ياعرب كل شاعر يحتزم بلحزام

ياعرب كل شاعر يحتزم بلحزام

السلام عليكم

ياعرب كل شاعر يحـتزم بلحزام
ويرفع البندق الي محتشي بلكلام
قربو قربو يا عيــال يالله همـــام
والله الي خلق عبده ومكفول به


اخوكم / ضيف الله بن شايع بن مداوس

الموضوع الأصلي: ياعرب كل شاعر يحتزم بلحزام || الكاتب: ابو جراح || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

وراكم يا الربع مافيه احد وده بلعب

حياك الله يابوجراح

صح لسانك ولاهنت

لكن هذا الموال وين الطاروق الله يعافيك

متابعين

انا اسف والله يا الربع بس المفضل عندي لعب المواويل بس دامها ماهي من رغباتكم هذا الطاروق

ياعرب كل شاعر يحتزم بلحزام
وبرفع البدق الي محتشي بلكلام
قربو قربو ياعيال يا الله همام
والله الي خلق عبده ومكفول به





ياشباب العبو والعلم غانم كل شاعر على المعنى تغنا
لابغيتو لعب فالعب والم وكل شاعر حجزله فالعياده
مير انا ياعرب ماني بضالم كل شاعر يولع من وقدنا
جبتها يا صحيبي بكف سالم والعلوم الحسينه بلشهاده

العب يا عيال على الطاروق الطويل االي ما يعرف الحن يدخل اليوتيوب ويكتب المعنى لعبه مع خلف بن هذال

يالربع اذا تاخرت بارد فهذا لاختلاف الوقت بينا وبين السعوديه لاني باستراليا
تقبلو تحياتي / اخوكم ضيف الله بن شايع ال مداوس

.


.


طيب طيب

صح السانك وانا متابع


والليل يا شعاار !!

صح لسانك=

حياك الله يا ابو جراح

بس الطرق هذا مايصلح علا موال مير نبا نلعب معك فيه:

مرحبا فيك ياشاعر تصوغ البيوت = والبيوت الجزيله روحها ماتموت
مير حذرا عليك العلم يمكن يفوت = والله الي خلق عبده ومكفول به

مرحبا بشاعرن جاب الغنايم من ديارن بعيده عن وطنا = سلعتك مالها شاري وسايم مير انا جيت من كثر القراده
كم فحلن قبل جاب العظايم من بيوتك غدا الليله مثنا = مير انا جيت ابا سجل قسايم في رجل ماعرفنا وش بلاده

يا جماعه الي يروح لستراليا يقول لبو جراح :


تراك تئخرت علا راعي المغاتير

وشكرا .

صح لسانك ياراعي المغاتير وتراني موجووووووووود ياراعي المغاتير يوم تقول اتاخر بس جالس اكتب الرد وبيني وبيك ثلاث دقايق

العب من غير موال الغ الموال كان ما تبيه



لا بغيت الحكي ولم لك من الكلام
واحسب حساب هرجك لا تجيب العدام
ولا تناضر علو راسك بتلقا غمام
والله الي خلق عبده ومكفول به



سلعتي ماشراها كود فارس من صطامه على البيده تعنا
مير بعض العرب ماهو بشاري دونه سيوف فريس القياده
الفحول وسومها ماتبين ياصحيبي ترا هذا وسمنا
مير باقي حوير ماوسمناه لين نطرحه ونجيب العواده

ابو حراح حياك الله
ان بغيت اتحط بين كل بيت وبيت موال ترا يصير العب علا الي يريحك يا طويل العمر

لابغيت الحكي جبت الصحيح = يومك انته توقف ثم تطيح
اما جيب الغطو ولا استريح = والله الي خلق عبده ومكفول به

والبقى يوم ذا الشاعر نساها لاجهلتو ترانا ماجهلنا = بنصحك يا العميل اسمع نصيحه اترك السيف ثم خذلك وساده
الحوير صعيبن منت حوله ماوسمته مدامنه زبنا = وسمكم مالقيته فنياقي ماوسمتم ولا حتى جراده