حنّا عزاز ولانهين العزيزين

حنّا عزاز ولانهين العزيزين

ياطير عقبي كن خاطرك شاين = خاطرك شين وغيبتي عنك يومين
النقص فيك مبينٍ له بواين = في لمعة الريشه وفي ناظر العين
ياطير انا وياك كنّا خداين = وبيني وبينك ولف ومعاملٍ زين
يوم نتخاوى مع وجيه الضعاين = ونهمل سبوقك في مناكب خسيرين
ولاّ شمال الهضبتين القراين = شرقي طلال ومن سواحيق ويمين
ولإ عطينا سكّة التابلاين = ولاقد عطيناها عليهن حراذين
نصبح على طارات شهب المكاين = بين العراقيين والأردنيين
في ماقع به كنّ عيني تعاين = ربد الحباري به على أربع وثنتين
ونأخذ لنا أيامٍ بذيك الدفاين = مابين برقع والغدف والبسيتين
ونكسر على ماينحدر من ضواين = وناخذ هناك أسبوع والاّ سبوعين
وننكف نشاط وسالمين الصخاين = ولوّ كان نتعب عدنّا مستريحين
قدّام يظهر للصقاره زباين = ناسٍ تحوش القوبعه بأم روحين
ليّا روحوّ بمشحنّات الخزاين = مافي نحاهم ذوّقوه الأمرين
واليوم مابيني وبينك مداين = أنا سعودي وأنت جايٍ من الصين
وأمّا لقينا للحباري عواين = والاّ توادعنا وداع المحبين
الوقت ماتاليه معنا بزاين = والبرّ في حادور من حين لا حين
أدناه مليانٍ كراتين فاين = وأقصاه ضاق وضيّقوبه هل الضين
وضاقت مناهج طيبين الضغاين = اللي على المقناص بالطير ضارين
واليوم كّن اللي يحاكيك ماين = هذي سبوقك وأنتهض بالجناحين
وهاجر مهاجر مبحرات السفاين = للصين والاّ أهبط على ضلع قزوين
لوّ كان عندي ما فراقك بهاين = حنّا عزاز ولانهين العزيزين
خلّك تروح ولاتشوف الغباين = شاملك عفوٍ مثل عفو المساجين

الشاعر : عبدالله بن نايف بن عون الرويس العتيبي

الموضوع الأصلي: حنّا عزاز ولانهين العزيزين || الكاتب: أبومحمد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق