جديد//قويه ياخلف المشعان ويافيصل الطواله

جديد//قويه ياخلف المشعان ويافيصل الطواله

بسم الله الرحمن الرحيم


بعد ان استبعد الشاعر الكبير والمتالق(فيصل الطواله)


ارسل اليه الشاعر الكبير(خلف المشعان) هذه القصيده


وكذلك رد عليه الشاعر فيصل..


ولكم القصيدتين وعسا ان تنال على اعجاب الجميع::


ملاحظه كلا القصيدين ماخذها من الشاعر فيصل الطوله شخصيا


قصيدة خلف::



لأنك قريب من التألق , والإبداع
صرت ( البعيد من القريب ) معكوسه



مستبعد ( بحكم الأئمة ) باالأجماع
لأن الأئمة , باالذنوب مغموسه ..!!



كف الشعر تشحذ بها ( خمسة أصباع )
وراع الفلوس , يقدمنّه فلوسه



صارت ( قبايلنا ) ضحية للأطماع


هذا الزمن ( .......... ) بسوسه..!!



مايزعلك ( يافيصل ) الحق لاضاع
يزعلك ليه الناس منك محموسه ..؟؟



ماكن ربي خالقٍ فيهم أسماع
يوم القصيد العذب , دنّت هجوسه



يعني لأنّا .. نرفض نكون أتباع
وجه الزمن يعلن علينا عبوسه ..!!



وألا .. لأن صدورنا دايم وساع..!؟
صارت يديهم باالحلوق مغروسه ..!!



لاوالله ألا نضيق , ونضيّق القاع
والضرس يخلع , لاعثت فيه سوسه



مايقدون إقناعنا , نلبس قناع
لأن اللّحا ( حدر القناع ) مهلوسه ..!!



إن كانها باالباع , حنا هل الباع
نشعل فتيل الحرب ( دحة و هوسه )



أطلق سراح اللي تقرقع باالأضلاع
أبطت ( شياهين القصيد ) محبوسه



خبري بك إنك ماتزعزع , وترتاع
( وبنات فكرك ) ماضرت للعنوسه



قم بدّل أوضاع الجماهير , بأوضاع
الشعر مثلك , مايدور طقوسه ..!!



لأنك قريب من التألق , والإبداع
تبقى لجماهيرك ( ق ر ي ب ) معكوسه




ورد عليه الشاعر فيصل الطواله بهذه القصيده:




مثل البحر باالظبط , فضاءك شراع
يقوس فكرك , ماعجزنا نقوسه



ياسبع ( يامجندل من خصومك ) سباع
من سيرتك ( بعض القلوب ) مهروسه



دكتور من في راسه المغلق صداع
عندك ( دهاة الشعر ) تبتاع كوسه..!



أسد , ولامن حولك تزمجر ضباع
وأطلق ( ضباع الشرق الأوسط ) تحوسه



فينا شبه , وإن إختلفنا باالأطباع
نرفض حما العز , المذلة تدوسه..!



للمبدعين , أمثالك أجيب , وأنصاع
وشطارة الجرّاح , من وقع موسه



وألا القبايل ( ياخلف ) شركة إقطاع
( ومقامر الأزلام ) حنا مكوسه ..!!



تاريخنا الحافل ( خيانات , وصراع )
رواته ( أشباه الرجال , البلوسه )..!!



تسيدوا ( حضارة العصر ) صنّاع
( وتصحّر الأعراب ) سبت طعوسه..!



أسمائنا / تُشرى على شان ننباع
وطرشان زفتنا (عيال العروسه)...!!



لاتعلّم الملتاع , وشلون يلتاع
( زفرات فكري ) يااللبيب , محسوسه..!



تطلبني الفزعة , وأنا أحتاج فزّاع
في مجتمع ( أذنابه اليوم روسه )..!!



شبعان مثلك , وأكثر العالم جياع
والفقر ( تطحن مجتمعنا ) ضروسه..!!


نبقى رغم ( دونية الساحة ) ارفاع
لو ان وقوف الحظ سبت جلوسه


(ونعل العراقي) تعتبر طولة ذراع
ويستاهل (الخشم الأبي) من يبوسه



منقووووووول ل الامانة

الموضوع الأصلي: جديد//قويه ياخلف المشعان ويافيصل الطواله || الكاتب: هواها ايطالي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

يعطيــــك العــااافــــــيه

ياهـــوااهــاا إيطـــاالـــي

خلــف وفيصـــل شاعـــرااان معـــروفيـــن

لاهـــــنت ع النقــــل الجمــــيل والابيــــات الروعـــهـ

تحيـــــــااااتـــىى لـك

هواها
ايطالي
لاهنتي
مير والله خلف ماعرفناله
مره يسب شاعر المليون
ويوم قدم عليه
قال انا تراجعت
ويوم طلع منه
سبهم
مشكله والله
يعني ياتنجحوني
يا اسبكم؟؟؟؟؟؟
تناقض والله