انا شايب

انا شايب

هذي قصيدة للشاعر المبدع لافي الصيدة المطيري
وهي تعبر عن نفسها ولااظنها تحتاج الى تفسير

صحيح انا شايب بعد واسمر شوي=والحظ ( هاف ٍ هاف ) يذهب وياتي
واسمي من الأسماءالقديمات يا ميّ= اكيد مـا يعجـب كثيـر البناتـي
حظي كذا لا هو بطيـب ولا سـي= مثل ما قالوا (ما دعت لي حماتـي)
والشايب الله يرحمه ما ترك شـي= الا عشر معـزا وسبـع لقحاتـي
يا بنت راسي ما عرف بارد الفـي= ما بين شمس وحمس هذي حياتي
ايام اسايرهـا رغـم فعلهـا فـي= وايـام اجابهـا بذاتـي لـذاتـي
اصبر لجمرة ذيك كلـه لأجـل ذي= خوفٍ من التقصير فـي واجباتـي
عندك خبر حبل الرشا ياسم الطـي= وحتى الهوى نحّت جبال السراتـي
قال المثل ما فيه شي بلا شـي=والمغفـرة مشروطـةٍ بالصلاتـي
الهون ذل وزي ما هـو لنـا زي= عن كل هون اختار رقعـة عباتـي
حلفت أنا لأعزّ راسي وانـا حـي= ما دام راسـي يـورح الذارياتـي
وقصيرتي لو هي مثل شمعة الضي =تحرم عليه مثـل حرمـة خواتـي
وإن كان ودك تعرفين اكثر شـوي= هذي صور وجهي وهذي صفاتـي
اصبر لو إن الكي ما يبري الكـي= ورزقي على اللي كـون الكائناتـي
اختار حرف الألف والسين والجي =وغيري كثير اللي يسوي سواتـي
قدامنا راحت على ابوك يا عـدي= بغداد والبصـره وشـط الفراتـي

الموضوع الأصلي: انا شايب || الكاتب: بعيد الهقاوي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق