تزوج عليها وطاحت بغيبوبة

تزوج عليها وطاحت بغيبوبة

هذة القصة لامرأه متزوجة تزوج عليها زوجها بدون علمها وبعد كم يوم من زواجه طلب منها زوجها تروح معه للسوق تشتري كل شي بخاطرها من عطورات واكسسورات ولما رجعو البيت قالها عطيني الاغراض اللي شريتيها ولما سألته ليش قالها انه تزوج عليها وان الاغراض هذي لزوجتة الجديدة وانه سوى هالحركة لانه مايعرف وش يشتري,المهم بعد ماسمعت الخبر والحركة اللي سواها زوجها طاحت وجلست بالمستشفى في غيبوبة واستمرت الغيبوبة خمس سنوات وصحت من الغيبوبة وسألت هل كان زوجها وعيالها الصغار يزورونها وقالوا لها ماحد زارك من زمان وكتبت هالابيات:

تكفين ياطيور الحرار افزعيلي=ابي عن ديار الاهل من اخبار

تكفين حومي فوقهم وارجعيلي=والا ان حصل لك حومة داخل الدار

تكفين حول بيوتهم دوريلي=سبعة فروخ يوم اخليهم صغار

شوفي ضناي وعودي وانكفيلي=وشلونهم ياعلهم صاروا كبار

نسوا دفاي ونومهم في شليلي=وش علمهم ياعلهم بطول الاعمار

وقولي لهم ان امكم لها عويلي=خمسة سنين دمعها دوم مدرار

وقولي لهم اني على طول ليلي=انوح وليا قرب الصبح انهار

وقولي عيوني دايما له هميلي=تبكي ليا شافت من الناس زوار

كل يوم اقول غدي حديهم يجيني=راحت سنيني مابهم واحد(ن) زار

وانا اللي سبة سوات الحليلي=حالي تردى كل ماله وينهار

وفرقا ضناي اللي تردت بحيلي=كني على شوفتهم اصلى على نار

ياويلي كان الله عجل رحيلي=وانا لي سنين ابي لو هي اخبار

ياعونة الله من يبي يرتكيلي=ليا جارت علي بأمر الله كل الاقدار

تنكروا من يدخلون الدخيلي=واللي بوسط ديارهم يامن الجار

قولي لهم ياطيور قلبي عليلي=الله يكافي قلوبهم صارت احجار

وانا اللي لبراق الخيال استحيلي=واقول عل ديرتهم للامطار

تكفين وسط ديارهم صوتيلي=شوفي عسى لاسمي مع الناس تذكار

وقولي لمن نسيانهم يستحيلي=ياللي نسيتوها ترى الوقت دوار

ياهيه ياللي بالسما لك هديلي=ردي خبر تكفين يكفي امرار

شوفي هاك اللي نومهم في شليلي=من اذان المغرب لوقت الاسحار

شوفي هاك اللي ماتهنى في مقيلي=الا مقيل معهم كبار وصغار

وقولي لهم ان كان حملي ثقيلي=مرة يجون وعقبها شي ماصار

وانا يتولاني كريم(ن) جليلي=ياعلني في جنة وسط الابرار

منقولة

الموضوع الأصلي: تزوج عليها وطاحت بغيبوبة || الكاتب: مهاجر || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

قصه محزززنه وتقطع القلب

قصيده رااائعه وكلماتها قمه في الذوووق

لا عدمناااااك

ياهلا يابنت زايد وشاكر مرورك

حاافظه هالقصيده وحافظه هالقصه بعد ...
من كثر ماتأثرت فيها ..
من يلومها يامهاجر بالله عليك ..
زين منها غيبوبه انا لو بمكانها اكيد انجلط واموووووووووت ..
اسم الله علي عسى حظي مهو بحظها ..

غريبين هالرجال ..
ابتعرس اعرس من رادك ..
بس ليه تغدر فيها وتخدعها ......!!!!

انت عارف ..
بالنسبه لي يتزوج علي ارحم بكثير من انه يخدعني ويسوي فيني هالحركه ..
نــــــــــــــذل ...

اتعبت احاسيسنا يامهاجر ..
على فكره انا اشتطيت بالموضوع ونسيت ارحب بعودتك مره اخرى ..
منوووووور بقوه ..
سجلني من المتابعين ..

كن بخير ..
(*قمرهم*)

ياهلابك ومرحبا

والنور نورك

وشاكر مرورك الكريم

مفروض ماتبكي عليه ولاتحزن

لانه ردي

المصيبه تردي العياال والا الرجال بلعنته

^ _ ^

الله يعين

تسلم مهاجر على هالنقل

وشكلك تبي ردووود قويه من الصبااايااا

^ _ ^

هلا جمرة

اللي تطول لسانها انزلها صورة بالطرائف

ههههههههههههههههههههههههههه

شاكر مرورك

تأبش ألبي يامهاجر

عادي الرياييل ف كل زمان و مكان النذاله ف دمهم

شوفوا شو صار ف المنتدى من يومين و تفهمون قصدي !! > اسكتي


بس والله لو منها بالطقاق بلبسه و بعيش حياتي

خو الحياه ما توقف عند ريال ! بداله ايي الف


نذاله بجد

اقتباس:المشاركة الأصلية كتبت بواسطة وخيذة الضحى تأبش ألبي يامهاجر

ههههههههههههههههههههههه

شكلك مانت غريب علي

بس وشو نكك السابق؟؟