شاعر نسيناه

شاعر نسيناه

شاعر كبير ويعتبر من شعراء مطير لاوائل وهو جد احد الشعار معنا في المنتدى

وهو معدي الزعبوط الديحاني

اترككم مع قصيدته في مدح فيصل الدويش

يقول الشاعر معدي الزعبوط رحمه الله في مدح فيصل بن سلطان الدويش:

الله من قلبن من الضيق مشحون=مثل الصميل اليا انشحن وانتثر ماه
ايضا وعيني دمعها غرق النون=وعزي لمن صار البكا راس جدواه
بكيت مثل اللي مجلا ومديون=باع الحلال وباقي الدين مااوفاه
ذكرت دوشان على العلم يمضون=سكن الخلا لوهو مخافه ومضماه
واذكر مطير اللي لهم فن وفنون=حماية الصمان من كل مجهاه
اللي ليا قالوا جوابا يتمون=قول وكيد وكل الأمات تدراه
وواصل مخلية الحرابه يجضون=حوفان وظفور على الخيل ورماه
اليا سمعتهم وسط المجالس يهرجون=قالوا هذا غاره وهذا هجدناه
وهذا صباح يوم الأمه يصلون=يوم كل بحسن الحمد يقراه
شيخ على صفق الأجانيب مفتون=ياقو صفقاته للأجناب قواه
لا شاف لمات العرب تقل مجنون=صفق هذولا ثم رد لهذولاه
من جيلنا التالي الا جيل هارون=والله ماشيخ يسوي سواياه

ومن قصائد الشاعر معدي

يقول الشاعر معدي الزعبوط:

ياطارش منّا تجيب علوم=سلم على مطير العصاه
قل يامطير ديرتكم لفوها قوم=جاها السبيعي وخدناه
أما احتموها لاتجون رخوم=والا جوزوا من تال الحياه
لازم عليكم لازم ملزوم=تجون مع وقت الصلاه
والى ألتفت بالسبق الحثلوم=في مقعده طش العباه
من يوم راح الأشقر الصاروم=كل بغى الدار ونواه

وقال الشاعر معدي الزعبوط

في حرب مطير والعوازم رداً على احد شعار العوازم

في حرب النجيره

كونك اللي كنت ماغنى بشيره=ثاربه هايف وقرمين العيالي
مع غباب الكون صبحكم ثويره=مثورن حرصن على ذبح الرجالي
جوك علوى كنهم زمل الجزيره=وواصل اللي تقطع السرح الموالي
ياخشير الذيخ جيت لنا حجيره=لا تمدى للجنوب ولا الشمالي
كل يوم وحن ندير بك البصيره=لايجي قلبك من الهاجوس خالي
جمعكم مع جو خوازن منيره=وصيهد الجبجوب فيه الدم سالي
كم هنوف خربوا ربعي حجيره=عقب نومه بالسقايف والظلالي

الموضوع الأصلي: شاعر نسيناه || الكاتب: جزاع الجبلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

الله يرحم الشاعر الكبير معدي الزعبوط الديحاني وهو من عمالقة شعراء قبيلة مطير.
ودائما تمتاز قصائده بقوه اللفظ والمعنى.
و مثل مايقولون من خلف مامات.
فأبنائه وأحفاده فيهم الخير والبركه.

الأخ جزاع شكرا لك على نقلك لأبيات شاعرنا الديحاني الله يرحمه.
وشكرا لأختياراتك المميزه.

شكرا على

المرور يابعيد الهقاوي


وعلى فكره الشاعر معدي حفيده شاعر معانا واسمه جاسم المطيري

نتمنى انه يزودنا بقصائد الشاعر معدي

وشكرا

بارك الله في شاعرنا جاسم المطيري و عساه إمتداد

لجده أحد شعراء مطير المعروفين لاشك

و بيض الله و جهك يا جزاع علي هذا الوفاء

الغير مستغرب من أمثالك تحياتي للجميع

تسلم اخوي اخو حصه


ولاهنت عالمرور

شكرا لكم كلكم على المرور

جزاع مشكور طال عمرك على تخصيص موضوع لجدي رحمه الله



وانا اشكرك من هذا الصرح


وابشر فالجاي




لي عوده يالقرم


المحب

معدي الزعبوووط
شاااعر جزل ومميز
رحمه الله علييييه

وجااسم
إمتدااااد للروعه....................
بإذن الله

جزاااع لفته جميييله منك
وإختياااااراااات مميزه
دليل ذووووقك
دمت بهالتمييز

اخوي جاسم

لاهنت عالمرور وانتظر العوده


تقبل تحياتي

جمرة مطير

لاهنتي عالمرور


وتقبلي تحياتي