سجل دخولك للمنتدى ببيت شعر

كل مافي الأرض ينذر بالمفارق والغياب
اللقا .. والشمس .. وحروف الرسايل .. والقبور

وش بقى يوم أكتشفت أن آخر الدرب السراب ؟!
والبحر دمع لسواحل هاجرت عنها الطيور !

مالحزني صوت ؟ .. مدري هو خطأ والا صواب !
بس أعرف أني حزيـن وصوتي الليله جهور ..


(*قمــــرهم*)

الجرح أحسه شخص وسط الاماكن
......... بـ موت منّه , نزف .. ما شفت , طبه


أسف على ثورت , شعوري ولكن !
........... ( مافي , أحد يستاهل , أنك تحبه )


(*قمــــرهم*)

لو يبور الملأ ما أحسب حبيبي يبور
وأحـسب اني أموت ولايموت الوفا

وأحـسب انه على هاك المودة غيور
مـا احسب ان الشعاع اللي بقلبه طفا

كـيف يانور عينى وانت للعين نور
يـختفي نـور وصلك في ظلام الجفا

اثـر قلبك على فرقا الولايف جسور
واثـر طرفك اليا سهرت عيوني غفا

ويـن هاك الونين اللي يشق الصدور
ويـن هـاك الدموع اللي تشق الصفا

كـل حـي ٍ الـيا دارت لياليه يدور
كـل قـلب الـيا عفت جروحه عفا

ويل قلب توالت فوق جروحه كسور
كـل جـرح الهوي ياصاحبي ماكفا

التمس لك عذر لو كان ما أنت معذور
وان جـحدت الـموده بان لك ماخفا


(*قمــــرهم*)

فيني شعور ...
اليوم فايض / ومكبوت
...............( قمة تناقض) تحتويني .. وأجامل
أحاول ..
افهم شي / من نبرة الصوت
................وأوحاول اشرح ضيقتي بألف عامل
تعبت ..
لأحيا../ ......وعييّت لا أموت ..
...............وأيقنت ماحدٍ في البشر كان كامل


(*قمــــرهم*)

لو كان حظي .. حيّ ( ماجيتك اموت ) !
شفني ( اغص ) بعبرتي واختنق فيك


ناديت , لك .. ياحيّ ماتسمع الصوت ؟
داخل على الله , لايخيب الرجاء .. فيك


(*قمــــرهم*)

وش هو يعني ..!
لو "هجرني "..
لو تمادى في بعادي ..
لو "ناديته " وماسمعني ..
عادي
عادي
عادي
ماهو أول من عطيته ..!
ولاهو آخر من نساني ..!



(*قمــــرهم*)

هالحين انا ماعندي احباب يا ليل
أمشي وكني غربةٍ مستبدّه

من بعد ماكنت ألمس بضحكي الغيم
صرت أحفر قبور الحزن بالمخدّه !


(*قمــــرهم*)

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي

لــي يــوم ثـالـث تجاذبـنـي واجـاذبـهـا
الـيــن شـــدت بيـديـهـا عـلــى يــــدي

مـــا كـنــي الا قـريــب مـــن قرايـبـهـا
وماكنـهـا الا سليـلـه مــن نـمـى جــدي

يا كثـر مـا هـي لفتنـي وكيـف أحسبهـا
بــس الـوكـاد بغـثـاهـا بـيـحـت ســـدي

اطـرت لـي ليـل الثلاثـه وامسيـة ابـهـا
ذاك المسـاء البغيـض الحـالـك الـنـدي

قــوم تفـتـل مــن الضـيـقـه شـواربـهـا
والحـق معهـم وانـا اللـي جـاوزا حـدي

اضعفني وضعي وانا للـي كنـت غالبهـا
وثوب الشجاعه غدى وماهو على قدي

مابيـن قصـر نعـم وش قلـت واسحبهـا
كـان الحديـث الطويـل المرهـق الجـدي

حدونـي ابعـد ولا اقـرب يـم مضاربـهـا
والحـق يركـب مـن اللـي كـان متـعـدي

اذكر حلفت وقسمـت ارحـل ولا اقربهـا
وشـلـون مــدري ولـكـن كــان ذا ردي

قفيـت عنهـا اغاصب الرجـل واسحبهــا
كـنــه بــــودي وانــــا والله مــــا ودي

ادري خذلـت الهنـوف وكنـت مغضبهـا
مـاهـو بكيـفـي زمـانـي واقــف ضــدي

غـلـبـي وقـتــي كـثــر مـاهــو مغلـبـهـا
لاهــو تـهـيـا ولا هـــو قـابــل يـهــدي

لـو هـي دموعـي تـرد الوصـل بسكبهـا
الـيـن تـجـرح وتأسمـنـي عـلـى خــدي

ميـر الـبـلا مــا تفـيـد وحــظ صاحبـهـا
مـا طـاب لحظـه ولمـن طــاب مـتـردي

خلهـا علـى الله وانـا مـن وقـت كاتبهـا
بصبر وبرجي عزومي واعتزي شـــدي

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي




(*قمــــرهم*)

اول لـ شوفك أفتح لقلبي الباب
و .. اليوم مابه باب يفتح لـ غاليه

يعني ما دام الصبح في وصل الاحباب
ليه أنتظر صبحً وصالك ما هو فيه



(*قمــــرهم*)

متبعثر ( إفراق ) .. والخطوة ترتبني !
على دروب اللقـا .. و الحزن يغشاها

أخاف فقدك , وليل البرد يُرْعبني "
وَآهدّي الطّفل فيني ..( روح وإنساها ) ..!

وأضمّ نفسي .. كذا .. والياس يحطبني ‘
وآغمض عيوني اللي .. جرحك أدماهـا

والشعر حتّى الشّعر ماعاد يطربني !
واحلامي اللي هوت .. يا خلّ أغلاها ’

طلبت آخر قصيد الشعر يكتبني ..
إقـرا .. حروف الوفا وِ الصدق إقراها ‘

أحس وجودك معي .. لكن يعاتبني ..
وَابيييييك / وأنت المشاعر دوم تجفاهـا

دخيل ربّـك .. كفاية لا تعذبني ‘
وش عاد باقي , وعيني غلّقت ماها ..!


(*قمــــرهم*)