غزو الجبلان من مطير

غزو الجبلان من مطير

السلام عليكم ورحمة الله وبركاته

اما بعد اخواني احببت ان اذكر قصة غزو الجبلان من مطير على عنزه في مكان اسمه صواب يقع حاليا شرق الاردن وسبب ذكرها بانها اخذت وقتا طويلا ثلاثة اشهر روحه وثلاثة اشهر رجعه نظرا لبعد المسافه
والقصه وما فيها بان الجبلان غزو على عنزه في منطقه قريبه من الصمان واخذو حلالهم ورجعو الى اهلهم وعندما علم مطلق الدويبي شيخ العمارات من قبيلة عنزه قال ان مسكت بن لامي امير الجبلان قتلته وعندما سمع بن لامي امير الجبلان هاذا الكلام قال لربعه الجبلان غزينا شمال قالوله وين يابو سفاح قال شمال ثم قال رجل من الجبلان والله مايردكم الا عنزه يقصد بان ابن لامي ناوي لعنزه وفعلا قطعوا المسافه وصبحوا عنزه في شعيب صواب وكان ابن لامي يقصد من ذالك قتل مطلق الدويبي شيخ العمارات ونظرا لان الجبلان فخذ من مطير وهم قلة بالنسبه لقبيلة عنزه الكبيره فقد قطع ابن لامي عنزه وفصل فخذي شلخان وصقور عن باقي قبيلة عنزه حتى لاينذرو باقي القبيله وقد هرب الشيخ مطلق الدويبي وصبحوا الجبلان فخذي عنزه واخذو حلالهم ورجعوا الى اهلهم في الصمان
وقد قال صاهود بن لامي في ذالك :

غزية انا ياعبيد بهلال عاشور :: لول صفر والتوم كله تمامي
ثلاثة اشهر فوقهن تقل مصخور:: ابطيت انا ماشفت زاه الوشامي
كم فاطر من نيها تزعج الكور :: تفصم مضاريس الرسن والخطامي
ناطى على العربان مع شقة النور :: كما ايتوطى الجول حر القطامي
اندور لنا ياعبيد شلخان وصقور :: بيسر شعيب صواب هاك الزوامي
صبح اربع يم عرعر واباالقور :: حمر تناسع بالنشامى همامي

وقد زار الامير سلمان بن عبد العزيز آل سعود الاردن وقد كان مرافقا له الشاعر محمد خلف الخس المطيري واخبره بان مطير غزو على عنزه في هاذه المنطقه ولم يكن الامير مصدقا الى ان سالو رجلا كبير بالسن من عنزه وقاله الامير سلمان من جاكم من العرب قال العنزي ماجانا الا صاهود بن لامي امير الجبلان عند الجبل هاذا وكان يؤشر على جبل قريب منه .كما ان القصص المشابهه كثيره بتاكيد من افراد عنزه ولايخفىعلى احد تاريخ قبيلة عنزه المليء بالبطولات واعترافهم بهاذا الشيء لايقلل من تاريخهم في شيء بل بالعكس يزيدك اعجابا واحتراما لقبيلة عنزه .

ثلاثة اشهر مع هل السيف عادين :: الهجن كمل نيهن والجهد باد
يتلن ابو سفاح سقم المعادين :: الحر الاشقرلابرق الريش صياد ابو سفاح: صاهود بن لامي
جبلان من بد النحايا ضريرين :: حريبهم مايهتني النوم برقاد
هاذا كلام الصدق والناس دارين :: ويقطعك ياهرج بلا صدق ووكاد

مع تحياتي Al_motary

الموضوع الأصلي: غزو الجبلان من مطير || الكاتب: AL_MOTARY || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

أخوي المطيري

لاهنت علي الموضوع الطيب ويستحق اكثر اهتمامآ مثل هذي المواضيع

لاخلا ولاعدم



غزية انا ياعبيد بهلال عاشور :: باول صفر والتوم كله تمامي
ثلاثة اشهر فوقهن تقل ناطور:: ابطيت انا ماشفت زاه الوشامي
كم فاطر من نيها تزعج الكور :: تفصم مضاريس الرسن والخطامي
ناطى على العربان مع شقة النور :: كما ايتوطى الجول حر القطامي
اندور لنا ياعبيد شلخان وصقور :: بيسر شعيب صواب هاك الزوامي
صبح اربع يم عرعر واباالقور :: حمر تناسع بالنشامى همامي

يامال العافيه يا المطيري

والغزوه هذي مفخره للجبلان ولمطير بشكل عام
وهذا مو غريب على الجبلان

يعطيك العافيه على الموضوع وماقصرت

صح لسانك
لا شكر على واجب وانشالله تبي تشوفون المزيد

المطاري لاهنت يالغالي ..


موضوع جميل .. فخر لمطير كافه ..




الف شكر لك يالغالي ..!

جبلان من بد النحايا ضريرين :: حريبهم مايهتني النوم برقاد
هاذا كلام الصدق والناس دارين :: ويقطعك ياهرج بلا صدق ووكاد

يعطيكـ العافيه اخوي المطيري على الموضوع المميز

الله يعطيك العافية أخوي المطيري

وبيض الله وجهك

شكرا على الردود ...............لا ندمتوا
تقبلوا تحياتي............

يعطيك العافيه اخو المطيري ونتظر جديدك