نـبـذه عـن الـشـاعـر الـراحـل عبـدالله العـيـر بـقلـم الـطـوير

نـبـذه عـن الـشـاعـر الـراحـل عبـدالله العـيـر بـقلـم الـطـوير

السلام عليكم ورحمة وبركاته
ان مت عزولي مرامي ووجدان
وابكوا على قبري ليالٍ طويله
ابكوا وبكوٍا معاكم كحيلان
خليف شيال الحمول الثقيله
*
*
*
خلوني ارقد في مداليه جراح
واحط لي وسط الطريق استراحه
اذني ادله باي الوقت وارتاح
لو كان مافي جور الايام راحه


عـبـداللـه بــن عـبـيـد الـعـيـر الـعـضـيـلـه الـمـطـيـري

كانت نشأته في محافظة عنيزه بحي السلمانيه حيث تخرج من ابتدائية طارق اب زياد
عام 1398 هجري بعد ذلك واصل دراسته في متوسطة فلسطين وتخرج منعا عام 1403 للهجره
ودخل الثانويه الصناعيه ودرس عام ثم انسحب منها ثم التحق بالخدمه العسكريه
وتقاعد قبل شهرين من وفاته بناء على طلبه برتبه رقيب
وهو من مواليد 10\9\1384 للهجره
متزوج له من الابناء اربعه ابنه عبيد وثلاث بنات
هو الانب الاكبر ويعشق الابل ولديه جيش منها مخصص للسباقات
اخر حفله احياها رحمه الله كانت في الصباحيه بالكويت يوم الاربعاء 20\7\1424 للهجره
وكان معه الشاعر\ سلطان الهاجري \ والشاعر \ ذيب الشمري
شاعر له باع عظيم لابل واعظم من العظيم
شاعر مثل قبيلة مطير في مجال المحاوره شاعر هابه الشعراء وحسبوا له عند الملاقاته
كان يوصف بالفطنه وحدة الذكاء وسرعه البديهه والمرح وخفة الروح لاقى فطاحله الشعراء الجزيره العربيه
منهم
الشاعر\ خليف ابن دواس المطيري
الشاعر\زيد بن سلمي
الشاعر\عبدالله بن شايق
الشاعر\ فيصل الرياحي البقمي
الشاعر\عاضه البقمي
الشاعر\حمود السمي البقمي
الشاعر\ابن جرشان
الشاعر\صياف الحربي
الشاعر\ حبيب العازمي
الشاعر\فلاح القرقاح
الشاعر\ محمد السناني
الشاعر\رشيد الزلامي
الشاعر\نواف العازمي
الشاعر\ملفي المورقي
الشاعر\عبدالله غازي المطيري (سوار الذهب
الشاعر\غازي بن راشد المطيري
الشاعر\تركي الميزاني المطيري
الشاعر\ مستور العصيمي
الشاعر\سالم الهريساني
الشاعر\ محمد ابن مشيط المري
الشاعر\ سلطان الهاجري
الشاعر\ ذيب العمودي الشمري
وشعراء كثر كثر كثر
لن احصيهم
شاعر له بالنظم باع ليس بالسهل
من ابياته ما ذكرته في اول الموضوع

ان مت عزولي مرامي ووجدان == ابكوا على قبري ليالٍ طويله
ابكوا وابكوا لي معاكم على كحيلان ==خليف شيال الحمول الثقيله
وله ايضا لاجئ الي جمله (جراح) بعدلله عز وجل
خلوني ارقد في ميداليه جراح = واحط لي وسط الطريق استراحه
اذني ادله باقي الوقت وارتاح = لو كان مافي جور الايام راحه
وله بالمحاورات الكثير والكثير
سأورد لكم منها على سبيل المثال
العير عبدالله بن عبيد العير العضيله المطيري وهذا احدى جنوووبه
مع الشاعر الكبير رشيد الزلامي العتيبي من اعظم شعراء قبيلة عتيبيع
في احدى القصور منطقة الدوادمي ,,,
عبدالله العير :
سلام يا اصحابنا الي جيتهم بالوعد
وانا ليا جتني الدعوات لييتها
اصفى سما نجد لا بارق ولا من رعد
وانا لمحت المزن ورعودها اوحيتها
رشيد الزلامي :
الله يحييك ترحيبٍ بليا عدد
قدمك رجالٍ ترحبك ليا جيتها
بس المصيبه تجيهم وانت ما معك احد
قامت بك الارض واشتغلت عفاريتها
عبدالله العير:
البارحه يا رشيد وليت الاول بعد
وشلون حال الجماعه يوم مريتها
حنا طراقي ولا حنا من اهل البلد
لكن دعوتك هذي تعرف بويتها
الزلامي :
ان كان تنشد جماعتنا بحال السعد
ومطير ماهي على الدرب و تعديتها
وش رايكم في عجوز بليس جابت ولد
واليا اسر الله ضحكتك وبكيتها
العير :
الله ولا النشده اللي تاليتها نكد
وشلون موجتك للمطران فريتها
اللي عطتك البريره وانت وسط المهد
قالوا لي انك بعد شيبت جازيتها
الزلامي :
الله يعلم رشيد وقصده اللي قصد
مطير من قبل جيراني وحبيتها
لا تحفر المقبره يطبق عليك اللحد
واللي عطتني البريره جيت وارضيتها
العير:
الليله انته بعيرٍ تنتظم وتهبد
ما تنثني يدينك مير ثنيتها
اللي عطتك البريره حظها منقرد
عرضتها لاهب الكنه وخليتها
الزلامي :
الموج اشوفه طفح والبحر جاله زبد
لكن ذيك البضاعه وين وديتها
فزعتك عشرين واللي طاح واللي قعد
خمخمتها في ظلام الليل واخطيتها
العير:
حطيتها في بيوتٍ جودت بالعمد
وانته تباها لكنك ما تحليتها
الله يعذبك كيف اشغلتني بالنشد
عن حرجةٍ تطلب الميته وذكيتها
الزلامي:
اقول سبحانك الخلاق فردٍ صمد
عيون فتحتها وعيونٍ اعميتها
يالعير دم الخواجه ماع مدري جمد
وارد عراوي دخل ماها على زيتها
العير :
الله ليا راد له حاجه بليا جهد
حرم عليك الزقاره وانت كنيتها
ما عاد عند الخواجه دم كله نفد
اتعتب رجلك على دربه وعنيتها
الزلامي:
وش رياك اعطيك بالغليون لين تهجد
تصبح وساعتك ضايعةٍ تواقيتها

وله النظم ايضا الكثير والكثير ومنها هذي المجنونه عليه رحمه الله
مرثيه في ابن رئيس مرور القصيم
يقول فيها رحمه الله العير :
يالله يالي كلنا منك وإليك
ياللي بذكرك تستلذ ألسنـتـنا
وقلوبنا بين اصبعينٍ من ايديك
وان كان ما ثبتها ماثبتـنا
نهار تلفضنـا المقابر ونـآتـيـك
من خشيةٍ فينا نظرنا تحتـنا
عريا زوريا خاضعينٍ مداريك
صكة علينا ذلةٍ غاشيتـنـا
وان ما تهيت رحمة ٍ من مناشيك
والا ترا ما اعالمنا منجيتـنـا
منك الرجاء وانت الرجاء والرجاء فيك
تستر على خلاتـنا فـآخـرتـنـا
وترحم جنازة مسلمٍ في حراويك
اغلى جنازة مؤمنٍ فارقـتـنـا
وتغسل ذنوبه بالبرد من حسانيك
وترفع مقامه مع مقام انـبـيـتـنا
عبدٍ خجول ومقفيٍ عن معاصيك
متذكرٍ له ساعةٍ قـافـيـتـنـا
سامي) عسى اعمالك بقبرك تسليك
وتونسك في وحشةٍ مو حشتـنـا
ويمدلك بالقبر نورٍ يباريك
في جاه من يعلم بغيب افئدتـنا
ويلطف ببوك اللي لسانه بطاريك
اللي قضى وقته يربي ويـتـنـا
تجبر عزا امٍ ترجي الله وترجيك
اللي عليك من الحزن حـزنـتـنـا
وحنـا ترانا من غلا ابوك نغليك
وان مادعينا لك ظلمنا بخـتـنا
اللي على درب المراجل مربـيـك
مديرنا اللي رافعٍ موجعــتـنـا
جينا يا ابوي سامي (بسامي) نعزيك
وانـتـه تعزينا على فـاجـعـتـنا
مير استعن بالله عسى يقويك
على مقاديرٍ خذت ما عـطـتـنـا
وهذي مرثية الشاعر تركي الميزاني بالشاعر الراحل عبدالله العير :

لو الدمـوع تـرد عبـدالله العـار00والله لبكـي ليـن عينـي تشوفـه

ويبكي معي صفـة قبايـل وشعـار00ورجال من بين الرجـال معروفـه

لكن حكم الله ما يمنـع ليـا صـار00وأمره على اللي يقصده ما يطوفـه

مرحوم يا للي لك معـزة ومقـدار00يا الصاحب اللي موت مثلك حسوفه

عساك في الفردوس مع سيد الأبرار00وعسى سنين العمر فيك امخلوفـه

اخذت لك في صفحة الشعر مشوار00وبنيـت بيـت معجـزات وصوفـه

ولك وقفة تشهد لها كبار وصغـار00لا صار نهارا فية صولـة وجولـه

كنك معي في المعركة سيـف بتـار00لن قيل كـلا نجدتـة مـن سيوفـه

اثقل من الجولان والضلع سنجـار00لا هب طيف الشعر واقبل صفوفـه

عليك قلبي فيه جمـرة مـن النـار00ورحيلك اللي ولـع النـار جوفـه

اجـاذب الونـات والدمـع عبـار00وضلوع قلبي مـن بعـدك مكوفـه

يا ما بنينـا للمعـزة مـن جـدار00ولكـل للثانـي يشـرف وقـوفـه

واليوم راحت بك صواديف الأقـدار00وبنت الهواء صارت بعدك معيوفـه

لكن مالـي عـن وصيتـك معـذار00والعزوة اللـي بالفعـول معروفـه (( فهد الطوير الجبلي))

الموضوع الأصلي: نـبـذه عـن الـشـاعـر الـراحـل عبـدالله العـيـر بـقلـم الـطـوير || الكاتب: فهد الطوير || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

أخونا فهد الطوير شكرا على جهودك.

ولي عودة مرة أخرى على الموضوع للإطلاع علية والاستفادة من اختياراتك في مجالك الذي تجيده..

وأسجل مروري كأول شخص يتواجد هنا.

بــعــيــد الـهــقـــاوي

بعيد الهقاوي اسعدني مرورك والله يسلمك وهذا من ذووقك وانا ما كلفوني الاخوان
بأني اكوؤن مشرف لـغـرفـه الـمحاوره الا انا انشاءالله كفو لها وان اشاءالله احيز على ارضاكم وانقل لكم ما يفيدكم وابشر بالخير انشاءالله

ســــــلام عـــــلــــيكم
الــطوير


اشكرك على النقل الطيب وبيض الله وجهك



تقبل مرور اخوك : الحصيني