(ثــــــــلاث سنيـــــــــن)

(ثــــــــلاث سنيـــــــــن)

قصيده راااائعه بقدر مافيها من الألم
بعنوان (( أربعه × سته ))
أو كما هي معروفه عند البعض ب (( ثلاث سنين يابو سعود ))

للشاعر المتألق ساقي الشوق



ثلاث سنين انا اخطط لهذا اليوم يا بو سعود
تيسّر حالي و جاهز اوفّي وعدي بوقته

و فجأه جتني تتعذر .. تقول تأخَرَت الوعود
و انا مستغرب و اسمع كأني وعدها خنته !!

حسبت انها تمازحني و تتصنع جفا و صدود
ضحكت بوجهها من قلب.. مع انْها بايخه النكته

و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!

كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته

و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته

صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته

سكت وقلت هي فرصه مدام الجود في الموجود
و قالوا كل من حولي علامات الرضا سكته

و انا فكرت دام امه و اخته ما عليهم زود
اكيد اني براضيهم اذا وافقت و اخترته

واراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته

و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !

تبي تشرح لي المنقود.. تصدق عاد يابو سعود؟
تبيني اقتنع وارضى بحال ٍعمري ما عشته

انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته

عسى بفستانها اشواك .. و في ثوبه عقارب سود
و نار ٍ تحرق الكوشه و تحرق بيتهم حتى

و موت بليلة الدخله يبرد حرتي يا كود
ولا احس انها بحضنه يلامس خد لامسته

علي اهون اذا ماتوا ولا بنفس السرير رقود
ترى صعب ٍ علي اتخيل اللي ما تخيلته

عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته

ترى دفنة عديم الذات تلوع حتى كبد الدود
و من خان العهود و مات تعافه حتى مقبرته

عسى ربي يجازيهم بحبل ٍ من مسد ممدود
يعلقهم من اطرافه و فوقه نار ٍ و تحته

انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته

مدام الفعل له ردة فعل والله ابشري بردود
بدعي دامني حي ٍ و بغرس للدعا نبته

و بسقيها نزيف القلب و دمع ٍ ما رحم لخدود
و تكبر و الثمر ثاري من اللي خانني و صنته

انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته

و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته

ثلاث سنين انا ابني و جت ( صوره ) بكل برود
خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يا بو سعود
وتوافق من كلام اخته .. و صوره (( أربعه × سته ))

تحيـــــــــــــــــــــــــاتي...
(*قمـــــــــــــــــــــــرهم*)

الموضوع الأصلي: (ثــــــــلاث سنيـــــــــن) || الكاتب: (*قمرهم كلهم*) || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

الله الله

سمعتهااا اكثر من مره وبكل مره احس اني اول مره اسمعهااا

ابياااااااااات قمه في الروووووووعه

صح لسااااان شاعرهاا وسلمت يمنااااج على النقل

لج مودتي واحترامي


اختج : بنت شيوخ

بنــــــــــت شيـــــوخ..
شكــــــــرا علــــــــى التواصـــــــــــــــل وروعـــــــــــت المـــــــــــــرور..
(*قمــــــــــــــــــــرهم*)

انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته


لا ابد كل هذا وموو حقوود
؟

بس هل الحب ينقلب كره لهذي الدرجه
؟

قمرهم اختيار جميل كعاادتك

كلج ذووق قمرهم كلهم

تسلم ايدج على القصيده

والذوق المرموووق في الاختيار

جمــــــــــــــرة مطيـــــــــــــــر
مااعتقـــــــــــــد هــــــــــــذا كــــــــــــــره
يمكـــــــــــــن هـــــــــــذا (قهــــــــــــر الرجــــــــــال)
دائمـــــــــــا مــــــرورك رائـــــــــــع كروعتــــــــــــك
دمتـــــــــــــــــــي
(*قمــــــــــــــــــــــرهم*)

محرومـــــــــــــــه
الــــــــــذوق هـــــــــــو مـــــــــــــرور الــــــذوق علـــــــــــى موضوعــــــــــــــــي
دمتــــــــــــــــي بحــــــــــــب..
(*قمـــــــــــــــــــــرهم*)