صوت مشل الدويش وصدى نايف ابو طفره [ أروع ماقريت ]

صوت مشل الدويش وصدى نايف ابو طفره [ أروع ماقريت ]

يقول مشل الدويش

للشعر مدري للغـلا مـدري لريـم=مدري لطلاّت السحب فـي سماهـا
لبى السحاب اللي غطى الأرض بالديم=ولبى العيون اللـي ذبحنـي غلاهـا
لاسلهمت برموشها كيـف ماهيـم=باهيم فـي بحـر العيـون وحلاهـا
دام الحكي بشفـاه حلـو الترانيـم=وشلون ماأحب الحكي من شفاهـا
لا ماكتبت الشعر عكـس المفاهيـم=لأن القصيد اللي كتبـت إحتواهـا
شاعر غلا وأكـرّم الشعـر تكريـم=لأن الشعر يكـرم ليامـن كساهـا
لحن المساء طعم الشهـد أول الغيـم=عطر الصبا ريح الـورود وشذاهـا
وشعاد باقي للبشـر منـك ياريـم=وشعاد باقي للسحـب فـي سماهـا

يقول نايف ابو طفره الجبلي

نسل الحرار القاطعات الصواريم=اللي ليا هدت تحصل عشاها
من فعلهم كم شيخن اعطى المخاريم=دوشان كان الحرب دارت رحاها
مخرمين قلوب الاعدا تخريم=الشجرة اللي جعل يبطي ذراها
اللي بدع زين التماثيل في ريم=وهيض علي فبيوته اللي بناها
ليه ثلاث اسنين ضميان ومحيم=ومتركن اهل الهوى مع بلاها
لاكن ذكرني علي الملازيم=طرا وعيني جنبت عن كراها
لي صاحبن حالت عليه المقاسيم=اقفى وعيني جابت اللي وراها
عليه قلبي به جروحن مثاليم=قفا ونفسي وين احصل ادواها
ابو قرونن فوق ردفه مجاهيم=سودن على هاك الردايف طواها
والخد براق المزون المظاليم=متبرق مقادمها ويبرق قفاها
حلياه وضحن ماعليها مياسيم=ترعى بضف مطير ربعي احماها
اليا غشى الصمان مزنن مراديم=دهمن اغيومه والنواظر شعاها
تسعين ليله ماشيات المرازيم=وتسع الخباري وبل غيثه ملاها
يخضر عقب وبلن غداله تهاشيم=من مدت اللي كل نفسن ولاها
ترعاه لين يصرم العشب تصريم=وترد الطوال ان كان قيضه حداها
سودن اعيونه يوم سلهم اتسلهيم=شيهانتن عين الشبك في يداها
اقفت اضعونه ماحصلي معاليم=اتلا العهد به يوم كبدي كواها
اهل الهوى بالحب دايم مهاضيم=حال المولع دايمن في عناها
ياطي حالي طيت السيم بالسيم=الحال ولت حسبي الله علاها
الاسم ريم وصفها قايد الريم=وشلون تنسى خيب الله رجاها
امست عروق القلب عقبه مفاطيم=وجفت احروفه عقب طوت ارشاها

دمتم

الموضوع الأصلي: صوت مشل الدويش وصدى نايف ابو طفره [ أروع ماقريت ] || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

لاهنت ياسعود على الابداع في النقل

صح السنتهم.....


ولاهنت على النقل سعوود..

مهاجر


لاهنت علي مرورك الكريم شكرا لك

الجبلي


لاهنت علي مرورك

شكرا لك

صح لسسانهم ثنينتهم ..ولسسانك يسسعووود

وتسسلم يمينك على الختياار الراااائع للابياات ..


لك مني ... خالص الشكر ...

عذب المشاعر


لاهنت علي مرورك الكريم


شكرا لك أخي الكريم //

مشكور يا سعود على النقل والله لا يهينك

وصح السنتكم يا الشعاااار

تحيتي

...

صح لسان الدويش وابو طفرة

كلاهما شعراء متميزين يمتازون بالجزالة.

والف شكر لك على هذ النقل الرائع.

بدر ابو عجرى

لاهنت علي مرورك الكريم


شكرا لك