قصة القلطة للجبلان ... قصة ومعلومة مهمة

سعود بن لامي ..

مرورٌ اخر يشع بالجمال ..
بارك الله فيك ..
وبكذا صار عندنا ثلاث قصص ..
تقريبا متشايهه ..
بس هالجمله وين بالظبط انقالت وشنو مناسبتها ..
1- قصة الدحمليه وطلب الجبلان بالقلطه..
2- يقلطون بدال شيوخ مطير بالحرب وباقي القبايل اول من يقلط شيوخها..
3- اول من يقلط لكسب الغنائم ..

اتمنى ان يأتي من يحسم الأمر ..
القصص كثرة اللهم باركـ..

دمت بحب الله وحفظه ..
(*قمرهم*)

قمرهم


فديتج ...... يمكن اعرف قصص بسيطه عن تاريخ الجبلان او مطير عموما
لكن ما احب ادقق حيل بهالشغلات..ولو تشوفيني مو مبين علي لا هذي ولاهذي..
عايشه عمري ولاعلي من احد
احب اسمع ساعات .. بس مو هاجسي دايم

وشكلي بتبع معاج بهالقصه

ابشري بالي يجيب القصه باجر بإذن الله , , ,
انا بسبق محمد ولد عمي لجدي واسئله عساني اسبقه علي كسب المعلومه
تقبلي مروري ولكي خالص التحيه , , ,

داشه عرض ..

هلابك يالغلا ..
خليك معاي ..
وان شاء الله نلقى القصه الصحيحه ..
مع اني اشوف اسماء كثير كنت متوقعه يخدموني بس ماعليه يمكن ماعندهم خلفيه عن الموضوع مع اني اشك ..
بالإنتظار ...

دمتي بحب الله..
(*قمرهم*)

طلال بن حلبيد ..

هلابك الف يااخوي ..
الظاهر ابحط جائزه عشان تحلا المسابقه بينك وبين محمد ..
شاكره لك مرورك العذب ..
وعساك ع القوه ..
وعسى الله يحفظ لكم ياشيبكم هم البركه ..
عسى الله يطول بأعمارهم ..
ان شاء الله ..
بإنتظاركـ ..

دمت بحب الله وحفظه..
(*قمــــرهم*)

اقتباس:
المشاركة الأصلية كتبت بواسطة (*قمرهم كلهم*)


شاب ضوه ..

شاكره لك جمال المرور ..
بس لاهنت مافهمت شقتصد ..؟؟
تقريبا ذكرت روايتين ..
الأولى مثل ماتفضل به اخي فلاح الحصيني ..
والثانيه ان شيوخ القبايل يلعبون للحرب ..
وان الجبلان يلعبون لمطير ..
وهم ماهم شيوخ مطير ..
هل مافهمته صحيح ..؟
ام لديك توضيح وتعقيب على ماذكرته ..؟؟

دمت بحب الله وحفظه ..
(*قمرهم*)

اختي قمرهم

اللي اقصده ان بن لامي وجماعته كانوا يعرضون قبل المغازي مع الدويش

شانهم شأن الدويش وغيرهم من شيوخ القبائل ( عاده مكتسبه بحد الصمصام --- السيف الذي لا ينثني )

اما قصة اخوي فلاح كانت دليل وهي قصه معروفه بان بن لامي والجبلان عرضوا المره هذي

قبل الدويش لانهم هم اللي ساقوا الجمع على قحطان بالرغم ان الموضوع كان يخص الدويش وجماعته

فالعجوز اللي قدمتس معها حق فالجبلان كانوا ومازالوا في الطليعه بدون قصور في احد

كلام وافي يعطيك العافيه (شاب ضوه).
والجبلان نار على راس علم مايحتاج.

شاب ضوه ..

شكرا لك اخي الكريم واعتذر عن ازعاجك بالمرور مره اخرى ..
يعني افهم من كلامك ان هالجمله انقالت بكذا موقف والأكيد انها صارت عاده للجيلان ..
وهذا مافيه شك لأنهم اتسموا بالشجاعه والإقدام ..
والاهم من كل هذا كانوا يتقدمون القوم بكل المعارك ولايرضون بأقل من الصداره ..
يعطيك العافيه ولاهنت ..
بصراحه كلي فخر فيك ..
حلو ان نلقى شبابنا عندهم درايه وعلم بتاريخ عرقهم ..
كنت اتمنى ان تفيدوني بالظبط بأي موقف انقالت اول مره بس يمكن من كثر ماصارت تتردد واصبحت عاده من عوايد شرابة الهوى اعتقد صعب نحدد ..
ياليت اللي عنده العلم يجيبه ...
بصراحه متأمله خير بالحلابده ..
ماقصرت ياشاب ضوه وعسى نارك على طول شبابه بالطيب والعلم الغانم ..
تحياتي لشخصك الكريم ..

دمت بحب الله وحفظه..
(*قمــــرهم*)

(( القلطه للجبلان ))

يقول اول لا غزوا مطير بحرب اول ما يكون في الصفوف الاولى الى الجبلان واول من يبدي الحرب هم الجبلان , , ,
وتكون القلطه للجبلان اما بحرب او فرح وناسه مثل العرضه اول من يقلط هم الجبلان و الجبلان هم الي يبدون بكل شي اما فرح او حرب , , ,
يكونون بالصف الاول هم فقط ويقول انها غصب القلطه للجبلان , , , يعني من شروطهم وهذا يدل علي الشجاعه الي فيهم , , ,
اما علي قصه (( الدحمليه بنت الدويش )) فقصتها كانت :
ان قبيله قحطان كانت غازيه مطير ويوم غزوهم جوا للدحمليه واسلبوا عباتها
ويوم ردوا يبون ياخذون حقهم ويردون لقحطان قالت الدحمليه ما يرد عباتي الي الجبلان وهي اتقول للدويش كز للجبلان , , , وكانوا الجبلان لأجين يم عنزه ((25 سنه)) يوم يذبح واحد من الدوشان وهو(( دليبح من الجبلان )) وردوا الجبلان ويذبحون اثنين من الدوشان وهذا سبب لجوئهم الي عنزه (( 25 سنه ))
ويروح الدويش ويكز الدحمليه للجبلان ويردون عليه ربعه لا تدزه للجبلان لا تدزها للجبلان لكن الدحمليه راحت للجبلان وهم يفزون الجبلان وتنطح الدحمليه غنيم بن شبلان وكان لابس درعه الدرع يوصل لركبه وطاسه علي راسه يحيمه ويقول ان السيف والرمح والشلفا ما يحس فيها , , الوكاد وهي تنطحه وهي اتخطف رجله تبي اتحبها وهو يردها يقول يا بنت الدويش لا اتحبين رجلي ابعدي وهي اتقول تكفى يا غنيم لا اتخلي قحطان يسلبوني مثل الحرب الي مضت , , وهو يرد يقول يا بنت الدويش دامي علي ظهرها (( ويقصد فرسه )) والله ما يسلبونج ام اني طحت من ظهرها فهذا الي الله قدره , ,وهم يروحون للحرب مع الدويش والموهه علي قحطان وهم يرددون رجال مطير القلطه للجبلان القلطه للجبلان وهذي من شروط الجبلان بالحرب, , وهي اتروح الدحمليه واتهلل اتشجع الفرسان وهي اتقوم الحرب ويردون عباتها الجبلان , , ويوم اخلصت الحرب الي احد من مطير جابوا بنت امير قحطان ماني ذاكر اسمها لكن اخذوها ويجيبونها للدحمليه ويقولوها اسلبيها نفس ما اسلوبوج قحطان وهي اتقول لا كزوها لغنيم وهو يسلبها ويجبيونها عند غنيم وهو يرد يقول: يا بنت الدويش حنا ما نسلب الحريم وهم يردونها للدحمليه واتقول دام الجبلان ما يسلبون الحريم أجل حنا ما نسلب الحريم ويهدونها , , ويقولون بالحرب كان الدم من راس الظلع الي اخره والدم يمشي , ,
وفيها كتب عجيل العازمي الي كان مع المحمد من الدوشان والدوشان ينقسمون الفيصل والمحمد لكن الاماره كانت للفيصل وهذول بني عمهم كلهم من الدوشان , , ,ويقصد عجيل اربع بيات يوصف فعل غنيم ويوصف الحرب لكن للاسف ماني حافظ القصيده , , ,
ومنها يقولون ان القلطه للجبلان اما بفرح او حرب وهذا من شجاعة الجبلان اول

عسى اني وفيت ورديت الرد الي تبونه واسمحولي اني ما ذكرت السالفه بالتفصيل وبالقصيد لكني كتبت الي حفظت وعسى اني وفيت . . .

تقبلي مروري ولكي جزيل الشكر من هذا الموضوع حتى يستفيد منها باقي الاعضاء , , ,
(( طلال بن حلبيد ))

هوى نجد ..

يامرحبا بك بأي وقت وانت راعي هالصفحه واللي تامر فيه يصير طال عمرك ..
بس حسافه مالحقت على التعليق الأول ....؟؟؟
يالله خيرها بغيرها ..
بارك الله فيك وننتظر منك الكثير لتقدمه بهذا المنتدى ..

دمت بحب الله وحفظه..
(*قمرهم*)