سجل دخولك للمنتدى ببيت شعر

سولفوا تكفون لا عاد تسكتون ..=قبل لا أهوجس وياتيني بلاي
السكات يزود طعوني طعون ..=وتنكسر لا جا على راسي عصاي
سولفوا لو ما بغيتوا اتسولفون ..=قبل لا اقعد في الحزن رايح .. وجاي
واضحكوا لو بالعماله تضحكون ..= وجاملوني لو يضايقكم حكاي

تدري متى الموت ينساني ويذكرنـي "=" لا شفت رمشك يميل ولا اقدر اوصّله

اموت لك \ أموت منك \ أموت معك \ أموت فيك
,,,,,,,,,,,,,,,,,,,,,,,,,,ضع خط ,, تحت الموته اللي تعجبـك وأموتهـا



صح ياشجاااع.....................اعذرني على الاقتباااس.....
<<<اعجبته..

علّمني الوقت رفع الراس والهامه
لا .. مااشرب الحب ذل وينحني راسي

نفسي على العزّ عزّامه وجزّامه
لا خير بالعشره اللي مالها ساسي

كلٍ يشوف الردا والطيب قدّامه
وانا لدرب الردا ما دق هوجاسي




.

لا .. لايغرك كثير الصمت .. وسكاتي ,,
,,,,,,,,,,,,,,,,,,,خل المشاعر تقول ( الآه ) وإسألهـا ’’

لاحظ معي دايم اللي ماتبي شوفه=يجيك كنه موصا بك مثـل ظلـك
واللي تبي.. مايكمل فيك معروفه=كنه عشانك تحبه ينـوي يذلـك
يالعنبو الحب واهل الحب وظروفه=قد قلت ياقلبي بصدر العنا خلـك
ماطعتني عاد طق براسك الطوفه=ياقلبي انا رفيقك مانـي ام ٍ لـك

ماطعتني عاد طق براسك الطوفه
,,,,,,,,,,,,,,,,,,,,,ياقلبي انا رفيقك ماني ام ٍ لـك


اخت القمر

البيت هذا قوسيه

^
^
ان شاءلله

لاســجد رمش عيــنج فـوق سود العيون =قـلت يالـلـه دخـيـلـك مانحـرم عينــها
كل ماشـفت عيـنج قمـت اشـيل اللحون =قمت اهيجن لعنبو جد عينج لعنبو دينها

وشفـايـدة .. بـــوح المـشـاعـر ... لـــلاوراق
,,,,,,,,,,,,,,,,,,,,,,نـفـس الـسـؤال .. اْصــلاً .. إجـابــة سـؤالــك

إحترقت الشوق والشوق احترقني
من غدا كلٍ عن الثاني غريب

للشقا حظي مشي فيني وسبقني
آه ياظلم الهوى وظلم النصيب

السهر من عشقتك غصب عشقني
ياعنـــــــــــيد يابعيد ياقريب

سال من عيني قصيد ولانطقني
والــــسواد اللي توشحني كئيب

صرت له كلي وعيا ماعتقني
وان تفزعت بنهـــــــارك مايجيب

أنت وينك يالسروق اللي سرقني
رد لي لو راحتـــــــي ودي أطيب

الزمان اللي على دروبك رشقني
كني الديمه على الــــقاع الجديب

يوم جيت أتذكره لاماصدقني
وقال لي إنت البشر تخطي وتصيب




.