|
|
 |
||||
 |
 |
 |
 |
 |
|
|
|||
 |
 |
 |
 |
 |
 |
 |
 |
.::||[ آخر المشاركات ]||::. |
|
|||||||
 |
 |
 |
 |
|
|
أدوات الموضوع | انواع عرض الموضوع |
|
#1
12-10-2007, 01:00 AM
|
||||||||||||
|
||||||||||||
سبحان من سوى الأوادم من الحور محمد خلف الخس
الشاعر محمد بن خلف الخس المطيري أو البستان كما يسميه الملك عبد العزيز احد كبار الشعراء في الجزيرة العربية وصاح روح مرحة وقد أشتهر بكثير من قصائده الغزلية الجميلة وقد سمعت له شريط كاسيت ذكر به بعض قصائده الغزلية ومناسباته بكل صراحة فإليكم ماقال : يقول عند قصيدته التي مطلعها يقول هذي بنتٍ كنت أكشخ عندها وهي تقول ابيك وانا والله نافعتني قولت أبيك لو انني داري انها تكذب على . وكان عند أهلها صبي يعرف مابيني وبينها من موده وفي أحد الأيام رجع الصبي للبيت لان اهلها جايينهم ناس من جماعتهم يخبرونهم بربيع بالصمان ويمدحونه لهم ويبون يشدون الصبي يوم جاء للبيت لان البنت جالسه مع أمها وخواتها على ضو نار الذبيحة وكانت هي معها عود بيدها تلاحق النار فيه وبطرفه جمره فقال لهال الصبي . يافلانه لعيون محمد الخس انك تكوين يدك بها العود قالت بس بالعود إلا بالنار كلها فغمست يدها فالنار وفي الصباح نفطت يدها من اثر حرارة النار.يقول وقابلتها بعد ذلك عند البل وقالت لي الذاهبين ـ يعني العرب ـ يبون يشدون ـ يقول يوم شفتها لين الله مصورها صورة عجب فقلت هذه القصيدة
سبحان من سوى الأوادم من الحور = أنا شهد ان الله هو اللي يسوي زول ٍ خلق من نور وبخدته نور = نور من الخالق ماهو نور ضوي أدعج غنج خده به الملح منثور = تقول بدرٍ بان بفتوق نوي وعيون تذبح بالهوى كل منعور = سود ومضاليلٍ على القلب سوي نيشانهن رمانت القلب ياسرور = وحرابهن من دم قلبي تروي هو مسرفٍ فيه وانا فيه مجبور = حبه ملا قلبي وجوفي وجوي من زود حبه كن كل البني عور = لا غاب عني قمت ادوج وأهوي أبو جديل اشقر على المتن منشور = يا هني من بيديه فيه أمتلوي أنكان شدوا يم وسمية الثور = واحسرتي لا قالوا البيت طوي وان مت من مركوز الأنهاد معذور = اللي عليه هالزمان امتكوي ولوهو عطاني صاحبي كبر الأظفور = قلت الدوا منك ، وعلى الله بروّي يقول وفي يوم الشديد مريت من قدام بيت أهلها كني أبا اروح يم الناس اللي على البير يسقون حلالهم يقول ويوم تعديت البيت وهي تطلع من خلاف البيت وتشر لي على قلبها . قلت منهو له : قالت : لك قلت واللي محجرينه : قالت أبوهم بعشرين ضو فخرجت أمها ورأتنا ثم قالت لعل عينك للطرفة ما انت بيم الشديد والقامة ثم أخذت عصا تريد تضرب البنت ثم استحت ورجعت . فقلت هذه القصيدة :
بلاه ياهل البيت لا تشلعونه = خلوا عيوني من حبيبي تروى ثم لا تهوزونه تبي تضربونه = جعل اليدين اللي تطقه تكوى جسمه حريرٍ لو تبي تلمسونه = مثل النفل لو تلمسه لمس ذوى غروٍ نياشين الغلا في عيونه = يضحك ويشر لي على القلب جوى يقول هذا لك ولا يقربونه = وأبو الذي يزعل بعشرين ضوى وأنا مليك رضاه ماجوز دونه = قلبي معه بيديه من حيث موى حيث اني افهم ماخفى من ضنونه = وأدري بقلبه من قديمٍ وتوى وأخشى عليه من العرب ينظرونه = أنا أشهد ان اللي مسويه سوى نبنوب موزٍ مايلاتٍ غصونه = عرقه من الجم الزلالي تقوى والخد براقٍ تكاشف مزونه = مثل المشاعل من مقاديم نوى عنق الغزال مخلعاتٍ متونه = والثوب من قفوه عليه يتطوى في خاطري ما فالبشر مثل لونه = مما خلق ربي من آدم وحوى الله على من شد مجمع قرونه = وأكنى عليه وفي رقبته تلوى وتقديري وتحياتي
اخوكـــــــــــــــــم سلطان الجبلي الموضوع الأصلي: سبحان من سوى الأوادم من الحور محمد خلف الخس || الكاتب: سلطان الجبلي || المصدر: منتدى الجبلان الرسمي
المصدر: ::منتدى الجبلان الرسمي::
آخر تعديل سلطان الجبلي يوم
13-03-2008 في 12:39 PM.
|
|
19-10-2007, 08:22 AM
|
#2 | |
|
::عضو مشارك::
|
السلام عليكم ورحمة الله وبركاتة .
الشاعر الكبير محمد خلف الخس نار على علم واي مدح نقوله فيه قليل في حقه .أحسنت الاختيار اخي سلطان مجهود تشكر عليه |
|
|
|
|
27-10-2007, 12:03 PM
|
#3 | |
|
₪ :: إدارة الموقع :: ₪
|
مشاري المعرقبي
حياك الله ........... اخوي شرفني مرورك الرائع ............ لاهنت تقديري وتحياتي اخوكـــــــــــــــ سلطان الجبلي |
|
|
التعديل الأخير تم بواسطة سلطان الجبلي ; 13-03-2008 الساعة 12:32 PM
|
|
27-10-2007, 01:31 PM
|
#4 | |
|
::شخصية هامة::
 
|
نبنوب موزٍ مايلاتٍ غصونه = عرقه من الجم الزلالي تقوى
والخد براقٍ تكاشف مزونه = مثل المشاعل من مقاديم نوى عنق الغزال مخلعاتٍ متونه = والثوب من قفوه عليه يتطوى في خاطري ما فالبشر مثل لونه = مما خلق ربي من آدم وحوى اختيار رائع ياسلطان والابيات كلها اروع من الروعه كيف وقايلها الشاعر الكبير محمد الخس لا خلا ولا عدم |
|
|
|
12-11-2007, 09:05 AM
|
#5 | |
|
₪ :: إدارة الموقع :: ₪
|
بكيفي جبلي
حياك الله ............. اخوي لاهنت على المرور الطيب والمشرف تقديري وتحياتي اخوكــــــــــــــــ سلطان الجبلي |
|
|
التعديل الأخير تم بواسطة سلطان الجبلي ; 13-03-2008 الساعة 12:28 PM
|
|
13-11-2007, 04:05 AM
|
#6 | |
|
::شخصية هامة::
|
سلطان الجبلي // لاهنت ...
وصح لسان محمد خلف الخس |
|
اثر الرياجيل تفرق بالمـدى والعـزوم!!
والطيب كايد ..وحزات المواقف .. (محكّ) احد ٍ على اطرف سبب.. ماعاد يقدر يقوم واحدٍ لو تسكّر.. الدنيا بوجهـه ضحـك
|
|
13-11-2007, 02:57 PM
|
#7 | |
|
₪ :: إدارة الموقع :: ₪
|
سعود بن لامي
حياك الله ........... اخوي ويعطيك الف عافية على المرور المشرف تقديري وتحياتي اخوكـــــــــــــــ سلطان الجبلي |
|
|
التعديل الأخير تم بواسطة سلطان الجبلي ; 13-03-2008 الساعة 12:30 PM
|
|
16-03-2008, 01:15 PM
|
#10 | ||||||||||||||||||||||||
|
₪ :: إدارة الموقع :: ₪
|
جارة القمر اسعدني مرورك ........ اختي لاهنتي ....... ويعطيك العافية تقديري وتحياتي اخوكـــــــــــــــ سلطان الجبلي |
||||||||||||||||||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| محمد خلف الخس .. [ البستان ] | سعود بن لامي | الشعر العام | 8 | 10-01-2009 02:42 AM |
| الشاعر/ محمد الخس | بدر أبو عجرى | الشعر العام | 6 | 14-10-2008 03:41 PM |
| محمد خلف الخس [ بركان الشعر ] | سعود بن لامي | الشعر العام | 9 | 26-07-2008 03:40 PM |
| محمد خلف الخس | الجارح | الشعر العام | 17 | 12-05-2008 08:39 AM |
| سبحان من سوى الاوادم من الحور | سعود بن لامي | الشعر العام | 8 | 14-03-2008 02:37 AM |
 |
 |
 |
العرض العادي
