يسوقني همي سوات الريح لاسـاق السحـاب=وتطويني الفرقا كما طـوي البيـار المجذبـه

#1 10-03-2010, 09:43 PM

يسوقني همي سوات الريح لاسـاق السحـاب=وتطويني الفرقا كما طـوي البيـار المجذبـه


	اخواني واخواتي إداة واعضاء وزوار منتدى الجبلان الشامخ السلام عليكم ورحمة الله وبركاته .............وبعد (بالبدايه عدم المواخذه انا لست شاعرٍ بل على قد الحال) لتواصل معكم اقدم لكم هذه القصيده(بل)الابيات المتواضعه (كا مصافحه اولى) أمل ان تحوز ولو على القليل من اعجابكم كما اقول صح بدن من قال لي صح السانك مقدماً ولكم مني فائق الاحترام والتقدير


	يسوقني همي سوات الريح لاساق السحاب=وتطويني الفرقا كما طوي البيار المجذبه اصارع اهموم الزمان اللي تشيب للشباب=ايام صارت سود وليالي ظلام ومرعبه مالي صديق إلا القلم والرجم ووراق الكتاب=وجهازي المحمول والكنكت والشعر اكتبه والبحث بالملقوفgooglوش نهاية هالعذاب=لعل من googl نحصل لو بعض الاجوبه وغديت مثل الهالك العطشان يطرد للسراب=هالك ظما بالقيض يركض مالقا ماء يشربه ليه سنة مع لوعة الفرقا وعني للركاب=وهماً بصدري لو بصدر بعير ثنى لركبه رحال وسط ارض الجزيرة من جناب إلى جناب=مثل المجلا من بني عمه مطالب بارقبه حسب أتجاه البوصله وموشرات الاقتراب=وإشاره الارصاد والتوجيه حسب الذبذبه كذا مسير القافله فوق القمم ترقا الصعاب=والريح تجري باالسفن شمال ولا مجنبه وحلت ركابي في دير شعر الادب والانسكاب=حليت ضيفٍ عندكم والبيت احبكه وسكبه اسخر الشرد وجيد الفلسفه وجيب مالذا وطاب=شاعر وماخذ درس في علم الحياه وتجربه مبداي مثل الشمس مشرقها ما غطاه الحجاب=من يستطيع انه يحط اقناع حتى يحجبه عابرسبيل ولا هناني لاطعام ولا شراب=ادور وسط ارض الجزيرة مثل فاقد مذهبه حالي طواها الشوق وانا اياب وحيانٍ ذهاب=وعيش قصه غامضه جداً وهي مستغربه عمري قضاء والغايب الحاضر ماجاني له جواب=واشعل بقلبي نار يوقدها بزنده وحطبه اجود صوابي لو جيت اجحد وخفي لصواب=والله ليبطي مابري حال الذي قد صوبه الصد والهجران يطعني كما طعن الحراب=والحال طول الصد والهجران والهم اقلبه وهذا الذي قبل ايحصل ماكنت حاسب له حساب=واعزتي للي وقع مثلي وقوعٍ ماحسبه صبرت حتى باح صبري وشهد ان القلب ذاب=صح المحبه موت وتضيع شجاعاً بشنبه وانا الذي ربي عطاني حض كا وجه الغراب= وهذا الذي دهور حياتي وشتكية من اسببه ياغايتي صدك معذبني وخاف من العقاب=الطف بحالي كيف تقتل نفس ماهي مذنبه العطف مطلب وتسامح زين ولك اجر وثواب=الطف بحال اللي رضاك مناه غاية مطلبه من عادتي مطرد ورا مقفي يريد الانسحاب=وانت الوحيد اللي يبا الفرقا وانا اريد اكسبه انا من اجلك ياهو بالي ياكم طقيت باب=واللي تعب لجلك دخيلك لاتخيب لتعبه

أخوكم/ معزي الشلاحي

الموضوع الأصلي: يسوقني همي سوات الريح لاسـاق السحـاب=وتطويني الفرقا كما طـوي البيـار المجذبـه || الكاتب: معزي الشلاحي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

اضف تعليق على الفيسبوك

تعليقاتكم البناءه هي طريقنا لتقديم خدمات افضل فلا تبخل علينا بتعليق

10-03-2010, 09:50 PM

الله الله الله

معزي الشلاحي صح السانك حتى ترضى

قصيده جزله جزله جزله وفيها ابداع

اسجل اعجابي واتمنى تواصلك معنا في هذا المنتدى لن تواجد شاعر بحجمك شرف

تقبل مرووري المتواضع عبر هذه الشاامخه