رباعـيهـ (حبيب العازمي..مستور العصيمي) و (تركي 2000..زيدالعضيله

رباعـيهـ (حبيب العازمي..مستور العصيمي) و (تركي 2000..زيدالعضيله

«®°·.¸.•°°·.¸¸.•°°·.¸.•°®»الـسـلام عليـكم «®°·.¸.•°°·.¸¸.•°°·.¸.•°®»



مــوال ربـاعـي راائـع بـيـن شـعّــار أروع :-



- تـركـي الـمـيـزانـي
- حـبـيـب الـعـازمـي
- زيـد الـعـضـيـلــــه
- مـستور الـعـصيمي






حبيب العازمي


يا سلامي على شرق البلادَ الشّمالي=
غاليٍ فالقلوب وكل من فيه غالي=
قاعده للجيوش ومعقلٍ للرجالي=
مايسود الحسود ولايحقّق مراده=


يالعصيمي تعال وناد تركي وزيد = خلّها وقفةَ الاصحاب لاصحابها


مستور العصيمي


حاضرٍ يا حبيّب فاللزوم ابن عمّك=
مار صبرك شوي شوي ويزيل همّك=
لا تنقّد مع هالاصحاب ويفور دمّك=
مايسود الحسود ولايحقّق مراده=


كلّ ما زادت الكيله ترانا نزيد = ما وقفنا على الاجواد فابوابها


تركي الميزاني


مرحبا مرحبا يا العازمي بالنّيابه =
عن خناذف وعن حضّار عزوة شبابه=
ابرقي يا بروق وخيّلي يا سحابه=
مايسود الحسود ولايحقّق مراده=


إعرف انك معك فالرّيس منت بوحيد = لعنبو لحيةٍ ما تحتمَ اشنابها


زيد العضيله


سَرّها يالعصيمي مثل مسرى المطايا=
واعرف ان الشّيوخ اشيوخ ما هم رعايا=
وانتظر للموادع وانتظر للهدايا=
مايسود الحسود ولايحقّق مراده=


احتزم يا بنَ عمّي بالحزام الجويد = وادرج الشّاذليّه قدم شرّابها


حبيب العازمي


يا بروقٍ تلوح ويا رعودٍ تراجف=
المطر غاب مدّه ما نزل والثرا جف=
والقلوب الحزينه كل لحظه تّواجف=
مايسود الحسود ولايحقّق مراده=


يوم خاض المعارك خالد ابن الوليد= يحتزم للعدا ويقطّع ارقابها


مستور العصيمي


ما غوينا الجبال ولا غوينا سهلها =
من تعرّض لها فالوقت يا زيد اكلها=
خابرٍ ما تعمر الدّار من غير اهلها=
مايسود الحسود ولايحقّق مراده=



كيّدانا مصقّل من صليب الحديد = كان شفنا العقارب رزّت اذنابها


تركي الميزاني


ارفع ايداك للمولى عسا الخير ياتي=
لين تمطر عليك امزونها الممطراتي=
من جميع الدروب ومن جميع الجهاتي=
مايسود الحسود ولايحقّق مراده=


ان توفّى حبيّب يمكن انّه شهيد = يالله ارحم قبور القوم وترابها


زيد العضيله


يا كريم الوجه يا زين برقٍ تلالا=
عقب ما قلت صح العيب لِن قلت لالا=
اسمع السّالفه قدّام لولا ولالا=
مايسود الحسود ولايحقّق مراده=


ما نحطّ الشّقاوي في فراش السّعيد = ومن لمس جمرة المشهاب يكوابها


حبيب العازمي


طلبت الله حقّ وكلمت الحق سنّه=
مصدر الشر نار ومصدر الخير جنّه=
وانت تحكم على الصاحين والا المجنّه=
مايسود الحسود ولايحقّق مراده=



إن توفّى حبيّب من هو المستفيد = يا رجالٍ زعلها يحرق اعصابها


مستور العصيمي


لا تراكا على مركا العرب لا تراكا=
في ديار العجم والا ديار التّراكا=
منت رايح وساري دام عيني تراكا=
مايسود الحسود ولايحقّق مراده=


إلتبس يالعضيله كل ثوبٍ جديد = البنيّه ترا عشرين خطّابها


تركي الميزاني


أنت تشره على العالم وتشره عليّه=
وانت في طول عمرك جالسٍ فالحويّه=
وان بغيت الصحيح نحكم حسب القضيّه=
مايسود الحسود ولايحقّق مراده=


يستفيد العصيمي لو يحسبك فقيد = يالله تصبّر الاقراب فاقرابها


زيد العضيله


من بغا ديرةٍ فيها طماعه وصلها=
ومن قطع له حبالٍ يالعصيمي وصلها=
وانت وجهك على الطّايف ونفّذ وصلها=
مايسود الحسود ولايحقّق مراده=


غرّدي ياحمامه فوق خضر الجريد = الرّساله عرفنا منّ كتّابها



حبيب العازمي


الله اكبر على موج البحر كيف ماجي=
والله اني ما قول اجي وبعدين ماجي=
من هو اللي في جدّه يشرب مرقة ماجي=
مايسود الحسود ولايحقّق مراده=


واضحه واضحه من غير اكرّر واعيد = فرّقوا في ضروس الرّاس وانيابها


مستور العصيمي


إشربي يالورود وصدّري يا ورودي=
دامها مثل ريح المسك والا الورودي=
والله اني لاجيكم كل عامٍ وارودي=
مايسود الحسود ولايحقّق مراده=


اسمعوا والكلام المنتهي ما يفيد = زيد بن سلمي الحيّه وانا دابها


تركي الميزاني


الفتى هيبته من طيب خاله وجدّه=
وابن عازم عرفنا ويش مزحه وجدّه=
والمرق مكسبه لحلّ في وسط جدّه=
مايسود الحسود ولايحقّق مراده=


كان نبغا الصراحه والكلام الاكيد = انتبه للسوالف واحسب احسابها


زيد العضيله


يا حبيّب تراها سالفتكم تراها=
روّحت وانت عينك ياعتيبي تراها=
وانت وارد وميرادك عدودٍ تراها=
مايسود الحسود ولايحقّق مراده=


يالله انّك لترحم معتقين العبيد = دعوة اللّي وصل مكّه وصلابها



حبيب العازمي


انت قلت اني انا جالسٍ بالحويّه=
والجمل لايقرّط فالرّسن بلحويّه=
من جلا عن عدوّه يحتوي بالحويّه=
مايسود الحسود ولايحقّق مراده=


الله انه يعينك تحتفظ بالرصيد = القوافل تسير وتنبح اكلابها


مستور العصيمي


كان منته محزّ العلم يا زيد حزّه=
الله انه يحفظك كل ساعه وحزّه=
مار ابضرب بسيفي فالعضيله واحزه=
مايسود الحسود ولايحقّق مراده=

الله اللي يدبّر فامته ما يريد = احترص للمطمه لاتجي ..........


تركي الميزاني


أنت طول الدّهر مابين اقامه وشدّه=
والرخا يا وسيع العرف ما فيه شدّه=
كان تقدر تشدّ الحبل بيداك شدّه=
مايسود الحسود ولايحقّق مراده=


والله انّا ما نقلط فوق قدر العصيد = مير من دوّر البلوات يبلابها


زيد العضيله


هيه ياللي على بعض السوالف تجرّا=
ان ربطنا يدينك بالسلاسل تجرّا=
كلّ ليله تجرّ الصوت قدمي تجرّا=
مايسود الحسود ولايحقّق مراده=


ما تعاملت مع بنكٍ بليّا رصيد = اضحك الناس مرّه واتهزّابها

الموضوع الأصلي: رباعـيهـ (حبيب العازمي..مستور العصيمي) و (تركي 2000..زيدالعضيله || الكاتب: محمد بن حلبيد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

(محمد بن حلبيد)
لاهنت على نقل المحاوره المميزه لشعاااااااار المبدعين

سلم الله يمينك على المحاوره ،

مستورر: الله عليك:
لا تراكا على مركا العرب لا تراكا=
في ديار العجم والا ديار التّراكا=
منت رايح وساري دام عيني تراكا=
مايسود الحسود ولايحقّق مراده=

رد واافي من العضيله::
من بغا ديرةٍ فيها طماعه وصلها=
ومن قطع له حبالٍ يالعصيمي وصلها=
وانت وجهك على الطّايف ونفّذ وصلها=
مايسود الحسود ولايحقّق مراده=

الشبح حبيب بيشعللها::

الفتى هيبته من طيب خاله وجدّه=
وابن عازم عرفنا ويش مزحه وجدّه=
والمرق مكسبه لحلّ في وسط جدّه=
مايسود الحسود ولايحقّق مراده=


وافي أبو عطالله مبدع::
يا حبيّب تراها سالفتكم تراها=
روّحت وانت عينك ياعتيبي تراها=
وانت وارد وميرادك عدودٍ تراها=
مايسود الحسود ولايحقّق مراده=

صح الله لسان الشعار ""

ابن عوض


اسمح لي ابدي اعجابي بقلمك وتميزك واسلوبك الراقي وتالقك

ماجد الشلاحي

شكرا لمرورك على موضوعي وهذا شرف لي ووسام على صدري

لا هنت ابن حلبييييييد على النقل
الممتآز
وفقك الله

محمد بن حلبيد
يعطيك العافيه على الرباعيه
ووبيض الله وجهك
ولاهنت

اقتباس:
المشاركة الأصلية كتبت بواسطة طلال ابن لامي
لا هنت ابن حلبييييييد على النقل
الممتآز
وفقك الله

ولا انت . . . واشكرك على مرورك المعطر في صفحتي واسعدني جداا

اقتباس:
المشاركة الأصلية كتبت بواسطة فهد عيد الجبلي
محمد بن حلبيد
يعطيك العافيه على الرباعيه
ووبيض الله وجهك
ولاهنت



الله يعافيك . . . اشكرك على مروورك المعطر في صفحتي واسعدني تواصلك دائم

لاهنت يابن حلبيد



..