سجل دخولك للمنتدى ببيت شعر

صباحكم عـــــــســـل ...

لاهنتوا ..

"لو الغلا" يوخذ ويعطي على الكيف=ترى الغلا مني لك اول هديه
هرجي معك صادق ولا اظن به زيف=مقصد شرف مالي مقاصد رديه
والله اعزك لو علـــــى رقبتي السيف , ,=اوفي ولو دنياي ماهي "وفيــــــــه"

صح بدنك ياوخيه

وصباحك رضا ونور ياوخيه قموره

سبحان واليك ياليلٍ سـرى برقـه = أراقبه والعرب في نومهـا غرقـا
ماصدّت من شوفك الاّ الهم والحرقه = بعض الملاقا تعوّضني به الفرقـا
حبٍ مع حبّ غيري ماظهر فرقـه = غديتّ كنّي شفيـع وحبّـه الزرقـا

الـى متـى ببقـى تحـت رحمـة عيـونك
لـ أجل عينك كم تحملت أنسى غلطـاتك ..~ وأصونك ~
لا تعذر لأ تجيني .. ذبلت ورودك في عيـني
مثـل ماضاعت حياتي وكـل احلامـي في ~ يديـنك ~

ليلة مطر شق الرعد جـو الانفـاس= وامطر جنون العاصفه من حروفـي
اعد واذكر ناس .. وانسى بعض ناس =اشباح ذكرى تسكن اطـلال شوفـي
كان الزمان لصادق الحـب نبـراس =وكان المكان اطهر مكـان لوقوفـي
طفولتي ياحلـم ياغربـة احسـاس= يابعد شـق بخنجـر البعـد جوفـي
اصرخ ولكن تحتضن صوتي اقـواس =وجمرة قلم مرتـد تشعـل كفوفـي
كل ماتكسـر للقلـم بيـدر المـاس= حدر السنابل تورق اغصان خوفـي
وكل ماخرج من معطف الليل نسناس= احاول اخـرج مـن ثنايـا ظروفـي
واكتب شعر تنزيل من وحي الانفاس= لعلها تقلـب حروفـي .. حروفـي

أحطّ ايدي على صدري عشان أتأكّد إن لي قَـلب ..!=وأخاف أحكي وأنا مخنوق .. وأبكي .. وأستحي منّي ..!
عقب هذا الـ عمر كلّـه .. أستحي لا أقولـ.. ماني صلب ..!=بعد ما كنت لاضاقت علي أصدّ .. وأغنّــي

هالله ... هالله

لاهنتووو ابداع شعري يالجبلان ,

من قال مالك شي من فاقد الشي =ماهو صحيح وفاقد الشي يعطيه
مثل الشجر يعطي لنا بارد الفـي= يعطي الظلال ولاهب القيظ يكويه
مثل القمر يعطي لنا برزخ الضي =يعطي الضيا ومايندرى وش يغطيه
مثل العذاري تسقي النازح المي =تسقي البعيد ونخلهـا ماتسقيـه
مثل الطبيب اللي يداوي عن العي= لكنّ ماهولاقـي احـدٍ يداويـه
عطيتك التحنان من خافقٍ حـي =يعني عطيتك شي انا منحرم فيه
أرويتك ابعضي وانا فاقد الـري= مخفي ظماي وقلبي الحزن طاويه
لي في عيونك لاح مستقبلٍ جـي= حلمٍ بعيد ٍ .. ساهر الليل يرجيه

ياصاحبي مثلي عن ألـوان العمـر ..لا تسألـهـ=أنا تساوت عندي ألـوان .. السعـاده والعـذاب
انا حياتـي مالهـا إلا لـون .. واحـد واجهلـهـ=خليط من لون الهواء .. والنار ..والماء .. والتـراب
طرد السراب لمن يحسبه ماء .. ماهـي مشكلـهـ=المشكله ( طرد السراب ) للي يعرف انه ( ســ ــ ــ ــراب ) !

دايم على بالي ولا يوم ناسيك =وأنت لزيم الروح وأكثر شوية
بدرب المعزة أشهد إني مخاويك=واخترت شخصك بين كل البرية
الرب يعلم بالغلا يا كثر مغليك=و دايم مكانك في الشموخ العلية

اشتقت للحظاتك وجيت أنشد الوقت=وين الحبيب وضحكته وأمسياته؟؟
ليته يوسع خاطري لا تضايقت=مثل الكفيف إن قربوا له عصاته
ماهو زعل لاشفت وجهه و دنقت=العين تخفي في نظرها غلاته

ارحم بحالي يابعد امي وابوي ..
وارفق بخلك يالي ساكن داخل الروح ..
انشغل بالي يوم طول غيابك عني ..
تعبت في بعدك ولا ادري وين اروح ؟؟:43:
ودي تشوف بعيونك كيف الهم صار فيني ..
اجامل واضحك ولا ادري شلون ابوح !!
اشوف الناس غرقانه بالفرح حولي ..
وانت ماااااتركت بالقلب غير الجروح ..
لا تحسب الناس لعبة بيدك ياخلي ..
تحب ذا وذاك وماتفكر الا كيف تروح ؟؟
وبعد الغيبة جيت وقلت اسف ياخلي ..
احترت انا وربي معااك اكمل ولا اروح ..
لو كملت معااااااك انذليت بدنيتي ..
بس شلون اروح وانت ساكن داخل الروح !!
الله يجازيك على صدك وهجراني ..
ياللي ماخليت بالقلب غير الجـــــــــروح :33:--------------------------------------------------------------------------------