يا قو عينـك .. جديدي

يا قو عينـك .. جديدي

السلام عليكم ورحمة الله وبركاته

هذي قصيده جديده حبيت اقدمها لكم ..

خل الذي زعلك يرجع يراضيك=لاتشتكيلي هم شخصً هويته
ياقو عينك كيف تبغا أواسيك=أنك تحب غيري وحبي نسيته
أدري تحب غيري ولكن أجاريك=وأقول يمكن يرجع إلي بغيته
وأثرك تواصلني علشان أسليك=يا قوها في حق اسمي وصيته
هذا جزا شخصً يحبك ويغليك=هذا جزا قلبً عشانك وطيته
هذا جزا حرفً كتبته انا فيك=هذا جزا ليلً عشانك سريته
هذا جزا إلي باع ناسه وشاريك=بعته معا العالم وغيره شريته
أتعبتني لكن مقدر أحاكيك=يا كم جرحً منك بيدي كويته
تبي الدليل أني احبك وباغيك=ومهما تعذبني عذابك غليته
كم مرتاً زعلتني عمد و أجيك=الله مسخرني لذاتك وجيته
أخذت كل حاجه و انا زود معطيك= ولافيه حاجه غير جرحك خذيته
حاولت أكابر عن حنانك و أجافيك=و أنهي علاقة حب شخصً شقيته
قدرت لكن في منامي أطريك= مدري وش إلي في منامي طريته
فزيت من نومي وانا صيح لبيك=وأثر خيالك في منامي لقيته
وش غير هذا يا حبيبي أجازيك=ليه أنت باغي تهدم إلي بنيته
والحين جاي تقول والله لا وريك=وعميتها فوق الخطا إلي خطيته
ماهو على كيفك عسالله يعافيك=الحين جاء دوري وعرٍفك طويته
أنا بديتك في حياتي و أنا أنهيك=أبنهي إلي بيننا قد بديته
هذا يبين ؟؟ ليـه أنا اليوم مابيك=وإلي كتبته عن غرامك محيته
ألــعــب على غيري عسالله يخليك=(بـاكر تحس بقيمـة إلي جفيتـــه)

وسلامتكم

الموضوع الأصلي: يا قو عينـك .. جديدي || الكاتب: فهد الطوير || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صـح لسـانـك يا فهــــــد ^_^

باكر تحس ابقيمة اللي جفيته






الله الله الله يافهد



ابداع يالطوير ابداع


عتب من نوع خاص ومتقن


ترابط عميق بين الابيات .. وجزاله مفرطه تنسكب من هذه الانامل الذهبيه


فهد الطوير ... الشاعر الخلوق .... اتعبتنا في ماكتب اعلاه


والله يافهد

مايزود القصيده جمال .. الا كاتبها


قصيده رائعه الى ابعد الحدود ..
صح اللسانك مليون


اسمحلي على هالمرور البسيط


دمت

فــــــــــهد ؟


علي بالحرام حرم انت شآعر جزل . ؟


قـصيده تعــبر مـآفيه وآنـا بصراحه دشيت جو وياه صح آلله آلـسآنك يآبو سعود


ولآتحرمنه من ماكتبت .. ؟

صح لسانك يا ملكع

شاكرلك اخوي جاسم ..

اشاادتك فـ النص يدل على نجاحه صح بدنك

الطوير صح لسانك اتمنى انك تقبل مشاركتي اولا قصيدتك في قمه الروعه بس عندي نقد بسيط .., واتمنى تقبله في صدر الرحب .. هذا جزا شخصً يحبـك ويغليـك << شخصً << اذا كان التنوين بالفتح يجب اضافة ألف تصير << شخصاً وانا اتوقع انك كنت تقصد شخصٍ هذا جزا قلـبً عشانـك وطيتـه << قلبً << تصير قلباً << وانا اتوقع المقصود قلبٍ هذا جزا حرفً كتبتـه انـا فيـك<<حرفً<< تصير حرفاً << والمقصود حرفٍ هذا جزا ليـلً عشانـك سريتـه<< ليلً<<المفروض ليلاً <<والمقصوده بالقصيده ليلٍ حاول تركز على هذا الشي في الكتابه .. تحياتي لك \ هنايا

الطوير

صح لسانك ملايين

جزلة من جزل

تقبل تقديري وودي ...

الطوير صح لســــــانك والأخت هنايا أسبقتني باللي كنت بقوله

ولــــــكن قصيدة جميلة الله يعطيك العافيه وتقبل مروري

أخـــــــــــــــــــــــــــــــــــــــــــوك الهــــــــــــــــــــتان

كم مرتاً زعلتني عمـد و أجيـك
الله مسخرنـي لذاتـك وجيـتـه
أخذت كل حاجه و انا زود معطيك
ولافيه حاجه غير جرحك خذيتـه



الطوير

صح السانك ابيات رائعه وكلمات اروع

تقبل مروري غلا الصمان