((ديوان))عبد الله باتل الرشيدي

((ديوان))عبد الله باتل الرشيدي

بناء علي طلب العزيز بعيد الهقاوي

لبعض قصائد الشاعر الجميل عبد الله بن باتل القلادي الرشيدي الذي ظلمة الأعلام كثيرا ولن نكون مع الاعلام علية بل نحن مع الشعر الجميل وضد الشعر التعس الذي لايغني بل يزعج القارئ 000
ففي هذة الصفحة سأقوم بنشر قصائد الشاعر الجميلة ومحاوراتة علي مراحل000

وهذة من أحدث قصائدة0000

مابينا شكه ولا بيننا خلاف=مابينا شكات ولا iاختلافي
وعين(ن) فراشلك وعين(ن) لك لحاف=وعين(ن) فراشلك وعين(ن) iiلحافي
ماطاف طاف وصعب ترجيع ماiطاف=ولاهي معك هذي نهاية مطافي
حنا على وضحى النقي مالنا اهداف=على المروه بينا والتصافي
ولاخايف(ن) مني وانا منك ما اخاف=ومافيه داعي من بعضنا نخافي
وخل الجواب القاصر المعرفه حاف=ولاتقرب الرمضا لاصرت حافي
وحاول تشد شوي لاتصير معطاف=يدخلك سحر العطف والانعطافي
وارسم خططها لاتخطف اتخطاف=ماتنولها بالخطف والاختطافي
افطن ترى بعض(ن) من الرزق ينعاف=من واحد(ن) يمرضك وانت متعافي
وبعض العرب هماز لماز حلاف=ولاهو شريف ولابنفسه عفافي
وبعض العرب طيب وهو نوب شطاف=وتقول يصفي مير ماهو بصافي
وبعض العرب يخدعك بالهرج بلاف=يخذ منك قصده وهو مايكافي
وبعض العرب لازم تدفه بدفاف=او معك يبرد بعد ماهوiبدافي
ولاتطيح في ورطه ولايجيبكiاكتاف=الا غرور (ن)منك والا iانجرافي
وشي يلف وشي ماله اتلفلاف=(ليفلصت ميفيد فيها الفافي)
ولاتقرب اللي في ردى القول مزهاف=ومع السنافيين خلك سنافي
وخلك لصراف السواليف صراف=وان طال صرفه صرفه بنصرافي
ولاتنخدع بمنيف ولا بنواف=ولاتخدعك ضحكات ملفي iولافي
وانا معي شعري يجي طوع وكتاف=وعلي ترجع شاردات القوافي
بيوت الشعر تأتيني اضعاف(ن) اضعاف=وبيني وبين الشعر مابه اخلافي
اصوغها صوغ الذهب عند صراف= ومن مدرسة مرشد وصقر iالنصافي

وسألحقها بقصائد للشاعر بنفس الصفحة

الموضوع الأصلي: ((ديوان))عبد الله باتل الرشيدي || الكاتب: أبومحمد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح السانك والسان الشاعر الجميل العذب

ويعطيك الف عاااااااااااافية


وننتظر جديدك


ومني لك تحيااااااااااااااتي

الله اكبر

دائما يبهرك ابن باتل بقصائدة التي تقف شامخة بين قصائد شعراء الجزيرة العربية,
ننتظر منك المزيد أخوي ابو محمد.
وشكرا لك على استجابتك لطلبي. وتقبل خالص احترامي.
ودمت لنا.

وهذة رائعة أخري للشاعر عبداللة باتل الرشيدي00

بعـض الـعـرب ماينعـطـى وجــه بالحـيـ=وإلـيـا عطيـتـه وجــه صــار آلـــك عـلــه
وبعـض العـرب مالـه سـنـع لـكـن حلـيـل=بـالـضـبــط كــأنـــك لا تـمـعـنــت ظـــلـــه
وبعض العرب شقراء وشقراء مع الخيل=مايـنـفـعـك لــــولا الــرمـــوش الـمـظـلــه
وبعـض العـرب لا يعجـبـك ثـرثـرت لـيـل=وبــاكـــر تــــــرى مــاقــالــك شــــــي لله
وبعـض العـرب مرسـال مـدري مريسيـل=يـسـايــر الـعـالــم وهــــو حــاصــل لــــه
وبعض العرب يصلـخ وينفـخ وهـو ريـل=وفــي زعـمـه انــه يـفـهـم الـكــون كـلــه
وبعـض الـعـرب ماغـيـر بـنـدق ودربـيـل=ومـنــيــن مــاهـــب الــهـــواء جـايــزلــه
وبعض العـرب يطلـع كمـا طلعـت سهيـل=ويـغـيــب نـجـمــه قــبــل دربــــه تــدلـــه
وبـعـض الـعـرب يـذيـك بالـقـال والـقـيـل=تجـلـس مـعـه سـاعـه والأخـــرى تـمـلـه
نـذل وخسـيـس يفـصـل الـهـرج تفصـيـل=وإلـــيـــا لــقــالــه طـــيـــب" يـسـتـغــلــه
وبعـض العـرب منظـر وكشخـه وتحلـيـل=شـبــح بـحــال وحـــال" أخـــرى كــرلــه
لاشـفـت زولــه مـــن خـيــار الرجـاجـيـل=وإلــيـــا عــرفــتــه مـاتـجــيــه بـمـحــلــه
وبعـض العـرب ماضيـه ليـل" علـى ليـل=قـــــد بـصــمــوه وصــــــوروه الادلــــــه
وبــعــض الــعــرب لا والله الا تـهــاويــل=مـهـمــا عــقـــدت الـحــبــل لازم يـحــلــه
قـــــد دربـــــوه ولـكــعــوه الـرجـاجــيــل=مــن قـبـل لا يـصـيـر الـحــدث جـاهـزلـه
وكانـك شـجـاع" روح حــارب أسرائـيـل=قــبــل الـيــهــود الــقـــدس لا تـسـتـحـلـه
وكـلــش يـهــون الا الــثــلاث الـغـرابـيـل=الـمــهــزلــه والـمـســكــنــه والــمـــذلـــه

وهذة رائعة لذات الشاعر000

وين العزا يوجد على يـأس فرقـاك =يوم(ن)يأسـك قـام يغلـب رجـاكـا
وقامت شوي شـوي تبعـد مطايـاك =حزم(ن) نبأ دونك وحـزم(ن) وراكـا
وهبت ريـاحً عجهـا دمـدم خطـاك =لين إنمحت برضي مواطـي خطاكـا
وتعسـرت شوفتـك مانـي بـويـاك =عسـر هنـا شوفـك وعسرهنـاكـا
وعزالله إني بالتلاقـي معـك شـاك =ونجمي بـدأ ضـوه يغـور بسماكـا
أنسـاك لاماانسـاك منسـاك منسـاك =الله ينسـى مـن عرفـك ونسـاكـا
بليتنـي فــي حـبـك الله يـبـلاك =من شـأن نصبـح بالمحبـة شراكـا
ومنك أنت ماجاني منك غير ماجـاك =لكـن خديـن النـذل جانـي وجاكـا
والموقف اللي غيبة الشمس ماارضاك =وأبكـاك وأحرقنـي ونبـة هـذاكـا
فرقتنـا مـن غيـر قصدسـوايـاك =والعيـد جبتـه فيـنـا الله هـداكـا
وأقفيت من عندك وأنا كنـي إمعـاك =وكل سحب نفسـة بصمـت ونواكـا
وعلي تخطي لكـن أدمـح خطايـاك =وتزعل وترضى من خـلاك بخلاكـا
وأنا أبخصك وأبخص خوافيك وأقصاك =وهـذا الكفيـل اللـي تكفـل غلاكـا
وبعدي عنـك يازيـن أدركنـي إدراك =ولقيـت عذروجيـت لجلـك نراكـا
جيت بذكاء مااذكاك مااذكاك مااذكـاك =ياللـي عليـك الاذكـيـاء ماتـذاكـا
مااجملك يالغالي بعينـي ومأاحـلاك =أنت الغـلا وأنـت الحـلا والملاكـا
غير الجمال اللـي ذبحنـي وغـواك =عفيـفـةٍ نفـسـك وحـلـوٍ نبـاكـا
ودنيـاي شالتنـي وشالتـك دنـيـاك =عقـب السوالـف والدلـع والمراكـا
ولاهـي بعينـي شـئ دنيـاً بلايـاك =الله يلعنـهـا ويسـعـد مـسـاكـا
ومسمـوم حبـك ياحبيبـي وفـتـاك =وكـل المشاعـر دب فيهـن هواكـا
مع القمر والريـح وأسـوار وأفـلاك =أنـا وهـن قمنـا نـدور برجـاكـا
وفي كل حين يمرني طيـف ذكـراك =وأجنح معـه عبـر الخيـال ومعاكـا
ولايصورك طيفـك علـى ماتمنـاك =وفي طيفك أشياء ماحيه مـن بطاكـا
تلوح لي صورتـك بالطيـف منـاك =وعنـي تلـوذ بسرعـةٍ وارتبـاكـا
ويكفخ عليك القلـب والنفـس تبغـاك =ونفسي وأنا والقلـب قيـك إنشكاكـا
وتشتاق ياالغالـي عيونـي لرؤيـاك =ولـو ماعليهـا أمـون يمكـن تباكـا
مالك عوض عنـدي ولامنـك فكـاك =مايفكنـي مــن حـبـك الالقـاكـا
والكبد مايروي ضماها سـوى مـاك =ولامـن ضمـاك ولاهـواك إنفكاكـا
ولوكل عمري ضاع ماادركت لامـاك =أنـا وعمـري كلنـا مـن فـداكـا

(غيبوبة الهم) رائعة أخري

للشاعر عبدالله بن باتل الرشيدي وهو من اختار لها هذا العنوان وليس كما نسبت للشاعر الكبير بندر بن سرور ووضعت بديوانة واختاروا لها عنوان (قصة حزينة)..

سريا قلم مالي على الصبر طاقه =صبرٍ تعدى الحد ما عاد ينطاق
اكتب لمثلي قصته واشتياقه =في خطك الواضح على بيض الأرواق
قصة حزين صافي المر ذاقه =ليا ذكر ما صار له خاطره ضاق
باقوا به الأصحاب والوقت باقه =وصار الضحية بين بايق وبواق
يمشي وهو ما حس في كسر ساقه =أمسى على ساقين وأصبح على ساق
وهذي سوات الوقت شين اصطفاقه =والوقت لو يصفي لك أيام دراق
إن شان قطع عنك كل العلاقه =وان زان خلى لك مع الناس عشاق
ومن شان معه الوقت قلوا رفاقه =راحت حياته كلها هم واقلاق
والله خلق خلق تحب اللباقه =كما خلق له خلق ما عندها اخلاق
أحد يعيش بخير واحد بفاقه =واحد يعشق أيام ويام يتعاق
واحد معه حكمة وصبر ورواقه =سبحان منهو للمخاليق خلاق
لكن يا من معك عقل ووثاقه =ابنصحك كانك للأمثال تشتاق
لا تنخدع بأهل العلوم الرقاقه =اللي سوالفهم توهق توهاق
صادق رجال يعرفون الصداقه =يقفون صفك يوم يبسات الارياق
ومن رغب في فرقاك فأرغب فراقه =جاز الذي يجزاك بفراق بفراق
وتعلم التعشيق قبل السواقه =ولا تحسبنك بالدركسون سواق
ورزقك يجيك بدون تحضر بطاقه =وعند الله المعبود تقسيم الأرزاق
يقولها اللي جاير الوقت عاقه =ولا زال في غيبوبه الهم ما فاق
من انعزاقه بنادي بنعزاقه =واللي يوده صار شوفه بالأشفاق
ولا قال هذا القول قصده طفاقه =ما قال هذا غير من نار الأشواق

يعطيك العافيه أخي أبو محمد

وصح لسان شاعرها


تقبل مروري

أخوك هشام الظويفري

اقتباس: المشاركة الأصلية كتبت بواسطة سلطان الجـبلي     صح السانك والسان الشاعر الجميل العذب ويعطيك الف عاااااااااااافية وننتظر جديدك ومني لك تحيااااااااااااااتي

أهلا بك دائما

اقتباس: المشاركة الأصلية كتبت بواسطة بعيد الهقاوي     الله اكبر دائما يبهرك ابن باتل بقصائدة التي تقف شامخة بين قصائد شعراء الجزيرة العربية, ننتظر منك المزيد أخوي ابو محمد. وشكرا لك على استجابتك لطلبي. وتقبل خالص احترامي. ودمت لنا.

أهلا بك دائما000

اقتباس: المشاركة الأصلية كتبت بواسطة هشام الظويفري     يعطيك العافيه أخي أبو محمد وصح لسان شاعرها تقبل مروري أخوك هشام الظويفري

عزيزي هشام 00

أهلا بك دائما000