سجل دخولك للمنتدى ببيت شعر

تدري وش إللي يحـرق القلب يآخوك
لآ صرت طيب والعرب تستغـلك

ولآ صرت تضحـك والعرب تزرع الشوك
والزله اللـي قلتهـآ تنحـسبلك

(*قمــــرهم*)

بعض آلفرآق يمر ف/ آلقلب عآدي
يطري على آلخفآق لحظآت و يفوت



و بعضه لو إنّه مر ف/ آلقلب هآدي
يشبه ونين آلروح في سكرة آلموت


(*قمرهم*)

ليه القلوب اللي نبي دوم تغدر
وليه الحزن يفرض علينا ثيابه

قال الكسر ماظنتي يوم يجبر
الا اذا اللي راح اعلن ايابه

دنياك لو تصفي فلا بد تكدر
وتشوف شيب العمر بعد الصبابه

قال البشر طبعه غدر بس اصبر
واعرف ترى نصف الوجيه تشابه

بـ اقول كلمه واذكر دوم واخبر
واذكر كلامي لك اجابة اجابه

لا تقول انا فاهم على الناس اقدر
اقدر اميز من دروسي كتابه

صدقني هذا وقت خاين ويغدر
| لو انت ذيب تخون فيك الذيابه |

(*قمرهم*)

ما هقيت ان النوايا الطيبه تصبح مسيئة
لين نياتي احذفتني بالبحر من غير قارب

في هالزمن صدق المشاعر تعتبر اكبر خطيّة
يختلط وجه الخطا بـ الصح من زود التقارب


(*قمرهم*)

ماعاد لك في داخلي حي يبكيك
صدري قبر كل الحواس بعظامه

اغليك انا اشهد اني كنت اغليك
والحين راس المال منك السلامه

لاتقول ليه ؟ وكيف؟ وشلون؟ وشفيك
ماضيك يعطيني لبكره علامه

ماودي اضيع حياتي باياديك
دام من عزك تنزل مقامه

غلاك ما علمك تكسر تغليك
وغلاي اثبتلي الوفا والشهامه

كافي نضيع وقتنا في بلاويك
ما يرجع اللي راح كثر الندامه

والحين تعرف ليه انا قلت ما ابيك
وقلب يحبك ليه غير كلامه

ودعتك الله لا تجيني ولا اجيك
ولاعاد تسأل خاطرك وش علامه

ولا تنصدم من بسمتي يوم احاكيك
احيان تلقى بالجريح ابتسامه


يارب ما غيرك يعرف بخفاياي
ادعي وانا ادري صوت عبدك تجيبه

(*قمرهم*)

شكراً ع الجرح والاحزان وإهمالك
واسف يا عمري على عمر الوفا الضايع

بروح لكن ابيك تحط في بالك
بين المحبين دايم يخسر البايع

(*قمرهم*)

يالله عفوك كل ماضاق بالي
ويالله حلمك كل ما اصبحت وامسيت

ويالله صبرك من ضيقات حالي
ويارب قوه كل ما ادبرت واقفيت

(*قمرهم*)

وش علام الحزن عيا لا يروح
وليه ما جفت دموع البارحه

ابتسم والروح لاقصاها تنوح
والوكاد دموع عيني فاضحه

دنيتي جرحي ودنياهم مزوح
مثل مرج الماء فرات ومالحه

اشهد ان العمر مكتوب بلوح
وما لغصات الموادع شارحه

| واشهد ان اقسى من آلام الجروح
حاجة المجروح للي جارحه |

(*قمرهم*)

حبيبي ما كفاني فالحضور الصوت والصوره
.................ولا طفت لهيب الشوق ثنتينٍ تحلاني

سقى الله ليلة ٍ فيها القمر غاب وطفى نوره
................بعد ما سلمك يا نور ليلي وجهه الثاني

سقى الله يوم كان الحب غصن ٍ نقطف زهوره
............عسى الريح اللي اومت به تنام ويسعد الجاني

حبيبي..علّها تكبر جروح ٍ منك مغموره
................نصيب ٍجابني لك باتجاه الشمس وداني

ذخرت أغلى شعور وكل خفاقٍ ومذخوره
...........لعينك ..يالجريح /المستريح /القاصي /الداني

وشلتك داخل الوجدان ..حلم ٍ لـذ لي جوره
..............ولو اشتغلتني واشغلت بي تفكير خلاني

أبا اولع لك الدنيا قصايد عشق منثورة
................وابعزف لك نغم للحب يا قيثارة ألحاني

عليك عيون ناس ..وكل قلب ٍضاق بشعوره
................تمنتك العيون ..وجيت يا عيني تمناني

أحبك ..كيف ما احبك ؟! وانا اللي لك بنى سوره
...............على جمر ٍ يدفي بارد اشجانك من اشجاني

حبيبي ..والمشاعر فيك مختاله ومغروره
.............تدلل ..وأنت في ساحة غلاي اليوم وحداني

وإذا ملت خطاك الدرب ..مسموحة ومعذوره
..............تناساني ..دخيل الحـب ..لو تقدر تناساني


(*قمرهم*)

لو عطيته وجهك أعطاك ظهره
صد عنه ويتبعك مثل الضرير

لا تحاول تكسبه ما تخسره
صير ثلج يصير لك مثل السعير


(*قمرهم*)