سجل دخولك للمنتدى ببيت شعر

تطمن كل " جــرح " لك وطيتــه

لاجـل " عينــي " ترى تكـرم قبــاايل


واذا " وجهـــي " الى منـك نسيتــه

تذكـر " هالبــدر " بين الجــداايل


حســاافه فيـك " وقــت " قد مضيتـه

( " اعـــدل في البنـــااء . والســــااس مــاايل " )

عند الفـــــــــــرج مايــــــــــــــــاخذ الضيق ســـــــــاعـــــــة ...



دنيا تضـــــــــــــــيــــق وفـــزعـــة الله ســـريعــــة ...

كنت اخر احساس مات بيوم فرقاك.....كنت المس الحب لكنك كسرته
ممداك ترجع علي تعيد ذكراك.......يكفيني اللي من احلامي خسرته
العام غالي وتعجبني مزاياك........واليو منت الصديق اللي ذخرته

خلاص منها مصادير ومواريد !!
..........................ولَيت يا سبتها البارد واحدها

\

ما كل الايام خلاَني واجاويد
..........................يا ما ليالي عزيزه مفتقدها

ما فاد بالوقت شرهات ومناقيد
.....................يوم امدح سنين وسنين انتقدها

والخطوه اللي مشت بي عكس ما آريد
.....................يا مرها والدروب آمــرَ وادهى

خلاص منها مصادير ومواريد
........................ولَيت يا سبتها البارد واحدها

يضيق صدري لا طروا ليلة السبت

.............. ليت الليالي كلبوهن ربوعي

من عيوني كـــل ما تآمر عــــليه غير قلـــبي وش تبي مني وجـــاك قلبي اللي من عرفتك وأنــت فيه مآخذه مـــني قبل ما أقــول هاك ليه ما تآمر وأنـــا ما أعطيك ليه منهو اللي لو طلـــبته ما عـــطاك فدوه لك كـل عمــري لو تـــبيه والعمر وش قيمـته لولا هــــواك

قلت : من هـو اللـي ؟ تحبيـن ورحـل !
...............طـال صمـت الليـل فيهـا ليـن لـنـت
قلت : من! هو! اللـي !! تحبينـه اجـل ؟؟
.........اضحكت لي بالدموع .. وقالت : انت !!!!؟؟

لا صار رجال و على العين و الراس
ما هو ضروري أعشقه و أبتلي فيه!!

مدري علام الناس يا خيبة الناس
كلن غدى عآشق !! و هاذي طواريه

واليا سألته قال لك "أزمة إحساس"
يا لعنبو إحساسك اللي تحس فيه

إرجع "لقرآنك" و "دينك" بلا يآس
تلقى العلوم الغانمه في معانيه




.

دام حطوا فيني عيوب

""واسباب""

جنبت عنهم مثل ماجنبوني

اصلا لوبخوتي

"شي ينعاب""
ذبحت نفسي قبل

لايذبحـــوني



.

ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا


من يوم حبك .. غزى القلـب وتملكنـي
قطعـت كـل العـلاقـات وطواريـهـا


اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا


انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا


لـو الوصايـا ليـا احتديـت ! تنفعنـي
ياكثـر نـاسٍ علـى ذودي بوصيـهـا


ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا


من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا


تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا


تدري متاك ؟ تعـرف قـدري وتفقدنـي
لارخصت نفسك .. لشخص مايراعيهـا


بكـره الا هملـوك الـنـاس تذكـرنـي
وتقول عـزاه .. عينـي مـن يداريهـا ؟


مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا


يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا


اهديتك : دمـوع مـن طعنتـك تحرقنـي
وانـت اللـي تستاهـل الدنيـا وما فيهـا


واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا


صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا


مفضوح ؟ راع الهيام .. ونظرته !! تغني
ملامحه واضحه ! في وجهـه راعيهـا


لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا


ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا


فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا


مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا


اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا


نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا


تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا


مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا


اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا