قصيدة حمد السعيد

قصيدة حمد السعيد

للشاعر حمد السعيد قصيدة تسمى الطلح قالها عندما غدا طيره وسمع بها الجميع ومن ضمنهم سمو الامير عبد العزيز بن سعود((السامر)) وهو من عشاق القنص ومن عشاق طيور الحرار فأحس بمعاناة حمد السعيد وحزنه العميق وهو يناجي شجرة الطلح وينشدها عن طيره فأهدى سموه للشاعر حمد السعيد طيرا من أطيب طيوره عوضا عن ما فقده فكان لابد ان يسجل هذا الموقف لسمو الامير عبد العزيز بن سعود فكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود مع وصفا دقيقا للصقر حيث يقول

----------------------------------------------------------------

يالبازعي طيري طلع مثل راعيه = زولٍ وفعلٍ والمـواري تشابـه
بالطلع موقف ما لقي من يماريـه = عساه يسلم سيـدي يـوم جابـه
له ماكرٍ في بر فارس محاريـه = كني اشوفه يوم خاطوا قطابـه
صفاة وجهه مع شـدوده توديـه = ضمن الحرار ولاوراها طلابه
النادر اللي يوم عزمـت اسميـه = سميته السامر واشوفه زهابـه
ليـا قفيتـه شفـت دقٍ محنيـه = وليا نطحته من عيونـه تهابـه
كن الثريا في قواطـي مواميـه = ابيض نحر كنه يشع الضوا بـه
هجرٍ قصيرالساق جبره ثناديه = وله عاتقٍ يعطي شموخ ومهابـه
ليا مسح وجهه ونهض مواطيـه = يطري علي اللي عزيـزٍ جنابـه
به من طبوعه مشبع اللي حواليه = وماخذ من طبوعه ليان بصلابـه
وجهه ليامن صاد يشبه محاليـه = لا بشر بضيـفٍ وردد هـلا بـه
لا تل سبقـه قلـت يا طيـر لبيـه = واقفى وكني كاسبٍ بـه ثوابـه
وجاهن وهو كن المنايـا تباريـه = زيزوم قـوم وفزعـوه القرابـه
اللي معه بالطلع ما عـاد يمديـه = ياصل مطاليعه وهو ما درى بـه
من عادته برق الدواغر مداميـه = في صيدته الطير غمقٍ صوابـه
ليا ضرب ما وافق الضرب يفريه = كن بيمينه من سيوف الصحابـه
ينقى كبير العرف ما هـو يخليـه = من خيشة قدمـه نهبهـا نهابـه
يا سعد عين اللي قنص عانيٍ فيه = طيرٍ وماخذ من طبـوع الذيابـه
لا صارت الدعوى عناد ومشاريـه = اخذه وكنك ماخـذٍ معـك لابـه
الطير احبه حيل من حب راعيه = عبد العزيز اللي عزيـزٍ جنابـه


الشاعر: حمد السعيد

الموضوع الأصلي: قصيدة حمد السعيد || الكاتب: % الجـبـلـي % || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

يا سعد عين اللي قنص عانيٍ فيه = طيرٍ وماخذ من طبـوع الذيابـه
لا صارت الدعوى عناد ومشاريـه = اخذه وكنك ماخـذٍ معـك لابـه
الطير احبه حيل من حب راعيه = عبد العزيز اللي عزيـزٍ جنابـه

^

^

^

الللللللللللللللللللللللللله اعجبتني الابيات هذي

صح الله السان الشاعر المبدع حمد السعيد
وسلمت يمناك يالجبلي على النقل وعلى اختيارك الرائع

والنعم بالامير عبدالعزيز بن سعود كفو والله ويستاهل
كريم ابن كريم

يسلمووو دمعه على مرورج الي نور صفحـتي

ياهيه ياللي عندك الطير جوعان
بلاك ربك فيه وانت ابتليته
اشغلك واشغلته على غير برهان
مايهتويك الطير وانت اهتويته
ومشكـــــــــــــــــــــــــــــــــــــــور ياولد العم على القصيده،،،،،،،

العفوو بنت الجبلي



ويسلموو على مرورج ^_^