أقدم لكـم بعض من قصائد ديوان الشاعر / محمد الجبلي

أقدم لكـم بعض من قصائد ديوان (( عمي )) الشاعر / محمد الجبلي

السلام عليكم

شاعر مبدع شاعر يفوق الوصف

استمتع بقراءة قصائده

لا اطيل عليكم

اترككم مع بعض من قصائده اخترتها لكم

الموضوع الأصلي: أقدم لكـم بعض من قصائد ديوان (( عمي )) الشاعر / محمد الجبلي || الكاتب: AZOOOZ الجبــلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صباح ٍ فيه من نوره



.

.


صباح القاعه الزحمه صباح الملزمه والنور
صباح " الطيف والسرقه" وبعض أفكار مطروحه

صباح الفلسفه واللاشعور .. وشي مو مذكور
صباح "الطالب العاشق" ودفـتر حزنه وبـوحه

صباح الشرح من بدري وصلنا وين يادكتور
هو أصلا" كان به درس(ن) لأجل تسأل عن وضوحه

معك ماني معك حتى ولو بالكشف كنت حضور
أنا عندك جسم لكن .. بـفـكري واصل الدوحه

مع اللي ولعت قلبي وخلت خاطري مكسور
رحلت بلاوعي .. أتـبع جـسـد محتاجها روحه


وكالعاده (وصباح الغير) وشي بالحنايا يدور
وطيف ٍ فيه من (نـوره) يـجي ماينوي الروحه

تعديت الحدود "أفكار" بلا إحم وبلا دستور
على متن الخيال أبحرت و أخذت من العنا شوحه

ومابين الملزمه وعيون قلبي والسهر والجور
ومابين الضحكه و"بدري" و"أنا أسف" و"مسموحه"

أغمض عيني وأقرأ ملامحها .. فكر وسطور
أهـيـم بعـالمي وأرسم (غلاها) داخلي لوحه

وتسأل وأرجع لواقع سؤالك مخطي ومقهور
وتـقـول أرجع لها وتلقى الاجابه فـوق مشروحه

وأروح وبأول الصفحه يمر من الغصن عصفور
يغـرد فـي سـماء سـمعي .. ويشكي للهوى جروحه

ويأخذني معه ثاني .. ونرجع بالخيال ندور
هـو يـغـني على( ليلاه ) وأنا مسوي لها( أصبوحه)

ويبعد,, وأتبعه (أعمى) يدور بالظلام النور
يحاول يـلتقي ( بـ نوره) ويطفي من العمى نوحه

وعلى كلمة ( صباح الخير) ومعك .. وش قلت يادكتور
تصحيـني وأفـارقـهـا .. وألَـوح بـاي يالدوحه

أعد بـالله لوتـسمح .. من أول لأخر المنشور
أنا فاهم .. ولكني ,, أبي أكمل( اللوحه)

فكني شرك ابنسى



خارج حدود النص:
ليس هناك مايتطلب المجهود الوافر منك
ولكن .. نسياني .. يحتاج فقط إلى موقف إنساني
فهل بقي لديك شي من الانسانيه لتقوم بذلك
داخل حدود النص :



هذا حالي من رحلت
لاني اللي .. قادر أنسى
ولاني اللي .. عن طيوفك أنشغلت

أتظاهر بالتناسي.. وأنشغل عنك بناسي
وأتصبر ,,, ويااااهي عيوني تقاسي
معركة .. طيفك وقلبي
أول أسراها .. شعوري
وأخر أسراها .. حماسي
والضحايا .. روحي وإحساسي
تجاهك .. والمــآسي

كل ليله والعذاب .. أسهرك
فرقا.. وأوآسي
فيك قلبي .. لوم تجريح وعتاب
ألبس غيابك ثياب .. وأنزع حضورك ثياب
ورغم هــذا ,,, ورغم ذاك
مايناسبني التعري .. ومايناسبهن مقاسي
والنتيجه .. أسهرك ليل واقاسي
وانت ,,, ناسي .. وماأنت ,, ناسي

نسيتك ليلة البارح ,, وعشتك ماضي ٍ ماكان
ــــ قعدت الصبح وطيوفك تجي وتروح تاخذني

معك بالذات أنا كنـي حرمني ربـي النـسيان
ــــ لأني كل ماأنسى يجي .. شيء" يــذكرنـي

أحاول رغم مايسكن خفوقي من شقاك أحــزان
ــــ أبدل ماضي أيامك .. وأدور مـايفرحنـي

دخيلك قلي كيف أنسى وانا كل ماأزبن النسيان
ــــ لقيتك وين ماوجهت ,, خيال ٍ مايفارقنـي


هنا طيفك .. هنا همسك
هنا باقي على جروحي .. بقايا من أثر لمسك
هنا أنت .. وهنا كنت .. وهنا عشتك
ظلام.. ماعرف شمسك
رحلت .. وهذا أنا عايش ..أحاول أنتزع باكر
حبيبي من وحل أمسك .. ولكن
أنت وطيوفك .. وأثر باقي من وصوفك
ووحشة عيني لشوفك .. وكلك ,, مارحمتوني
سكنتوني .. ونسيتوني
وأنا من يومها بنسى .. ولكن قلي كيف أنسى

داخل على الله ثم على عيونك السود
ــــ فك الخفوق اللي تعودتك شرك

أخترت بعدي ,,وش تبـي غيرهـا زود
ــــ وإلا عذابي.. ياعذابي يسرك

حل عن سماي وبادل القلب بـجحود
ــــ ينفعك نسياني..أبد مايضرك

ولو هي على قلبي وله الامر مردود
ــــ أنت أنسني وأناأوعدك مايمرك

عطني عهد وأعطيك من قلبـي عـهود
ــــ أنسى..وأنا بنساك بخيرك وشرك

ياخي قلي .. وش تبيبي
ماني خلك ..
دامك أنت اللي هجرت وعشت حلمك
مع نصيبك .. خلني ألقى نصيبي
فكني شرك .. وعيش
بعالمك عني بعيييد
وخبر عيونك .. وطيفك
وذكرياتك .. وامنياتك
وضحكة شفاتك .. وذاتك
وصوتك .. وهمسك .. وكلك
لايجوني ,, في سكوني .. ولايمرون بعيوني
ويتركوني .. لاجلي ولاجله ولاجلك
ياخي قلي .. وش تبيبي
ودي أنسى... خلني بحالي أبنسى)
.
.
.

المصيبه ماهي إني ماأقدر انسى
ــــ المصيبه كل ماأنسى ذكرتني

والبلاء كل البلاء لاجيت أبرسى
ــــ بشاطي النسيان لليم رجعتني

إن نسيت تقولي " طب ليه تنسى"
ــــ وإن ذكرت وقلت هالمره نستني

من ثلاث سنين هايم دون مـرسـى
ــــ في بـحور العشق.. همت وضيعتني

بين حيره وبين ويل جروح شرسى
ــــ علقتني في هـواهـا .. واتركتني

وقلبي اللي ماعرف في يوم يقسى
ــــ ماكفاه يشوفه ,,, مبـهـدلتني

ساكتٍ كن المشاعر فيه خرسى
ــــ مايقاوم ظلمها,,لـو عـذبتني

وهي بعد متخيله بالامر ونسى
ــــ ماتبيني لغيرهـا,,لو هي جفتني

مثل ماأعمى في غيابه صخر خنسا
ــــ شكلها "ملعونة الجد" ناويتني

موقتتلي .. تنتظرني بس أنسى
ــــ وإن نسيت شوي .. جتني وذكرتني

خارج حدود النص:



عندما أطلب سعادتي .. هل طلبت شيء أكثر من حقوقي؟؟
لا .. ولا .. ولا .... لذلك سابحث عنها في محاولات اخرى لنسيانك

"مازلت ... أحبك" ,,,

حتى إشعارأخر
..

(( ماتت سعاد ))

.
.

جت تقول أبشرك ماتت ( سُعاد)
ـــــ قلت طيب (كعب) وش هي حالته

صاحت بوجه العتب يكفيك عاد
ـــــ وش تبي باللي مضى ,, وحكايته

قلت يابنت الحلال الجـرح زاد
ـــــ ومامضى وإن مات هذي وصايته

(لاتموت ,, ولاتفـكـر بالرقـاد
ـــــ إلا ,, وموصل طموحك غايـتـه)

وأنتي "ووجه المسافه"والعناد
ـــــ والمــلامـه ,,, والسنين الفـايـته

بي قتلتوا (حلم) تـوه بـالـمهاد
ـــــ مارحـمـتوا .. في فمه .. (لهّايته)

يا(سُعاد),,وكل حزن ٍ له بلاد
ـــــ إلا( أحـزانـي),,, تـربت هـايـته

ماحواها قلب ( إرم ذات العماد)
ـــــ ولاحتضنها (صدر) ..من بولايته

ولاستر فيها العزاء,, ثوب الحداد
ـــــ ولاشْربت ..(نخب العيون).البايته

مدي يدينك (وصل) يكفي عناد
ـــــ حـقـقي (للحـزن) بـعـض مـناايته

وأتركيني أموت فيك .. بلابعاد
ـــــ ولاأمـل ,,,(يُـنـسـب إلـى روّايته)

طالبك قومي معي نحيي(سُعاد)
ـــــ ونوصل بـ (كعب) لـطموحه وغايته


.

.

كنت أخونك ...... ونمت



.


.


لو سمحتي ...
عيدي كل اللي تفضلتي .. وقلتي
ماسمعتك ..
لإني فعلا ً ..... كنت سالي
كنت مبحر في خيالي
مره من دونك ,, و مره معك أنتي
بـــــصــراحــه ... كنت أخونك
كنت أخــــونـــك
مع شفاياك ..... وعــيـونك
وما .. سمعتك



للضحكه اللي في شفاتك تعابير
ـــــ وللسلهمه اللي في عيونك سوالف

لي مع نظر عينك دروب ومشاوير
ـــــ ولي مع سناء ضحكتك عهد وتحالف

لاقلت أسف.. تقبلين المعاذير
ـــــ طيب فديتك ..ياهوى الروح ... أسف

سليت عنَك فيك .. مارحت للغير
ـــــ ودامي معك سالي .. أظن مايخالـف

أناظر عيونك سماء .. والنظر طير
ـــــ وأراقب شفاهك ..... وأنا فيك.. تالف

المعذره .. ومادام جيتك على خير
ـــــ نرجع نكمل ... مابقى من السوالف

العفو ... ماكنت أقصد
إنـــي أقصد

لكن .. أنتي ... بـــصراحــــه
من يسولف معك
يقصد ....
حتى لو ماكان ... يقصد
حتى لو ماكـان شاعر
بتنولد فيه المشاعر
ويمتطي صهوة خياله ... ويركب إحساسه ويبعد
ودامها عيونك ملاذه ... راح يبعد
وكل ماقرب .. بيبعد
لين مايوصل لكونك .. وقتها .. يتعب ويقعد
وتنتهي رحله .. وتبدا
مع شفاتك .. له رحله
وتأخذه الغفله .. ويقصد .. حتى لو ماكان يقصد



لانتهت رحلة عيونك ,, تبتدي رحلة شفاك
ـــــ ولانتهت رحلة شفاتك ,, أبتدي أذبل وأذوب

أنتهي مع مبتداك ,,,, وأبتدي مع منتهاك
ـــــ والنتيجه شوف عينك,, شمسي مالت للغروب

لأبتديتك ماأنتهيتك حتى لو شعري نهاك
ـــــ يبقى بوحي فيك قاصر,,والمخافه من الذنوب

مع عيونك مع شفاتك طالت دروبي معاك
ـــــ لاقدرت أوصل لشفي ولاقدرت أرجع وأتوب

يسألك يانور عيني,,قلب ذايب في حلاك
ـــــ لابغيت أوصل لذاتك .. أسلك أي من الدروب


إييه وش كنا نقووول
مـنـهـو كان اللـي ... يتكلم
رمشك الناعس .. حياتي .. وإلا مبسمك الخجول
وإلا ....... أنتي

منهو .. أنتي .. يابعد عمري ياأنتي
لو تكرمتي .. وسمحتي
عيدي كل اللي تفضلتي ,,, وقلتي
لإني فعلاً ... ماسمعتك
ليه .. لإني ... كـنـت .. أخـــــونــك
كنت ... أخــونــك
مع شفاياك ,,,,, وعـــيونـــك

ومــــا .. سـمـعـتـك


لحظه لحظه .... قبل تبدين الــــكـلام
كم هي الساعه معاك ؟؟

وحده ونص بالتمام .......
يووووووه ............... طولنا حياتي

قومــــــي ما ودك نــنــام

.
.
.
.

ونـــــمــنــا

.
.
.



هو أنا بالارض .. وإلا .. بالسماء عايـش أميـر
ـــــ هو صحيح اللي حصلي وإلا أحلم,, والسلام

هو صحيح الورد ورد .. هو صحيح الطير طير
ـــــ هو صحيح إني أنا اللي جالس أكتب هالكلام

آآآه يالـيـل ٍ حييته ,,, ماأظـن مـثله ,, يـــصيـر
ـــــ وآآآآه ,, من نـار المحبه ,, ومايسويه الغرام

للعيون إحساس غير,,, وللشفايف طعم غـيـر
ـــــ وللمنام بحضن ( ,,,, ) جــد مـامـثـلـه مـنـام

ياصباح الخير دامك .. ممسي البارح بـخـير
ـــــ ياخفوق ٍ ذاب كـلـه ,,, بـين تــدلـيع,,وهــيــام

الحياه بقرب غـالـي .. لــذه ونـشـوه وعـبـيـر
ـــــ ماألومك ياخفوقي ,, ماعلى مثلك ,, مــــلام

من يجرب ماتجرب ,, يايذوب أو يـايـطيـر
ـــــ ويحلف إنه كـان عـايش في متاهات وضـلام

ليلة البارحه قليله ,, بـس يـافـيها ,, كـثـيـر
ـــــ ياكثير ٍ من قليله .. يكفي ... المحتاج ,, عــام

وللعيون إحساس غير,, وللشفايف طعم غير
ـــــ وكل ماأسمع إسم ( ,,,,) قلت.. ياحلو المنام


.

تكملة لما سبق

.


.


إبتداءً من ( عشقتك )..نسبه لما لايقال
ــــ ومروراً بـ ( هويتك) .. تكمله لما سبق

وإنسياق ٍ مع ( احبك )..لأخر حدود الخيال
ــــ ماأحس إن فيه كلمه .. ( سابقه لما لحق)

مع بلوغي بالمحبه .. طيش ماقبل الهبال
ــــ ومع نبووغي بالتغزل ..حد مابعده فسق

ماقدرت اوصف شعوري وأعطي لحبي مثال
ــــ ماقدرت انظم قصيده فيها .. مما تستحق

اللي أحسه تجاهك ؟؟ شي أشبه بالمحال !!
ــــ واقع أقرب للخرافه .. رغم إنه منطبق

عمق في تجسيد ذات إحساس..فاق الامتثال
ــــ عجز عن تكوين مغزى لو ربع ربعه لبق

كيف مدري بس أحسه شي وصفه كالمنال
ــــ كالمنال الصعب تعجز وصله بشتى الطرق

معظم أنواع المعاني ؟؟ تاهت تدور مجال
ــــ ومجمل الشعر وبحوره تاه في بحره وغرق

هالشعور اللي أحسه .. فاقني بووح وخيال
ــــ وأنكسى صمت وتوشحت ملء هدومه عرق

لاصفه تقدر ..تعبر,,,ولانفع.. بالحال حال
ــــ يرحم كتاب المنجد والمعاجم ,,,, والــورق

اللي أحسه وأعرفه .. إني ميت بك وصال
ــــ واللي أعرفه وأحسه .. إني ذايب بك عشــق

إنحلال بكل قطعه فيني .. يقبلها إنحلال
ــــ من تفرع لتشعب .. ِلشعوووور المندفــــق

كلي أنصب بغرامك .. وأسترد الاعتدال
ــــ وبعدها أسكن دقايق فيك ,,,, وأرجع أنبثق

مافهمتي شي أدري وأدري إني الهرج طال
ــــ وأدري إن البوح حظه من مشاريهه عبق

بس تدرين أسمعيني بختصر لك هالمقـال
ــــ (إيه أحبك موت والله) وهذي زبدة ماسبق


.

.

... ( ملح الرسالين ) ...

.

.


مليت أساير دمعتي بين الاجفان
ـــــ ومليت أصبّر قلبي بقوول بعدين

كيلي طفح والشوق بالقلب نيران
ـــــ والمسأله,,, ماهي بحاجة براهين

لاتقولي سوف ولا أقولك كــان
ـــــ ولّم أغراضك..للحفر نمشي الحين

ماعاد فيني للصبر,, زود كتمان
ـــــ إشتقت إيه إشتقت ,, لأميرة الزين

أكذب عليك إن قلتلك بس ولـهان
ـــــ لا والله إلا ثار ,,,, شـوقي براكين

شاب القلم في دفـتـري ياسليمان
ـــــ من كثر ماترجمت .. صبري دواوين

عندك جسم والقلب مغمور الاشجان
ـــــ ودع خفوقي يم ,,, ( ملح الرسالين)

والروح إن مارحت أتبعه شفقان
ـــــ راحت وخلتني ,,, بليا عـنـاويـــن

لاتلومني ,, مابحت بالسر غلطان
ـــــ اللي بقلبي .. منقري داخل العيــن

حزني على الفرقا قتل داخلي إنسان
ـــــ وشوقي تعدى أخر حدود ... برلين

عذري أموت لشوفها ..بعض الاحيان
ـــــ تبي الصحيح لشوفها أموت كل حين

أحبها .. أحبها ,,, حــد الأدمـــــان
ـــــ ولو مالحياء ,, شقيت جيبي من البين

بــ كثر ماني بحبها عشت ضميان
ـــــ وبقد مايروووي .. غلاها الشرايين

لو كان به بالدين ,,, سادس للاركان
ـــــ لأقول .. ذي حبي لها سادس الدين

لا .. ماأبالغ بالــغلا ,,,, يـاسـليـمان
ـــــ هي وحده بعيني ,, وتســوى ملايين

وبقولك وأسمع ... ولاني بـندمـان
ـــــ أسمع ولو هرجي .. يــزّعل كثيرين

واللي خلقنا صحبة ً مثل الاخـوان
ـــــ لولا غــلاها ,, ماعشقت الرســـالين



.

لاتسألوني عنها هالبنت صوره من خيال


لاتسألوني عنها هالبنت صوره من خيال
ــــ من شافها ..اقسم قسم ليلته مامرت بخير

إن كان صاحي بينهبل والخبل بتزيده هبال
ــــ وإن ضل كماهو ماأظن بيضل على الحاله كثير

فتنه وربي للقلوب ..فتنه نعايشها بنضال
ــــ فتنه يعانيها الكثير ..يالله عسى منها يجير

إن شافها المسلم كفر وأصبح يناجيها بضلال
ــــ وإن شافها الفاجر ترك كفره وقال الدين خير

فيها دلالٍ من سقاه يشرب اليا حد الثمال
ــــ وفيها جمال ٍ ينفتن به ..العمى قبل البصير

فيها وفيها من الحسن مال يحاكى بكل حال
ــــ فيها وفيها من الحلا .. نورٍ به الدنيا تنير

منها الحلا ماخذ حلا ومنها الحسن ماخذ خصال
ــــ والورد .. من رينادها مستخلص انوا ع العبير

في وصفها مدري شقول ذي شي مايخطرببال
ــــ لاعين شافت مثلها .. ولاقلب عايشها بمصير

روعه قليله بحقها .. وحلوه بعد فيها جدال
ــــ يعني ..تتوه بوصفها قلوب ..وعقول ٍ تحير

وش الحلا وش الدلع وش التغنج ..والدلال
ــــ وش خلت لباقي البنات من الحسن الا اليسير

هل هي قمر لامي قمر هل هو جمال لا موجمال
ــــ هي شي أحلى من القمر ومن الجمال أعظم كثير

سبحان خالق حسنها سبحانه المولى تعال
ــــ سبحانه جلت قدرته فيها وضع حسن ٍ مثير

لاواعذاب قلوبنا رحنا بها جنس الرجال
ــــ حتى النساء صار إسمها بدروبهن شيءً خطير

حتى القصيده لابغيت أكتب بها قالت محال
ــــ ياكيف أبوصف حسنها ذي حسنها وصفه عسير

هذي وربي مالها بالوصف مقدور ونكال
ــــ هذي وربي وصفها يصعب على حتى الخبير

إن جيت توصف مابها تاه الفكر والليل طال
ــــ وإن جيت تحكي عنها حتى القمر منها يغير

هذا مع انه مايجي لحسنها ..ذرة نخال
ــــ مابينها وبين القمر ..الفرق هيهات وكبير

يعني القمر .. يمكن يكون لحسنها أبسط مثال
ــــ وأبسط من أبسط أي مثال لحسنها يمكن يصير

لأنها مامثلها .. خلقه ..بلاشبه وبدال
ــــ ماتشبه الا نفسها.. وهالشي مااظن به نكير

كل حاجه حلوه بهالحياه فيها تشبه باأحتيال
ــــ وكل حلو مخلوق لحلى ..وده ولو منها يصير

وكل البنات بنهجها يمشن وراها باأختيال
ــــ واجمل جميل بينهن.. عن بعد ترقبها وتسير

الله خلق والله فرق جايز ويمكن واحتمال
ــــ إلا أكيد ونص بعد .. هالبنت هذي غير غير

هذي فريدة نوعها متميزه في كل حال
ــــ كل مابها لوتوصفه على حده .. طال القصير

كل ميزه فيها تنوصف توصف ولو الهرج طال
ــــ يمكنك تسطر لك كتب في وصفها بشيءً يسير

أو يمكن باأبسط صفه فيها ..تسويلك مقال
ــــ بدايته ظل وبَرَد .. ونهايته شمس وهجير

جرب وأحاول دامها حلوه وفيها الشك زال
ــــ شف حكمة الله بخلقته شف كيف قدرات القدير

بالوجه لوقلنا أخذت أقلها.. حبات خال
ــــ توصف وتوصف ماتمل ..وماراح تاصل للاخير

أو لو نجي لجفونها ونسأل بعضنا هالسؤال
ــــ هل إنحناء جفونها .. يعني لنا..موت ونذير

ويلاه رددها معي ويلاااه .. يالالي ولال
ــــ لا وعذاب المبتلي ... لاوعذاب المستجير

صدقني يِتعب وصفها ويمكن يوصل للخبال
ــــ يوم تخيل حسنها بالوصف ... يمكنك تضير

قبلك انا في وصفها ..حاولت يمكني أنال
ــــ قدر ٍ بسيط من الغلا .. وأظفر بها دون الكثير

لكني ضعت وللاسف ضيعت أحلام الوصال
ــــ شفت العذاب ولاجنيت من الثمر ..كود الحصير

أبحرت فيها ولارسيت رغم أني متقن هالمجال
ــــ لكنها ماقصرت .... ورتني نجوم العصير

شفت بحياتي فاتنات لكن ..مثل هذي محال
ــــ وشفت بحياتي ساحرات لكن .. مثل هذي يسير

يالعين وش عين المها ويالعنق وشعنق الغزال
ــــ والمشي يرحم والدين الارض .. تسقيها المرير

والاالرزانه والثقل ..وش يعني ثقلك يالجبال
ــــ يا إنها هي مكرمتك .. أو إنك انت المستعير

هي كامله ومكمله بالحسن ..صاحبة الجلال
ــــ الله كساها من الحلا .. حتى بنهدات الزفير

حتى شعرها لانتثر تقول ...يابيض الليال
ــــ هو في سواد بهالحياه يباهي .. جادله الحرير

وعيونها ياعيونها موت حمر .صعب المنال
ــــ موتٍ وكل عاشق يبيه ..فدوه لهن يصبح أسير

والرمش لاسلهم غلا..كنه..يناديلك تعال
ــــ أو كنه أم ٍ..أحضنت بيدينها .. طفلٍ صغير

والخد أقرب مايكون للشمس في وقت الزوال
ــــ أحمر على شوية بياض .. منظر أبد ماله نظير

والاالشفايف لاحكت كل الحكي وده يقال
ــــ كل حرف يحلم يحتضن مبسامها العذب الغرير

ونهودها .. رمانتين مايعرفن وقت الذبال
ــــ مصت منابعن سكْر .. ولمست مجامعهن خرير

والا الخصر آآه يالخصر وحده مسويله فعال
ــــ عاد ان تمايل حبتين رحنا بها .. الله يجير

ومجرى خطاها لامشت مجرى نهر عذبٍ زلال
ــــ يسقي بمروره كل محل ..ويقول أذكرني بخير

يعني انتهيت لامانتهيت تو البدايه باانحلال
ــــ كني ذكرت اللي ذكرت .. مقدمه لشيءً بهير

هذا قليل اللي ذكرت مايسوى حبه في رمال
ــــ والخافي اعظم والعذاب شيءً وراء الشيله ستير

شي يشاف ومايشاف ويمكن يقال أو مايقال
ــــ كتلة خيال مجمعه .. ماينوصف منها يسير

من كثر مافيها حلا ومن كثر مافيها جمال
ــــ بلمسها وبشوفها ..صار يحلم حتى الضرير

والكل حلمه تكرمه منها ولو لحظة وصال
ــــ والكل يطمح لو يكون لسموها..حضرة وزير

عزالله الاانه هني .. قلبن ظفر فيها بحلال
ــــ عز الله انه راح يعيش بقربها ..عيشة أمير

وسعيد حظ اللي أبتسم وقته وقالت له تعال
ــــ ومن قده اللي حبته .. واختارته لها عشير

هي سالفتنا بالحياه .. عشق الثريا بالعلال
ــــ ومنهو الذي يقدر لها يترك شقى عمره ويطير

حلم الظفور بحبها حلم ٍ يمر كل الرجال
ــــ هالفاتنه من شافها ..عن غيره قال أستخير

قال العفو كل البنات القلب لامن مال مال
ــــ وقلوبنا حنا الرجال .. مالت مع ميلة غدير


.

ما تبكي غيبة الراعي شيوخ


.


.


للالم عزه ... وللحزن إبتسامه
ــــ وللكيان اللي ... تشوفينه شموخ

كانها فرقا ياعمري .. بالسلامه
ــــ ماتبكي غيبة الراااعي .. شيوخ

تكرم الدمعه ... ولاتنزل ندامه
ــــ ينتشي قلبي ... ولايقبل رضوخ

دامها بالحب .. توصل للكرامه
ــــ فارقي وإحساس ركبك ... لاينوخ

ليل حبك لو كسى قلبي ظلامه
ــــ ماأخافه .. دام للعزه ... بزوخ

للكرامه نور..لاصارت عدامه
ــــ وللمحبه حد ... لاشفتك تخوخ

لايغرك قلبك وشووقي لغرامه
ــــ ولاتغرك ضحكتك يوومي أدوخ

إيه أحبك .. بس للواقع نظامه
ــــ لاتسويلي بها ... صـيـد وفخوخ

كان مرك ناس حبوا وبرخامه
ــــ عاشقك بالمرجله .. قلبه رسوخ

مايسامح من نوى يجرح كلامه
ــــ ولايعديها .. ولايقبل .. نسوخ

ماأبالي لو نويتيها ... هدامه
ــــ أقلب قصور المحبه .. لعش كوخ

ومن يلاعبني على مرسى هيامه
ــــ لايفكر يووم في قلبي .... ينووخ

ياصغيره أسمعي نووح الحمامه
ــــ مات أبوهم .. من يربي هالفرووخ

أسمعي ماهو عتاب ولاملامه
ــــ أسمعي قول ٍ بقوله من شمووخ

كانها فرقا .. ياعمري بالسلامه
ــــ ماتبكي غيبة الراعي ... شيوخ


.

... ( كلنا والله نبي )...



يانديم الجرح أدري نار بعده .. حارقه
ـــــ مثل ماهي نار بعد صويحبي فيني تحبي

ومثل مانظرة عيونك مع طيوفه غارقه
ـــــ هذا أنا مثلك "..طيوفه.." سابيه قلبي سبي

كلنا نعاني المفارق .. والظروف السارقه
ـــــ كلنا نشكي الغياب وصعب شوف اللي نبي

حالنا واحد من الله ... ماهي يعني فارقه
ـــــ صاحبك باأم القوين ... وصااحبي باأبوظبي

هذا حالي وهذا حالك .. لو سمانا بارقه
ـــــ ماسلمنا من غزال .. الا وطحنا في.. ظبي

ياعشيري خاف ربك دام شمسك شارقه
ـــــ لاتسب الدهر تكفر...وتغضب الله .. ياصبي

أدري إنك ماحكيت الا.. قهر لمفارقه
ـــــ وادري إنك ..ماشكيت ... إلا..وقلبك منسبي

وأدري إنك ماتمنى غير شوفه مارقه
ـــــ لكن أصبر .. ياعشيري حتى أنا .. والله أبي

دامها ظروف الزمان اللي جبرتنا نفارقه
ـــــ صل وأدع الله ..يحقق ... مطلبك مع مطلبي

يمكن الله لادعيته .. بمعجزاتٍ..خارقه
ـــــ وصادفت دعوتك..دعوة شيخ أو دعوة نبي

يستجيب وثم تبدل.. الاحساء بالشارقه
ـــــ وماتمانعنا .. حدود نشوفهم ... كل مــا نبي


.