت واسعفتنـي دموعـي
عبرت عن عظيـم الحـب واهملالـي = كيف تقدر تعبر عـن حنايـا ظلوعـي
مالقيته غريب وشفت عـذري لحالـي = اصلنا واصلن والفرع لاصلـه تبوعـي
والله اني من الفرقـا سهـرت الليالـي = يكيف نبعد وحنّـا يالازيمـع ربوعـي
المحبـه كبيـره راسـيـه كالجبـالـي = من نكر حبكـم ياعـل مالـه شفوعـي
يافهد ياعضيدي ياخلـف ماغـدا لـي = خل حبل المواصل لايجي بـه قطوعـي
ياولد مطلـق الغالـي ويـاراس مالـي = ليت شمل الحمولـه يلتئـم بالجموعـي
خلنـا نجتمـع والعمـر خيرتـه بالـي = من طلب وصل دمه مايسمـى قطوعـي
ليت تذكر حمد كان تعـذر مابـدا لـي = بالمحبـه رصيـدك دايمـن بالطلوعـي
يذكر اسمك اليا ذكرت اعلوم الرجالـي = وينتخي فيه لاصالت عليـه الفزوعـي
ساسنـا بالمحبـه يـوم حنـا عيالـي = واثمـر البـذر فينـا حبنـا للفروعـي

وهـذا رد جدي الشاعر / فهد مطلق الازيمع :

ياهـلا مرحبـا باللـي تعنّـا وجالـي = عد وبل السحاب وعد نبت الزروعـي
اسعد ايامنا واسعـد جميـع الليالـي = لحظة شفت نايف مشكلته الرجوعـي
يوم جانا وشفته كربـة الهـم زالـي = نحمد اللي جلب لي واحدن من دروعي
اتقي به وافاخر بـه رجالـن دوالـي = حصل ساعتن تزمل خطـاة البتوعـي
نور عيني بشوفه طاب حلو الكرى لي = سال وادي محبتنـا وحنـا هجوعـي
هو سنا ضوح برّاقه صدق بالخيالـي = القلوب ارتوت ماصار سيله نقوعـي
يا الله اني طلبتـك ياعزيـز الجلالـي = رافعن لك يديني في نهايـة خشوعـي
حقق امالنا فـي مجتمـع كـل غالـي = وان حصل ما اتمنى قلت قبل السبوعي
لاذكرنا حمد يا بو الوليـد استشالـي = قلبنا له كفخ نومي على راس كوعـي

الموضوع الأصلي: رديـــّه بين الشاعر فهد الازيمع والشاعر نايف الازيمع || الكاتب: رمآآآد الشووق || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

اولا :صح لسان كل من فهد الازيمع و نايف الازيمع

ثانيا: يامرحبا ومسهلا بك في بيتك الثاني بيت الجبلان وحنا سعداا بقدومك بيننا وان شاءالله تسدفيد وتفيد

لاهنت . . . على ايرادها بارك الله فيك ورديه من اجمل رديات ولا تبخل علينا بجديدهم

تحياتي لك بود وحترام وتقدير

صح لسان فهد الازيمع ونايف الازيمع


والله يطول بعمره ويعطيه الصحه والعافيه




وحياكم الله هلا والله ومليون غلا تو مانور المنتدى فيكم

صح الله السانهم ماقصروو مبدعين سلمت اخوي على النقل