رحلتي الى الاردن / علجون / حدائق ملك البحرين /العقبة / الرويشد

رحلتي الى الاردن / علجون / حدائق ملك البحرين /العقبة / الرويشد

السلام عليكم ورحمة الله وبركاته

اولن اشكر القائمه على الموضوع وصاحبة الفكره العضوه المميزه ( قمرهم)

انا اول ماقريت الموضوع عجبني وحبيت اشارك فيه

راح تملون من الصور لنهم واجد

سالفت التقرير السياحي بدج فيها <-- هههههه

بس الله يعين


اتشرف ان اضع لكم صوره لوالدي اطال الله في عمره ... تركي بن علوش بن لامي
وهي حين اتاني زياره في المملكه الاردنيه الهاشيمه وبجانبه الاستاذ المعاصر
أستاذ / غازي خشرم الاستاذ الذي درس والدي اخر مرحله في الابتدائي
ودرسني انا مرحله الابتدائيه كامله

ملاحظه : أغلب الصور نزلت بحجم كبير مو راظيه تصغر وياي ياليت لو المشرفين يقدرون يصغرونها يكسبون اجر


اليكم الصور



وهذي صوره ثانيه بنفس المكان والمكان يبعد عن عمان تقريبأ 70 كيلو




بعدها بكم يوم رحنا انا والشباب لعجلون بعد ماذكرت لهم من طبيعه حلوه وقررنا نروح يمها وهذا بدايه الطريق لعجلون



وهذي صوره من جبال عجلون قبل ان نصل للمقر الي رايحين له



وهذي محميه الغزلان بعجلون



النبع الي بعجلون وفيه ثنين من الشباب باينين بالصوره وأمانه المياه فيه احلى من المياه المفلتره الي يبيعونها



وهذه صوره اخرى للنبع ونفس الشباب الي موجودين بالصوره الاولى ويظهر اخونا عبدالعزيز الديحاني بيده فاكهه التين



وبعدها بكم يوم توجها لحدائق ملك البحرين في الاردن وتقع على طرق مطار الملكه عليا الدولي وتبعد عن عمان تقريبأ
من 30 كيلو لـ 35 كيلو
وهذا الصوره اول مداخلنا الحدائق



وهذه بعد النزول بالحدائق وبعد ترتيب القعده



وهذه صوره بعد ماتحركنا بعد الغدا ونزلنا في هالفيظه الخضرا صوره لسيارات من بعيد



من اليسار سلمان صاهود بن لامي وبالخلف عبدالعزيز ندا ساري الديحاني
طبعن الخضار طيرنا من الوناسه وفيناها وتمنينا ان الشمس ماتغيب وكل ماتفرغنا رحنا بها وتغدينا بالخضار هذا ورجعنا

وهذي صوره جماعيه قبل لا نتحرك للفندق
من اليمين عبدالعزيز بن فويهد الجبلي العضو براك السهلي .. خالد اليامي ..سلمان صاهود بن لامي وبالخلف
عبدالعزيز بن لامي



وهذه الصور في منطقه العقبه وهي عباره عن شاليهات وفنادق على البحر وهي احد مناطق الاردن السياحيه الجميله
وفيها مناظر للبحر جميله جدأ مثل ركوب القارب والقارب فيه حزء من ارظيته قزاز شفاف تشوف البحر تحتك والاردني الي كان يتجول فينا ورانا دبابه حربيه في قاع البحر حوالي سبع امتار بس لوني مصورها ماراح توظح عدل كتفيت بالمناظر هذي وهي تبعد عن عمان تقرين 370 كيلو متر وهذي الصوره التقطتها من بلكونه الفندق



وهذه صوره بعد من البلكونه من جهه اخرا

وهذه ايظن صوره من جهه اخرا
التقطتها قبل لا اروح الدوام وكان الجو غيم وبرد تصل درجه الحراره 1

وبعبد مارديت من الدوام شوفو الجو شلون كان والثلج طبعن اذا نزل ثلج بالمنطقه جميع الوزارات والدوامات من ينزل
الثلج تعتبر بجازه من الملك يعني ثلج وأجازه <-- يالسلام



في الجو هذا تحلف محد ببيتهم الشوارع زحمه والناس تلعب بالثلج وهذي ناس تلعب بالثلج التقطتها وانا بالسياره
طبعن الحركه بالسياره صعبه اذا لم تكن حذر <-- بغا يروح بكذا حادث بس ربي ستر




هذي رحله الاسبوع الماضي كشته على مقناص وحركنا من عمان متوجهين لمنطقه الرويشد وهي تبعد عن عمان شرق
تقريبن 380 كيلو ولمى وصلنا الرويشد لقينا الرجال الي متفقين معه على انه يدلنا ومعاه السلاح وطلعنا من الرويشد
متجهين لحدود عراق السعوديه وكانت تبعد عنا مراكز سلاح الحدود العراقي 8 كيلو يعني باليل نشوف مراكزهم
هذي صوره اول ماحركنا من عمان بالسياره
من اليمين الاخ فهد السهلي وبالنص نايف المطيري ومن اليسار عبدالعزيز بن لامي



وهذي صوره للعضو عزيز بن لامي مشتطط يدور الصيد



وهذي صوره لخونا نايف المطيري راح يجيب الصيده طاحت بنص الخبرا وهو مشتط الاخ وجا راعي الجيب الاردني
الي متفقين يطلع معانا وتعداه بالسياره وجاب الصيده <-- راح تعبه خساره
وهي خبرا الدبادب بالاردن تقع على الحدود الاردنيه العراقيه والسعوديه وتفاجئنا بطولها
من طولها وذا وقفنا في الجهه الشماليه ووقفو خويانا بالجهه الجنوبيه مانشوفهم صفرنا عداد السياره قلنا نبي نقوس
طولها طلع لنا 4 كيلو و 600 متر



طبعن ماقرزت على اخونا نايف دشينا عليه بالسياره وقعدنا نطرده وهو بنص الخبرا <-- اتوقع حقد علينا هههههه



طبعن ماقصر راعي السياره داش الخبرا ودرايش السياره مفتحه ونقع علينا الكشنات من الماي لدرجه انا وضعنا
فرانا على الكشن عشان نقعد ومانملي ملابسنا بالماي



وهذي صوره لي يعني مادري عن الكامره <-- على قولت الاخوان حركات بركات



ربي ماوفقنا بالبط الي كنا عانين له بس عن خاطرنا صدنا هالي تشوفون



والله مدري وش اكتب تعليق عنها بس اليكم الصوره





وهذي صوره الصيد على السياره طبعن كلها بخبرا الدبادب





أخيرن اتمنى تنال أعجابكم الصور الي وضعتها بس لون الحجم اصغر اكيد بتطلع احلا بس اني ماعرفت شلون اظبها
كل موقع تطلع لي نفس الحجم الا بعض الصور

أكرر الشكر لصاحب الفكره وأتمنى الفوز للجميع


أخـوكـم / عبدالعزيز بن لامي

الموضوع الأصلي: رحلتي الى الاردن / علجون / حدائق ملك البحرين /العقبة / الرويشد || الكاتب: عزيز بن لامـي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

تم اغلاق الموضوع من قبلي .. لتصغير الصور

السموحه لحين تضبيط الصور <

عجيبه هالصوره تنفع لتوقيع

^ _ ^

تقرير رااائع يااخوي عزيز

وبجد ابدعت

موفق ياااااااااااااااااارب

ابو تركي ..

أبدعت في هذا التقرير وفالك الفوز ان شاءالله ..

والشكر موصول اللى الاخ فهد اللويمي علي تصغير الصور .. بيض الله وجهك يا فهد


فالك الفوز يا عبدالعزيز

التقرير مميز جداً ........ والاردن ساهمت في نجاحه كثير << عاد عندنا ماكو أردن << وديرتنا نتـوفــه


والفوز~~> حليفي وخليفي ونصيري ومنصري وناصري بإذن واحد أحــد


وراح اسلم التقرير أخر وحده ........ عشان اطور من تقريري وادعمــه بصـور مميزه أكثـر


ومــوفــق يا عـزيـز

الله يعطيك العااافيه ياعبدالعزيز على التقرير
المميز وفالك الفووز ان شاءالله
ومشاءالله عليك ابدعت بالصووور
لاهنننننننننننننت

تقــرير ممــتع وور راائـع بجد

موفق يا عزيز .. وفالك الفـووز :d

أولا : أطال الله في عمر والدك ومتعه بالصحة والعافية,ودائما الرحلات إذا كان فيها الوالد تكون رحلات ماتنسى.

ثانيا : أتمنى لك التوفيق وشد حيلك ’ وأسأل الله ان تحقق طموحك الذي تسعى له’ وأتمنى ان تنال الدرجات العلياء في الدنيا والآخرة.

ولاأنسى أن اذكرك بأن الغربة هي مدرسة الحياة’ ففي أي مكان تغترب به حاول ان تجعل منه دروسا تستفيد منها ’ وأيضا تكون إتساع لدائرة المعرفة سواءا من المناطق أو من الأشخاص’ وأوصيك ونفسي تقوى الله بالسر والعلن وهي خير وصية.


رحلة رائعة وممتعة وأحسست بأني قريب من هذه الرحلة وتعمقت وكأني أحد الإخوان المرافقين,

وأعتقد بأنها رائعة جدا’ وستنال إعجاب الجميع ’ وفالك التوفيق إن شاءالله.

اقتباس: المشاركة الأصلية كتبت بواسطة بعيد الهقاوي     أولا : أطال الله في عمر والدك ومتعه بالصحة والعافية,ودائما الرحلات إذا كان فيها الوالد تكون رحلات ماتنسى. ثانيا : أتمنى لك التوفيق وشد حيلك ’ وأسأل الله ان تحقق طموحك الذي تسعى له’ وأتمنى ان تنال الدرجات العلياء في الدنيا والآخرة. ولاأنسى أن اذكرك بأن الغربة هي مدرسة الحياة’ ففي أي مكان تغترب به حاول ان تجعل منه دروسا تستفيد منها ’ وأيضا تكون إتساع لدائرة المعرفة سواءا من المناطق أو من الأشخاص’ وأوصيك ونفسي تقوى الله بالسر والعلن وهي خير وصية. رحلة رائعة وممتعة وأحسست بأني قريب من هذه الرحلة وتعمقت وكأني أحد الإخوان المرافقين, وأعتقد بأنها رائعة جدا’ وستنال إعجاب الجميع ’ وفالك التوفيق إن شاءالله.

أرحب يالمستشار

الله يجزاك خير طال عمرك صدقت الرحله مع الوالد ماتعوض

والله يجزاك خير على هالدعاوي والنصايح الي اعتبرها من اخو كبير يبي مصلحه اخوه الاصغر

انربط لساني لشكرك وتقديمك للنصائح والمفيده وأبشر يابعيد الهقاوي عزيز عند هقوه الي هقو فيه


اهم شي نالت على اعجابك ونشالله تنال عجاب الاخرين

اتمنى الفوز والتوفيق للجميع

سعود بن لامي

أشكرك يامراقبنا على تسكير الموضوع لين تعدل <-- لو ماتعدل تعقد