سجل دخولك للمنتدى ببيت شعر

ليه تحزن ياعمري والضياع مخلوف=شوفني متبسم والناس تكوي كوي
لان عندي درايه في الزمن ومعروف=السوي اللي يسبه شخص ماهو سوي
تدري ليه اتبسم لاشتموني الضعوف= لأن شتم الضعوف يدلل اني قوي

يالوعة المشتاق تصفق كفوفه =لين التفت ماشاف بالدار غاليه
كن العيون بكل شين محذوفه=والقلب كن جموح الايام ترميه

رح فمان الله والذمه من الذمه بريه=لاتخاف من المفارق..رح عليك الله والامانه
رح بعيد..أبعدمن الدمعه على العين الخليه=رح بعيد..أبعد من الشرهه على ضحك الميانه
وأبعدمن الحلم للي خاب ظنه في خويه=أبعد من الياس للي طاب حظه في زمانه
لوتروح أبعدمن حدودالسماوالجاذبيه=والله أن تبقى قريب..أقرب من القلب لحنانه
تنتشرفيني:شتات جروح...مثل الروح حيه=تختفي في كل عروق..ولافقدتك قال:عانه
يابعدعذر الفراق اللي قبل فرقا الخطيه=ويابعدذنب الزمان اللي قبل عذر الخيانه
ليلة وداعك..على كثر الحروف الابجديه=مالقى..من ودعك..حرفين ينطقها لسانه
قلت لي:ابنساك..قلت:الله يهنيك..وهنيه=واحدخلاك من رباك تنساني.عشانه
قلت لي:قلبك لاينسى..قلت:ليت القلب فيه=دوره وليا لقيته..وصه ورده مكانه
وص نفسك الاأنا مانيب في حاجة وصيه=واعتبرفرقاك أمانه..والله الله بالأمانه

ماللسهـر .. ذمـه .. ولا .. للخطـاء .. حـال == سر .. المساء .. هاجوس .. واسرج .. خيولـه
لا .. عزت .. النومه .. وبال السهـر .. طـال == بالله .. مــري .. يالدقـايـق .. عـجـولـه

يا شموخ الزين معـدوم الحلايـا........آخرالاخبار واللّـي تـم نشـره،
قدَّروا من سبِّـتك تسعـة ضحايـا.......وارفقوني في الضحايا رقم عشره

للشاعر :عبدالله بن قنيص

تحدري يادمعـة الحـزن والبـوح
ماضي عزيز وذكريات (ن) ثمينـه

جودي لوأن الدمع مايبري جـروح
وأحكي عن أسرار الغـرام الدفينـه

مليت أحط بخاطري لك وأشيله ..
وانسى قساك ليا حلفت بغلاتي ..

ياصاحبي بعض الخطى مايزيله ..
لا قولت آسف او بعد ياحياتي ..

خل الرسايل للمحبــه وسيلة ..
كلمة غــلا واكسب معاها رضاتي..

وقت العتب راح لا ترجع تعاتبني =مات الامل والبقى في راس وجداني
ماني مثل ما انت خابرني وتحسبني=الشخص الاول اصبح واحد ثاني
خلاص مات الهوى لاتهدم ولاتبني=تركتني لين جاء النسيان ناداني
العام ادور سبب منك يقربني=واليوم ادور سبب عشان تنساني
بعثرتني في هواك اليوم رتبني=نسيتني الناس شفني صرت وحداني
كان السهر في هواك اللي محببني=والحين حتى السهر يكبر على اجفاني
اجيك يمحيني عتابي ويكتبني=مافيه طاري عتب يمر ماجاني
وارجع وانا اقول : وش للجرح جايبني=ادري بجرحك ولا ادري وش وداني
عن صدق الاحلام جاء الواقع وكذبني=وعن فرح الايام جاء حبك وبكاني
مليت اشيل الامل والدمع يغلبني=واقول بكره يجي للشوق يلقاني
ويروح بكره واجي والوقت قالبني=وارجع على وحدتي واحزاني .. احزاني
بكيتك العمر كله يامعذبني=وش فيك ماتبكي الليله على شاني
كتبت ماهو عشان تقول عاجبني=مليت من جزله وصح الله لساني
انا وطن شعر لو شعري مغربني=كتبت اجمل جروحي لجل تقراني
خلاص لا تتعب وترجع تعاتبني=انا نسيتك دخيل جروحك انساني

محدن درى بالحال والحظ الأقشر
ولاأحدن شعر بالجرح مهما أعاني
وكل ماأبتعد عن هم يقرب لي أكثر
صارت هموم الكون قسمة زماني

مــــا فــيــه داعــــي لـلـعـتــب ولـلـمـعـاذيـر
الغدر ( خال ) الجرح واطيّب ( عمامه ) !!
أمــا يجـيـب الله مـطـر .. تـالـي وخـيــر ..؟
ولا السـلامـه مـــااااش مـامــن سـلامــه