بين راكان بن حثلين و دعسان بن حطاب

بين راكان بن حثلين و دعسان بن حطاب

بين راكان بن حثلين و دعسان بن حطاب


هذه القصة بعد إعتقال الشيخ والفارس راكان بن حثلين شيخ العجمان من قبل الأتراك وبعد فعلَ فعلً يرفع الرأس لكل العرب عامه
وقبيلة العجمان خاصه ولا داعي لسرد هذه القصه
نرجع إلى زبدة الكلام :

قالت له الحكومه التركيه تمن يا راكان ونحطك بمنصب رفيع ونعطيك ما تريد من الأملاك ولكن هو قال ما أريد منكم إلا أن ارجع إلى قبيلتي العجمان
وتحرير الصمان من مطير بزعامة الدوشان قالوا له دور غير هذا الطلب لكن هو أصر على طلبه
وقالوا له ما هو الصمان فقال أرض صحرا خصبة للماشية في وقت الربيع وإذا ما جاها مطر فإنها صحراء قاحلة
قالوا إذاً هذا خطاب إلى الحماية التركيه بالأحساء لتحرير الصمان وتكون لراكان وجماعته فأخذ راكان الخطاب ووصل إلى الحماية التركية الموجودة بالأحساء
فقال ممثل الحماية التركية بالأحساء يا راكان حنا ما عندنا أفراد لكن أنت استعن ببعض القبائل لمساعدتك ونحن نمدهم بالسلاح فقال هذا هو طلبي
راح إلى المره وقال لهم يالمره علي إن اعطيكم السلاح وتحاربون معي مطير لنخرجهم من الصمان وبعد ما تخرج مطير من الصمان اعطيكم احد موارد الصمان
ويصير الصمان للعجمان والمره فقط قالوا أبشر مشوا معه المره وراح بهم إلى الحماية التركية بالأحساء فأعطوهم السلاح
السلاح المعروف هو السلاح الأبيض (رمح وسيف وشلفا )
مطير الموجوده في الصمان في ذلك الوقت قليلين راكان جهز الرجال وغزى على مطير وكان وقت الغاره ضحى واستمر القتال حتى صلاة العصر
وقتل احد فريس العجمان وهو الفارس ابن درجان وقال راكان الآن نوقف القتال ونخلية صباح بكره
الدويش بعد ما توقف القتال أرسل استطلاع يشوف فيها وش كثر الجموع الغازية
اخبروا الدويش قالوا عالم كثير ما تأكلها الضيان
الدويش شد من الصمان في جناح الليل ونزل بالبطين ويوم أصبح راكان إلى ما عنده ما يقاومه لأن الصمان فاضيه

وقال هذه القصيده

يا راكب من عندنا فوق شقران = سواج مواج بعيد المضاحي
اسلم وسلملي على الشيخ سلطان = زيزوم علوى ومبعدين المناحي
ابشر إلى جيته بكبش من الضان = ودلال فيهن اشقر البن فاحي
يمشي وينشد عن منازل فنيسان* = يبغى بداري قامةٍ ونبطاحي
والدار حامينه بخيل وصبيان = اهل القنازع دافيين الملاحي
محملة تأتيك من صوب نجران = مشروبها سم ذبوح ذحاحي
والعذر منك يالصبي يا بن درجان = إليا فهقنا الكون نبغى الصباحي
يالين كان أصبحت يا نسل وطبان = يصبح عليك من الهواشم سباحي
خليت عشب الصلب يومي بالأردان = قفر تومي به هبوب الرياحي

قالوا المره وش لنا من موارد الصمان يا راكان ( ومعروف الصمان في ذلك الوقت غير ثلاث موارد , وهي : القرعا - واللهابه - واللصافه )
قال راكان مالكم شي منها هي للعجمان فقط وحصل بينهم خلاف شديد
مع الرغم إنهم كانوا متفقين من البداية لكن إبن ادم خلق من طمع وكاد يحصل قتال بينهم
إما سلطان الدويش عد العده وجهز الرجال وعندما أكتملوا الرجال أرسل مرسول إلى راكان
وقال سلم لي على راكان وقل له واصلين لك من يوم إلى عشرة أيام
رجع راكان وقال تعالوا يالمره أختاروا اللي تبون من الموارد
قالوا المره وش حصل يا راكان قال بأن الدويش سوف يأتي اليوم أو بكره
قال من أقرصه الداب روعه الحبل , انت محد يأمنك وعسى الدويش ما يخلي لكم تالي
وانسحبوا المره وبينما هو جالس وامام عينه فلو يلعب
قال هذا البيتين

الفلو يلعب يحسب إن السعد دوم = هو ما درا وش الدهر مخر له
علوا وراه ونصف يام غدا قوم = وليا انتهى من علةٍ جات عله

وقال راكان للعجمان وش رايكم قالوا له أنت السبب في تفكيك شملنا
والرجال اللي كان يدحمون عن الرجال زعلتهم وراحوا وهالحين مالنا نطحه في مطير ولا نقدر نقاومهم وقالوا الحل
قال الحل نشد ونخلي الصمان , فشدوا من الصمان
فوصل سلطان الدويش بمطير بالجمل وما حمل وإذا الصمان قدامه فاضي ما فيه أحد
وقال دعسان بن حطاب القصيده التاليه رداً على راكان بن حثلين :

يا راكبٍ من عندنا فوق ظبيان = امفتل الذرعان حر شناحي
كنه يباريله مع الجو شيطان = ما ينمسك لولا الرسن باللواحي
اسلم وسلم لي على الشيخ راكان = مبدل الصلب الحمر بالألاحي
ثم أنشده وش صار علمه وش كان = هو ليه عن دارٍ نزل فيه راحي
يا مير جيتو في ظعاين وسلفان = وجبت الأمره معك يابو فلاحي
وحنا فريقين على بيت سلطان = لأخذت مال ولا سهجت المراحي
والصلب لا يا كلك مثل ابن درجان = ويبقى فلاح وحيد ماله مشاحي
ولا بد من نمرا على وقت لأذان = ممليتن بأهل الغلب والرماحي
لا جالها مع خاطي القاع دندان = ثم اختلط عج الرمك والصياحي
مع دربها يلقى العشا الذيب سرحان = وجا للضباع العرج سرح ورواحي
عساك تسلم يا سلايل كحيلان = وجعلك تناجا يوم كثر الطياحي
ما تستوي للموت يا طير حوران = مير ان بعض القول ماله صحاحي
تشره على دارٍ ولاها ابن وطبان = بخضر النمش ومذلقات الرماحي
محدٍ عطاناها عطيه وصفطان = الا بغارات هجاد وصباحي
يا ما بغاها من قبايل وعربان = وعلوى على جرد السبايا تناحي
عنها نحو بالسيف غازي وطمعان = لين ابعدو عنها وساع النواحي
عندك خبر يا أمير ماني بغلطان = وترى كلام الظلم سمٍ ذحاحي

___________________________
* فنيسان : لقب يطلق على راكان بن حثلين .

وتقبلوا تحياتي
طقها ولحقها

الموضوع الأصلي: بين راكان بن حثلين و دعسان بن حطاب || الكاتب: طقها ولحقها || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

تسلم يمناااك اخوي العزيز على نقل وقائع القصه

يعطيك الصحه والعافيه وماقصرت

طبت وطاب منقولك

لا
هنت

اقتباس: المشاركة الأصلية كتبت بواسطة فهد التوم     تسلم يمناااك اخوي العزيز على نقل وقائع القصه يعطيك الصحه والعافيه وماقصرت

فهد التوم لاهنت على مرورك الغالي
تقبل تحياتي

اقتباس: المشاركة الأصلية كتبت بواسطة شجاع الهيت     طبت وطاب منقولك لا هنت

والقايل مايهون وشكراً على المرور

السلام عليكم ورحمة الله وبركاتة

أخوي العزيز سلطان الجبلي

أشكرك على هذه المداخلة

اخي العزيز انا ما قلت إن الدويش بمطير أنهزمت بل إن مطير أنسحبت انسحاب

وهذا ما ثبت عن الرواه الثقاه اللي يهتمون بتاريخ القبيلة

بعد مقتل الفارس بن درجان العجمي فشدوا مطير من الصمان ونزلوا في البطين

والشاهد قصيدة الشيخ راكان بن حثلين رحمة الله

ويقول فيها :


العذر منك يالصبي يابن درجان = إن فهقنا الكون نبغى الصباحي
يا ليت كان اصبحت يا نسل وطبان = يصبح عليك الهواشم اسباحي
خليت عشب الصلب يومي بالاردان = قفر توميبه هبوب الرياحي



هذا هو الشاهد لحيث إن ما عنده لا صحافه ولا كتابه إلا الشعر

ويجيك مرد دعسان بن حطاب ليثبت شديدهم
ويقول :

اسلم وسلملي على الشيخ راكان = مبدل الصلب الحمر بالألاحي
ثم أنشد وش صار علمه وش كان = هو ليش عن دار نزل فيه راحي
يا شيخ جيتونا ضعاين وسلفان = وجبت الأمره معك يابو فلاحي
وحنا فريقين على بيت سلطان = ولا اخذت مال ولا سهجت المراحي


وهذا يدل على إن الدويش شد من الصمان ( وللمعلوميه : الدويش ما معه غير فريقين على كلام بن حطاب )



وتمت مناقشه هذا الموضوع مع كبار الرواه من مطير للمعلوميه.


وتقبل تحياتي

يا ما بغاها مـن قبايـل وعربـان


.وعلوى على جرد السبايا تناحـي




شكرأ

بسم الله الرحمن الرحيم


اخي العزيز سلطان بارك الله فيك وفي علمك

اخي الكريم وصلتني دعوه من احدا حمران النواظر ولح عليه بالعزيمه ولبيت دعوته

وعندما وصلت الى فيه من الرجال الي يستفاد منهم فيما يخص تاريخ القبيله في مجلسه منهم الباحث

عبدالعزيز السناح ومنهم الشاعر والباحث منصورمروي الشاطري ومنهم المرحوم بذن الله الشاعروالراوي ابوحواس

وبدا الحديث فكان الشاعر والراوي عامر بن صلهام الشاطري ظمن الحضور وكان من اشد الناس حرص على تاريخ مطير

فطلبوا منه هذه القصه ووردها كماذكرتها امامكم وصدقوله الجميع من ظمنهم ابو حواس الحريص على تاريخ مطيرعامه

والدوشان خاصه وكنت انا حافضن القصايد وكنت سعيد يومنه اوردها امام هالرجال حتى نسمع منهم اي تصحيح

وصدقوله الجميع وهولا الرجال من ظمن الي يتقصون الحقايق ومشهودالهم بالمصداقيه

هذا مالدي والله يرحم الميت وتوب عليه ويطول اعمار الاحياعلى طاعت الله

تقبلوا تحياتي وتقديري ونقول لكم من العايدين مقدماً

شكرا على النقل

لاهنت اخوي

^^