ردية نادرة بين الشيخ بدر بن هايف الفغم و الشيخ محمد بن زيد الفغم

ردية نادرة بين الشيخ بدر بن هايف الفغم و الشيخ محمد بن زيد الفغم

السلام عليكم ..

الشـــــاعر الكبير الامير ..بــدر بن هايف الفغم لاتجد الكلمات مرادفات لوصفه أو الوقوف عند حد لشاعريته
المطلقة ..وهو على ذلك لا يتجه الى الاعلام والنشر بل وجد ماسبق يتجه اليه طالبا الاستمتاع بما يزخر به ..

راكب اللي من جديدات الطـرازي = لاوطيت سرريتره حَدرك يفـزي
نَحًّرِه ضيـدان ومحمـد وغـازي = وأبو غانم شوق من نهده منـزي
خص ربعي كلهـم دون امتيـازي = من لقيته قبل الآخر لـك يفِـزي
لابتي أهل النفوس اللي اعـزازي = جارهم يمشـي بنـورٍ مبرهـزي
هم هل الطوله ثقيليـن المـرازي = لابتي ليّه اضـلال ولـيّ عِـزي
يتبعون سعود كنّـه فـرخِِ بـازي = فـي نهـار باللقـا دزِ وكــزي
شيخنا اللي بالمراجل دوم فـازي = يوم خطو الشيـخ للعانـه يكـزي
ماعَلي اخلاف ولانـي بمتـوازي = بس أبي من يمكّـم خـطٍ يكـزي
عدة أشهـر لانكيـف ولامغـازي = مقعدي في جـدةٍ بـس امتلـزي
واهني من واق في روس النوازي = شب ضوه الحطب ماشب غـزي
ديـرةٍ مابـه حديـد ولاقـزازي = ماتقايـس بالمتـور ولاتـقـزي
مبها كود الحبـاري والجـوازي = راعي الصنفيـن لاجاهـا يفـزي
لابتي من الكويت اليا الحجـازي = كل منهم بالمراجـل مـا يهـزي
عن مَحبة لابتـي مانـي بعـازي = يوم أقوله صدق مانـي بمتهـزي

( الشيخ بدر بن هايف بن بداح الفغم الصهيبي )



الشاعر الشيخ محمد بن زيد الفغم الشاعر الذي لاتنقصه القوة ولا تخذله المعاني حيث يرد على قصيدة بدر بن هايف الفغم بهذه الرائعة

راكب اللـي للقمـر ودوه غـازي = يسبق الهاجوس في مشيه ينـزي
ضابطِ ممشاه في خـط الجهـازي = صنعه أمريكا على عـرفٍ يقـزي
ماخذا راعيه في جيـب جـوازي = بقـوة الـذره علـى زره يـدزي
نصه اللي في دروب الطيب فـازي = طيبٍ ماهوب فـي طيبـه تلـزي
عند أبومزيد على اكبار الغـوازي = غير حط البـن حيـلٍ فـوق رزي
طيّب ماهوب فـي طيبـه مهـازي = عن وجيه الربع ماهـو بمتـوزي
يوم بعض الناس طيبـه بالبيـازي = وان بدا بـه لازم عينـه تبـزي
زين شب النـار ماتـوق بغـازي = وسط ربعٍ مابهـم رجـل مجـزي
وسط ربع للعـدو سـم انحـازي = يتبعـون سعـود ضلـع مايهـزي
شيخنا اللي في دروب الطيب حازي = كم حفيـفٍ جابهـا قدمَـه تغـزي
ومن سعى بالطيب في طيبه يجازي = ومن سعى للحرب لعيونه نطـزي
والزبيـن اليـا زبنـا مايهـازي = عندنـا محشـوم بامـان وعـزي

( الشيخ محمد بن زيد الفغم الصهيبي

الموضوع الأصلي: ردية نادرة بين الشيخ بدر بن هايف الفغم و الشيخ محمد بن زيد الفغم || الكاتب: الفغم || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق