بليتنـي فـي حـبـك الله يـبـلاك

بليتنـي فـي حـبـك الله يـبـلاك

وين العزا يوجد على يـأس فرقـاك =يوم(ن)يأسـك قـام يغلـب رجاكـا
وقامت شوي شـوي تبعـد مطايـاك =حزم(ن) نبأ دونك وحزم(ن) وراكـا
وهبت رياحً عجهـا دمـدم خطـاك =لين إنمحت برضي مواطـي خطاكـا
وتعسـرت شوفتـك مانـي بـويـاك =عسـر هنـا شوفـك وعسرهنـاكـا
وعزالله إني بالتلاقـي معـك شـاك =ونجمي بـدأ ضـوه يغـور بسماكـا
أنساك لاماانسـاك منسـاك منسـاك =الله ينسـى مـن عرفـك ونسـاكـا
بليتنـي فـي حـبـك الله يـبـلاك =من شـأن نصبـح بالمحبـة شراكـا
ومنك أنت ماجاني منك غير ماجـاك =لكن خديـن النـذل جانـي وجاكـا
والموقف اللي غيبة الشمس ماارضاك =وأبكـاك وأحرقنـي ونبـة هـذاكـا
فرقتنـا مـن غيـر قصدسـوايـاك =والعيـد جبتـه فيـنـا الله هـداكـا
وأقفيت من عندك وأنا كنـي إمعـاك =وكل سحب نفسـة بصمـت ونواكـا
وعلي تخطي لكـن أدمـح خطايـاك =وتزعل وترضى من خـلاك بخلاكـا
وأنا أبخصك وأبخص خوافيك وأقصاك =وهـذا الكفيـل اللـي تكفـل غلاكـا
وبعدي عنـك يازيـن أدركنـي إدراك =ولقيـت عذروجيـت لجلـك نراكـا
جيت بذكاء مااذكاك مااذكاك مااذكاك =ياللـي عليـك الاذكيـاء ماتـذاكـا
مااجملك يالغالي بعينـي ومأاحـلاك =أنت الغـلا وأنـت الحـلا والملاكـا
غير الجمال اللـي ذبحنـي وغـواك =عفيفـةٍ نفـسـك وحـلـوٍ نبـاكـا
ودنيـاي شالتنـي وشالتـك دنيـاك =عقـب السوالـف والدلـع والمراكـا
ولاهي بعينـي شـئ دنيـاً بلايـاك =الله يلعنـهـا ويسـعـد مـسـاكـا
ومسمـوم حبـك ياحبيبـي وفـتـاك =وكـل المشاعـر دب فيهـن هواكـا
مع القمر والريـح وأسـوار وأفـلاك =أنـا وهـن قمنـا نـدور برجـاكـا
وفي كل حين يمرني طيـف ذكـراك =وأجنح معه عبـر الخيـال ومعاكـا
ولايصورك طيفـك علـى ماتمنـاك =وفي طيفك أشياء ماحيه مـن بطاكـا
تلوح لي صورتـك بالطيـف منـاك =وعنـي تلـوذ بسرعـةٍ وارتبـاكـا
ويكفخ عليك القلـب والنفـس تبغـاك =ونفسي وأنا والقلـب قيـك إنشكاكـا
وتشتاق ياالغالـي عيونـي لرؤيـاك =ولو ماعليهـا أمـون يمكـن تباكـا
مالك عوض عنـدي ولامنـك فكـاك =مايفكنـي مــن حـبـك الالقـاكـا
والكبد مايروي ضماها سـوى مـاك =ولامـن ضمـاك ولاهـواك إنفكاكـا
ولوكل عمري ضاع ماادركت لامـاك =أنـا وعمـري كلنـا مـن فـداكـا

الشاعر المبدع / عبدالله بن باتل

الموضوع الأصلي: بليتنـي فـي حـبـك الله يـبـلاك || الكاتب: мя.ĵβĻiŷ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

لا هنت اخوي بكيفي
على القصيده الرائعه
الله يعطيك العافيه
صح السان شاعره
وسلمت يد ناقله

ومسموم حبك ياحبيبي وفتاك=وكل المشاعر دب فيهن هواكا

لا هنت اخوي بكيفي على القصيده الجميله
وصح لسان الشاعر ابن بتال

تقبل مروري
اخوووك الجارح

مطيريه

سعدت بهذا المرور والتواصل الاخوي الرائع

تحياتي لك وتمنياتي لكي بستر من الله وتوفيقه

شكراً

الجارح

حياك ربي يالقرم وحي هالتواصل الراقي

سعدت بك جدا وبمرورك

لاهنت ياجراح

عبدالله ابن باتل

من عمااااااااالقة الشعر الذين سيخلدهم التاريخ

فهو خرافي باختيار القوافي وبقوة المعنى وبإجادة المفردة, وتجد قصائده احيانا من السهل الممتع الذي تتمسع بقراءته او سمعها وتعجز عن كتابة حرف مقارب لقصائده.

سبق وان نقل أخوونا ابو محمد شيئا من قصائده.
ونشكرك أخي بكيفي على امتاعنا بهذه الرائعه.

وأمتعونا بقصائد ابن باتل الرشيدي.

بعيد الهقاوي

حياك الله ابن باتل غني عن التعريف , فكل من يحب الشعر ويتابعه فهو يعرفه

كالعاده يابعيد شغال دعايات ,,

سوا انا او ابو محمد نقلنا من قصائد ابن باتل فنحن نبحث جميعا عن المتعه,

تحياتي لك

كلك ابدآع وذوووق


روعه وصح قلبــــــــــــك عليهآ

لآعدمنآ تميزك

جنون الحب

حياك الله

سعدت جدا بهذا الحضور المميز اختي

لاخلا ولا عدم

بكيفي جبلي


مساء الخير ..... اخي العزيز

قصيدة جميلة جدا وذات قيمة عالية لما تحمل من الصفات

والعذوبة والجمال ..... سلمت وسلمت يداك على الايراد الرائع


تقديري وتحياتي

اخوكــــــــــــــــــ

سلطان الجبلي