شــْــآآعر شـــظــآآآوي

شــْــآآعر شـــظــآآآوي

مسائــكم .. آبتسآمه \ طفل
صبآحكـم .. عطر \ جـوري

••
شآعر رآئع \ ..يستحق آن نتنفس كلماته .. ألا آن
نصحو من جو روعتهآ ..
حروفه تخلق
في بياض السماء
قوس قزح ..
يتلون ألوانا
لقد حلق بنا عالياً
وكأننا نلامس الغيوم الزرقاء بأيدينا
لا نرى سوى سحر يأخذنا لأبعد مدى


الإسم : احمد الصانع ..
الهوايه : فوضوي
العمر : سنتين وأكثر
واللقب :شاعر شظاوي
••

أبي من زود حُبي .../ أربكك != لمَّا تسألني أحبك ..؟ قلت " أموت " !!
إنت مثل " الحلم " ولمَّا أمسكك=أدري إنِّك واقع / وتطري البيوت ..
يا عيون الريم وشلون أشبكك ؟!=من يشوفك قال : ما شا الله توت ..!

••

موَّت غيابك سوالف في [ حشاي ] !=كيف ترضى غيبتك تقسى علي ؟!
ماني متخيِّل أشوفك مو معاي !=ياللي تسوى في عيوني " كل شي " !
الشتا , فرقى عيونك يا دفاي !=ما يموت الحُب ونبض القلب حي !

••


قلتي ..
" أحبك "
من بعيد و ....... ضعت
شوفي عاد , لو من قريب ؟
ما تغيب أحلام قلبي في وجودك
لك أسلِّم نفسي , أربطني بقيودك
جابك الله ..؟

••

إختلفناوماعرفنا شنهو \ الراي السديد ..=يا تضحِّي في عنادك ..!أو أضحِّي في سبيلك !
ليه كل عيد إنتْفارق ؟! صرت أكرَه كل عيد !=وإنتْ فارق .. في [ غلاتك ] ..وقلبي ما عنده مثيلك !

••

[ ممنوع ] أحب غيرك لأن الحقيقه ؟=مافيه " أحد " يسوى يجي في / مكانك .
[ ممنوع ] أنام إلا ب هذي الطريقة :=( أنام أنا ويَّاك .. و أحضن حنانك )
[ ممنوع ] أنا أنساك لو في – دقيقة - !=لازم ( أفكر فيك ) , و ( أعز شانك ) . . .
[ ممنوع ] أسمع : صوت : كل الخليقة ..=ويا زين كل كلمه تجي من { لسانك }
[ ممنوع ] أحس إنْ كنت ويَّاي ضيقه=ياللي خدمك الحظ .../ فيني و عانك

مـمـــنـــوع

••

فاقد الإحساس / ما يعطي القليل=وإن عطيته إحساس قلبك ؟ يقتِلَه !!
إيه بـ.. أرحل والطريق أدري .. طويل ..=مشكله " قربك " .. وبُعدِك مشكلَه ..
وإن خذاني المُوت إترك قال وقيل ..=قول هـ.. الجُمله .. وخطاك محلِّلَه :
[ ربِّي إلهَم أهله الصَبر الجَميل =وإرحمه يا رب وإحسِن مدخلَه ]

••

قالوا ( بلادك ) قلت قلبه : بلادي=يعني أحبه ومن دواعي سروري
قالوا الركاده قلت مجنون : غادي=عقلي يحبه , ورايكم مو ضروري
قالو تبيه ..؟ وقلت حتَّى : فؤادي=طاريه دهن العود .. وطيفه بخوري
آنا بوادي وهالخلايق بوادي=أغيب عن هالناس أخفي حضوري

••

لي الله صرت لطعوني ( هَدَفْ ) ولطيبتي الرامي= أنا [ لا طاعني هذا الزمان ] ولا بعد طعته !!
حبيبي صَعبه أتحَمَّل جُروحي وعظَّة إبهامي =قضى صبري وكل حَلٍ عشان الحُب ؟ جرَّبته
إذا لِك يُوم مِتضايق ..؟ أنا الضِيقات أيامي= وإذا لِك يُوم تذكِرني ..؟ أنا النسيان زعَّلته

••

أنا عقلي على درب الجروح فـ.. غيبتك سايب ..!=أنا فيني التعب عايش من رجولي إلين الراس !!
قوي قلبي ,, ولكني أحس / ب غيبتك هايب !=تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟=أحبك كل يوم " أكثر " وفيني لك كثير إحساس !
حضورك كان في قلبي جميع الوقت يا غايب ..=أنا من وين ما أطالع , أشوفك إنت كل الناس !!

••

يا ( سيِّدة شعري ) أنا .. قومي إرقصي بين السطور =في داخلي شوق / وعذر .. والله يعين المبتلي ..!
زعلانه مني ! وتنهدم فيني ملايين القصور=لأنك طموحي .. ورغبتي .. وتخطيطي |. ل مستقبلي .|
" بركان " شعري .. ما هدى وخايف مع المُده يثور !=في غيبتك .. شفتي { الشعر وشلون فيني ينغلي ؟
زعلانه أدري .. وضيقتك في داخلك أربع شهور !=وتأكدي إنَّ إزْعَلِك .. هو يُعتَبَر نفس إزعَلي

••

تعبتْ / وما صِدَقْ حَظي وفوق الهم أشيل الهم= صغيرٍ في العمر آنا وكبيره حيل مأساتي
محدْ يدري عن أخباري محد في دنيتي مهتم =وحيدْ أمشي مع همِّي وكبيرْ " الحزْن " في ذاتي
سِمَعْ قلبي عَنْ الراحَه { واهيَّه مِنْ الوهم أوهم }=أعيشْ آنا بوسط واقعْ نهاياتي في بداياتي

••

ليه أحبك وأدري إني في بحر غدْرك غريق=وليه أتصفّح حياتك؟ دام عذّبني الغلاف
إن عشقتك صدقيني كني عاشقْ لي حريق=الحَطبْ عمري ..{ وناركْ بس تاكلْ ما تخاف }
قلبي إختارك وجيتك طايرٍ حرٌ طليق=ما ملا غيرك عيونه .. وياما في دنياه شاف
إحتمل \ قلبي وجودك وإحترى يصبح عشيق=ما لقا فيك المزايا وإسمحي له " الإنصراف "

••

مسموح كل إنسان يقرا المعاني !=لكن شعور القلب يا ناس محفوظ
ما قلت من ( حظَّه ) لأنه لقاني=أقول أنا من يوم ألاقيه : محظوظ

••
ياتعلمني المــشي واصعد
جــبال ••
•• والا
اســـكت لاتخليني اطـــيح

••

تحياتي لـ قلوبكم

اخت القمر

الموضوع الأصلي: شــْــآآعر شـــظــآآآوي || الكاتب: اخت القمر || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق