سجل دخولك للمنتدى ببيت شعر

المشاركة الأصلية كتبت بواسطة عاشق المستحيل

لا تحاول بالهوى تظهر غلاك=انطوى حب جمعنا وانتهيت.....!

جميل هذا البيت صح لسانك يا اخوي عاشق المستحيل ...

دورت لك بين الرسايل رسالة =تليق في حضرة جنابك وتسوى
لا اخترت بيت رحت أدور بداله=واشطب على هالبيت وأدور أقوى
وأقول أصلا" ما تساوي الرسالة=جيتك بكبري بس عساني أسوى؟!!

صح بدنك يااخت القمر

تذكرتك وهاج الشعر يالغافي بوجداني=ذكرتك يابعد هالدار حاظرها وغايبها
زهت خيل القوافي سرجها والفكر ميداني=وبنات الفكر زانت لي وفلت لي ذوايبها
ذكرتك ما نسيتك يوم تعشقني وتنساني=ذكرتك يوم كلٍٍ بالوفا تذكر حبايبها

الله يرحم حبنا اللي قتلتيه
جفت دموعي والبقيه في حياتك
أنتي بديتي الحب وأنتي نهيتيه
إقرأي عليه الفاتحه في صلاتك
الله وأكبر
من يسوي سواتك
مره لبستي الحب ومره شلتيه
هذا الهوى لا تحسبينه عبايتك
قلتي إحفظه تذكار وأقول مابيه
تذكار حبي

هو شهادة وفاتك

يالوعة المشتاق تصفق كفوفه =لين التفت ماشاف بالدار غاليه
كن العيون بكل شين محذوفه=والقلب كن جموح الايام ترميه

كيف احبك بعد غدرك من جديد =إنت حبك مات في قلبي أكيد
سهم غدرك صابني بوسط الوريد =وتركت النار تسعر بقلبي وتقيد
قبر حبك اندفن وغطاه الجليد=وقع غدرك كان على قلبي شديد
لازم ترحلي عني وعن قلبي بعيد=مستحيل الماضي يرجع ما يفيد
كم مرة رجيتك وقلبك الظالم عنيد=والحين بعدك وفراقك عندي عيد

بالهون ضمه يالطيف الهبوبي=لاتزعج عيون شكت طول الاهداب
تلقاه واقف بين هاك الدروبي=في هضبة ياما تناجا بها أحبــــــاب

نفسي اقول:اني حزين اني سجين =~ لكل ذكرى لك معي ~
وابغي اقول:اني أنا أشكي العنا=~ وأقول للذكرى ارجعي ~
وارجع أقول:ليت الهوى يجمع سوى=~ أهل القلوب اللي تعي ~
ونسيت أقول:من الفراق الصدر ضاق =~ والعين هلّت مدمعي ~

راح الحبيب وصار شوفه محالي=ومن بعد وصله بقضي الوقت شلـــون
اشكي عليك الحال مماجرالي=انت الحـبيــب اللي صفى لي به الكـون