جديدي..بغيب عنكم والوعد يوم الاثنين .. اما غناة الذيب والا عدامه ...... ابن سمدان

جديدي..بغيب عنكم والوعد يوم الاثنين .. اما غناة الذيب والا عدامه ...... ابن سمدان

السلام عليكم ورحمة الله

هذي القصيده وليدة اليوم بعد ان قرأت موعد تسليم مشاركات الشعراء المتنافسين لمسابقة شاعر منتدى الجبلان في يوم الاثنين ... وليست قصيدة المشاركه في المسابقه والتي اعدكم واعد نفسي اولا بان لا اذخر طاقة ولا جهدا لابراز نص شعري يرتقي الى ذائقتكم .. وبالله التوفيق

اترككم مع القصيده ..

وسمت ذودي بالشعر يوم ناوين=كلن على ذوده يوسْم علامه
وصحت فيهم ياجماعه على وين=محدن يعدي دون يكشف لثامه
انتم بني عمي على الراس والعين=محدن نكر بالطيب ماضي عمامه
لكن حقيقة قول تحتاج تبيين=نحفظ بها تاريخ جيلن قدامه
جيلن ولا مثله ابد كان جيلين=جيلن كتب للمجد صفحة كرامه
يوم الفقر يذبح بحد السكاكين=يوم السيوف اصدق وتصدق سهامه
يوم الزمن ضيْع حقوق الكريمين=ردوا لهلهم حقهم بالزعامه
بندر*خذ العلم المأكد براهين=ماهو على قولة فلان اشعلامه
واقرا على قبرن تبارك وياسين=عل اللحد يرحم بقية عظامه
سمدان ورْث للمراجل سمادين=مثل النجوم اللي تنوْر ظلامه
منا أخو فجله مغيث المضامين=سلم على مطلق كثير السلامه
قله على عهد الرياجيل باقين=وانه ترك فينا قرومن نشامه
احدن وهبه الله صفات الحكيمين=حتى الحجر يشهد بحكمة كلامه
واحدن كفى ربعه كفوف المغيرين=رداد قومن لابسين العمامه
واحدن فتح بالخير بيته دواوين=مكرم ضيوفه لو بلقمة طعامه
حنا الذي وقت المهادن سلاطين=حنا الذي وقت الشدايد حسامه
نفزع ونثأر يوم تنخى النساوين=كم من قبر يحوي جسد دون هامه
واللي غدى خلف البحر فوق عامين=عوْد بفضل الله وتم إلتمامه
تاريخ بيْن مثل فجر المصلين=نفخر بها سيره ليوم القيامه
واليوم انا برسل مع الريح صوتين=صوتن صباح وصوت باول منامه
بغيب عنكم والوعد يوم الاثنين=اما غناة الذيب والا عدامه

وسلامتكم

*بندر هو اخوي الصغير.

اخوكم \ ابن سمدان

الموضوع الأصلي: جديدي..بغيب عنكم والوعد يوم الاثنين .. اما غناة الذيب والا عدامه ...... ابن سمدان || الكاتب: خلف بن سمدان || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح لسانك قصيده جزله من شاعر فحــل

رائعه تجعلنا نشتاق ليوم الاثنين بحراره

أتمنى لك ولبقية الاخــــــــــوان التوفيق

والله ونعم فيك يابن سمدان ونعم فيك وبكل من ذكرت من جماعتك ويستاهلون
وصح لسانك على هالقصيدة الجزلة .
متابع لجديدك.

اقتباس: المشاركة الأصلية كتبت بواسطة ابو ساره     صح لسانك قصيده جزله من شاعر فحــل رائعه تجعلنا نشتاق ليوم الاثنين بحراره أتمنى لك ولبقية الاخــــــــــوان التوفيق

صح بدنك اخوي ابو ساره .. لاخلا ولا عدم من هالطله الطيبه ..

ويوم الاثنين علمه بيد منهو عصاة العدل في ايده سبحانه وتعالى ...

تقبل تحياتي يالامير \اخوك ابن سمدان

اقتباس: المشاركة الأصلية كتبت بواسطة بعيد الهقاوي     والله ونعم فيك يابن سمدان ونعم فيك وبكل من ذكرت من جماعتك ويستاهلون وصح لسانك على هالقصيدة الجزلة . متابع لجديدك.

ياهلا ويامرحبا ملايين بالاخو العزيز وابن العم الكريم والشاعر الجزل عبدالعزيز صالح الجبلي ( بعيد الهقاوي ) .. صح بدنك طال عمرك ... ماعليك زود ونعم بالرجال اللي تستاهل قولة ونعم .....

مرورك اسعدني اخوي بعيد الهقاوي الله لايخلينا منك ولا من سماع صوت صرير قلمك على متصفحي المتواضع ...


لك مودتي وتحياتي \ اخوك ابن سمدان

بنتظار جديدددددك
تقبل تحياااااااااااااااتي

قصيده جزله وطيبه .. صح لساانـك ياابن سمدان

تسلم يمناك والله يعطيك العافيه

كفو كفو يابن سمدان


اشهد بالله انها جزله


وبارك بالمسابقه الي جعلتك تكتب هذه !


صح كلك وصدقني افتخر واتنومس بتواجد الشعار مثلك

لانكم عصبه وحده واسمً واحد ومنتدى الجبلان وضع لانطلاقكم

الى المنتديات الاخرى والى تمثيلنا التمثيل المشرف

وانت اول شخص من هؤلاء الشعار الي تنومس في تواجدهم

ونفخر في قصيدهم ودايم نطريهم ونطري قصايدهم في مجالسنا !


الله لايهينك وتقبل احترامي

والله ونعم يابن سمدان ..


جزله من جزل و " كفو " والله





صح السانك الف ولاهنت

رح الى الامام يا شعر !

اخوي فهد التوم ... صح بدنك وبيض الله وجهك على المرور والرد الطيب طال عمرك..


تقبل تحياتي \ اخوك ابن سمدان