أطلق شعار فالجبلان يفك البيبان

أول ترى نعتبرها معك وديـه**مثل مباراة الأردن والسعوديه
وذلحين صرنا بالأدوار النهائيه**والأولات الروابح عند راعيها






أدري إنك ما ترضى الضعف وألا البلاده
ما تحب الغليبه لـو تطيـح وتقومـي
ودك نزوجـك والبنـت تبغـى قـلاده
لأجل أزفك وأبارك لك وهذي حلومـي



******** استلم ولا يزيد الهر ترانا بجو حماسي ههههه *****

يا كم شاعر اجيه وينثر ادموعه .. غلط ولكن ترا ماهي بما شروعه

مير انت يا صاحبي خالص و مرقوعه ..والأولات الروابح عند راعيها

يا مروض تريح فوق متن الوساده

كيف تارد ودلوك فيه شق وخرومي

الحدايد تبا واحد يعرف الحداده

ماهو الي ليا طق الحديده يشومي

لاصرت تلعب علـى هجمـات مرتـده=روح احترف مع محمد نور في جده
وتخلـص الاربعـيـن وتنتـهـى الـعـده=والاولات الـروابــح عـنــد راعـيـهـا

يالـشـواوي بعـيـرك ويــن روح قـيــاده=صار يطمر مـع الجرفـان ويديـه تومـي
اثر مالـه علـى بعـض السوالـف جـلاده=عقب حطوا على رقبة البعير الوسومي

لاصرت تلعب على هجمات مرتـده**روح احترف مع محمد نور في جده
وتخلص الاربعين وتنتهـى العـده**والاولات الروابـح عنـد راعيهـا




يالشواوي بعيـرك ويـن روح قيـاده
صار يطمر مع الجرفان ويديه تومـي
اثر ماله على بعض السوالف جـلاده
عقب حطوا على رقبة البعير الوسومي

**** استلم يا مروض الموال والطاروق شقرا والطاروق شقر حجازي ***

انا رجل والرجال ما يقضي العده ...وانته مهرج معاك الشغل والعده

شغلات طوفتها وانت احسب العده ...والاولات الروابـح عنـد راعيهـا

كم واحد يعاند ما ربح من عناده

يبني البيت والسيساني كله هدومي

كان تبغا تفزع فارس الربع ناده

احمد الله وانا رجالن عليه هدومي

مـــلأحــظـــه : ^^^^

(كم واحد يعاند ما ربح من عناده) المشقوره (عناده)

(يبني البيت والسيساني كله هدومي) والمشقوره(هدومي)

(كان تبغا تفزع فارس الربع ناده ) والمشقوره (الربع) والربع نأخذ منها اخر حرف لانه شقر حجازي الي هـو ( ع )

(احمد الله وانا رجالن عليه هدومي) المشقوره(هدومي) أظني واضحه

انا حبيت اوضحلكم الرع وناده علشن هذا يسمى شقر الحجاز

سجلـت ثلاثـة أهـدافٍ خيالـيـه=كبري وبالراس مع لعبـه مقصيـه
ويصنع لي اللعب نور وما حصل زيه=والأولات الروابـح عنـد راعيـهـا

بين صاحب سمو وبين صاحب سعاده=روح البرد يوم إن صار لفح السمومي
سجل اسمك على اللسته وخش العيـاده=واصبر اشوي ويروح التعب والهمومي

ننتظر رد الشاعر اطلق شاعر يابوشقرا

اقتباس: المشاركة الأصلية كتبت بواسطة الطوير     الله واكبر علـى الايـام ياطالـح **صويلح اليوم اشوفه صايراً صالح والعام مايفرق الحالي من المالح***والاولات الروابح عنـد راعيهـا لا عكست الكلام وصار عندك سعاده بين حب العيون وبين حب الخشومي أبشروا بالولد لو الولد فـي مهـاده فرخ حرٍ ما يطلع تالي الوقت بومي ***** استلم يا مروض وانا ماني اطلق شاعر بالمنتدى قصر الهرج**** الطالح الي سواتك يا العريماني ....والفرق واضح وجنب لا تحداني تراك محسوب يا مروض من اخواني .. والاولات الروابح عند راعيها ما عكسنا الكلام ولا نحب القراده مير مبغا جمالن ما عليها وسومي انت جيب الولد وابشر بخير وزياده ما توقع ابا فعلها من اول قدومي

كلمة زيادة

اقتباس: المشاركة الأصلية كتبت بواسطة مروض الشعار     سجلـت ثلاثـة أهـدافٍ خيالـيـه=كبري وبالراس مع لعبـه مقصيـه ويصنع لي اللعب نور وما حصل زيه=والأولات الروابـح عنـد راعيـهـا بين صاحب سمو وبين صاحب سعاده=روح البرد يوم إن صار لفح السمومي إشرب البن والشاهي بسكـر زيـاده=ولا تحاول تفحط في الطريق العمومي

كررة اللفظ يامروض الشعار وهذا يسمى ساريه

السمووووووحه مانتبهت وراح اغير الطواريق

هذا وتقول انك مروض الشعااااااار وتطوف عليك !!!!!!!!!!

تم التصحيح وشكرا على التنبيه يابعيد المغازي ((صاهود بن لامي))رحمه الله

ياخوي صياف وشعار كبار كانت تسري عليهم قوافي بالغلط


والنبي صلى الله عليه وسلم قال : (( جل من لا يسهو ))

لا تصيد بارك الله فيك وانا ان اردت اتصيد واجد كلمات مكتوبه غلط وو و ووو

اذكر ربك بس