( صوت ) متعب التركي / ( صدى ) فهد السياري [ نادره !! ]

( صوت ) متعب التركي / ( صدى ) فهد السياري [ نادره !! ]

ذات يوم أفتقد الشاعر/ فهد السياري زميله وأخيه الشاعر/ متعب التركي
بسبب التزامه وهجره للشعر والنشر فقام (فهد) بالأتصال على (متعب)
ليسأل عنه وعن أحواله مما جعل قريحة الشعر تتفجر لدى الشاعر:
متعب التركي ليرد فهد السياري عليه
إليكم هذه الجواهر.


( صوت ) متعب التركي





ما كنت متصوّر حضور الـذي غـاب
واثـر الطريـق المـر لازال سالـك
لين اتصل فيني (فهد) عرب الانسـاب
رجلٍ ليامن طـاب لـك طـاب فالـك
قالوا على الهاتف وليته على البـاب
بعض العـرب ودّك تشوفـه قْبالـك
تجيـه وتـروح بْحفـاوه وتـرحـاب
لـو مـا تميـل لّمعرفتـه استمالـك
كم لي سنه مقفل على الشعر الابواب
واليوم غصب اجتاحني مـن خلالـك
البارحـة صوتـك حزيـنٍ ومْرتـاب
وانا خشيت اقسـى عليـك بْسؤالـك
طروا عليك اللي مـن ايـام غيّـاب
واشتقـت يمكنّـك لشوفـة عْيالـك
وإلاّ ان ضنّك في بعض هالعرب خاب
وانهـد لـك حلـمٍ يعيـش بْخيالـك
واظن سالف ذكرياتـك هـي اسبـاب
شـرودك الدايـم وضيقـات بـالـك
لنا على الماضي مشاريـه وعتـاب
حزيـن لكـن نعشقـه رغـم ذلـك
وبيت القصيد اللـي يقولـون جـذّاب
مبطي وانا اشوفـه حزيـن مْتهالـك
(يابو محمد) عارض السالفـه شـاب
حمّلت نفسك شـي فـوق احتمالـك
لوّحـت للمركـب وناديـت الاحبـاب
وقلبك غدى مرسى لمن عاف جالـك
جنّب ولو مالك عن الـدرب مجنـاب
تعـوّض اللـي راح باللـي بقـالـك
وإلاّ انت عندي (يا فهد) غير الاصحاب
شعري لحاله وانـت عنـدي لْحالـك
هذي مشاعـر ود تقديـر وأعجـاب
خذها تـرى مـا عنـدي إلاّ حلالـك
لو ما انت غالي ما حضر هاجسٍ غاب
ولاشـرّع ابـواب القصيـد اتصالـك
قلته وانا قلبي عـن الـوّد قـد تـاب
في خاطـري كلمـة ولا قلتهـا لـك
توّجـه لْـربٍ غـفـورٍ ووهــاب
هو وحـده العالـم بْحالـي وحالـك




( صدى ) فهد السياري




وانا بعد ما كنت اقـول أنـك مْثـاب
والناس مـا قهويتهـم مـن دْلالـك
ابطوا على بابك ملاهيـف واغـراب
وعشيّتهـم والليـل والوقـت حالـك
يامن حسبني دون الادنـى والاجنـاب
الله يمتّـع بـك ويحسـب جـلالـك
طوّقتني بالطيب واسمـك والاعجـاب
واحرجنـي الباقـي لعـل البقـالـك
وانا بطبعي للوفا ما البـس اسـلاب
لو دون حوض العز حوض المهالـك
لو مالي بْشـرواك بالظـن مطـلاب
لاشك اعرف المـاء تجيبـه حْبالـك
يا روضٍ اجدب حيل واطول بالاجـداب
لو ما انت غالي قلت مالـي ومالـك
يوم الشعور اخضوضرت فيه الاعشاب
واحيا هشيم الجـرح زيـن الممالـك
لا تتركـه يكفيـه غيبـه وغـيّـاب
اطلـق سراحـه لا تكـون مْتمالـك
نادم به اللي مثل شرواي مـا طـاب
خذ اجره وشعره وهـي كلهـا لـك
الشعر كـان مْرافـقٍ لـك ونجّـاب
ياما قعدت مْن الحنيـن وْعـدا لـك
والشعر كان مْقـربٍ منـك ومْهـاب
يا شيخ مـا يفتـى وبالـدار مالـك
يوم اذكرك تعرض من الغيد الاشبـاب
ايامـك اللـي قـد مضـن وْليالـك
تلعب بالالفاظ وتلاعـب بالاعصـاب
والمفـردات تْطاوعـك فـي مجالـك
أحس بالغربه عن الشعـر وانصـاب
واقول يا عذب الشعر وش جرالـك؟
رضيت به حتى تهاوى وهـو شـاب
ونثر الشعر صار العوض في جْزالـك
حتى زمانك غارسٍ في الشعـر نـاب
وكلٍ يقول اركد وش اللـي غدالـك؟
واليوم انا راجيك يوم الشعـر هـاب
لا تخـذل الـلـي دوّرك والتجـالـك
لوما تعدّه مـن بنـي عـم واقـراب
عدّه على شاني من اقصى خوالـك!!



وسلتمّم ..

الموضوع الأصلي: ( صوت ) متعب التركي / ( صدى ) فهد السياري [ نادره !! ] || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

صح لسانك ولسان الشاعرين
ويعطيك العافيه ياسعود بن لامي
>>تحياتي

صح بدنك يالغلا ...

يعافيك يالقعيمي


تحياتي لك

صـح آلسآن الشـآإع ـرين وتسـَلم يآإبـو ع ـزيزه

صـــح لسانــــك
ياسعود بن لامي
ولاهنت على الأبداع والتميز

لاهنت ياجبلي علي ردك الكريم


تحياتي لك

صح بدنك يالغلا

ماتميزت الا بكم وفيكم نتميز <- مقوله خطيرهـ علي فكرهـ

مشكووور اخوي سعوود بيض الله وجهك
عز الله انك امتعتنا في هالنقل الغير متوقع واللي نشفق عليه دايم

تحياتي ALMajh00L