قصيدة عبيد ناصر ابو حواس ( التحديدية )

قصيدة عبيد ناصر ابو حواس ( التحديدية )

قــال من فلقـيــل هوجــس ثم غنا = ولايقــول الــى كــلامً فــي صــوابة
هاضني ماهاضني والهجس دنا = واسهضـت القــيل وابديــت الاجــابــة
والفخر في سردن ينومسهن طعنا = في نهارا فيه ماتــلبس عصابــة
لامشـــا البيرق ومن حــوله حـقنا = كم حريــبن راح بيــدينــا نــهابــة
ونــنـزل الصــمان غــصبا ماسالنا = والقبايل مــن فعــايلــنا تــهابة
مايــطبه كــود مــن يــمشـي بـمــنا = من سمــحنالله وقــلنا مرحبابـة
ولارعــنا قطــاعــنا مـن غيــر منا = لاكتس الصمان بالعشب وزهابة
مــايجــونه خايفــينن مــن زعــلنا = لازعلنا غيضنا يحسب احسابة
واسئل الــلي خــيلهم كــد طاردنا = خابرينن حرب علوى يــندعابة
ولانــقضنا الجزو بالصيف وعزلنا = واقتــرب العــد في طــرف اهضابة
العــدود اللـي كــبارً ويــوردنـا = الغــدير واللــصافه واللـهابة
ومــن شرا البــاطن لساقان ولبنا = مــــن بغا منهــن قلــيلا واذهابة
ومن حــدود المهد لــقريــه وطــنا = محتمينه من بعد عهد الصــحابة
محـــتمين اطــرافهن مــنا ومنا = بالحقــوق وبالســلوم وبالحرابة
وبـــين اشــر اعــباد ربي كد نزلنا = واحـــتمينا الــدار مــن كــل الذيابة
من جــنوب سبيع باقصا العرق منا = عارفيــــنن حـــــدهــم مــابه طــلابــة
الــــــبيوت اللــي تغـــنا يشــــهدنا = حـــدده عــجران يومه ماغوابة
مـــحتمــين حدهــم عــــنا ومــنا = بالـــسيوف اللي تعدي من سقابة
مـــن حــربهــم في منامه ماتهنا = زبنـــي الله حــقهم مايـــنحكابة
وشــرقنا العجمان مزبان المجنا = لابـــتن وقـــت اللــقا فيــهم صـــلابة
ماضــيات افــعالــهم مايجـــحدنا = ولا يـــغطا حســبهم فــي كل بابة
الــوقايـــع والفــعايــل يشــهدنا = من حربــهم طــاح في غــصن النشابة
مير حدهم من رجم بذال يتـثــنا = وحــدنا مــن حــدهم كــلا درابــة
ومن شمال ديـــار قوما يعـرفنا = لابتـــين حــدهم مايــنوطابــة
شمر اللـــي حربــــهم مايـنتمنا = لابـــتن مشــهورتـن ياوي لابة
هل ســـــيوفا بالمعارك يجزرنا = طوعن بعض القبايل بالـــــغصابة
الطــــنايا حـــاددونا ما زعــلنا = والظفيري جعل مــاهو مرحبــابة
الظفير اللي مـــغازيهم يـــجنا = لو سموم القيض حامن في ســـرابة
وخـــيلهم مع خيـــلنا دايم تعنا = وبيننا المكـــسور مايجـــبر صوابة
واحتدانا مابـــها حجـــيا وضنا = بيننا الـــباطن حـــدودن يعــتنابة
وغرب عبدله رسوا بديار اهلنا = واحتموها من سليم ومــن شبابة
من جموعا للحريب اليا ازبرنا = جرعنه علقــــمن مــرن شـــرابة
والوســـط فيه البريهي مـــتونا = بكل صوب فاتحن للـــحرب بـــابة
مير احتمينا الدار مايومن غفلنا = كل يوم والسيف ممسوكن انصابة
لين جان الحكم واولينا وامــــنا = واهتــــنيناالـــزاد مــع لذة شرابة
نعـــمتن ماتنـــجحد راحــت بدنا = وجعل حكم غـــــيرهم مــــانـــبتلابة
ومانبا الدستور واحكامه يجنا = وهل الحـــزاب وكـــلاب العــصابة

وتقبلوا تحياتي
طقها ولحقها

الموضوع الأصلي: قصيدة عبيد ناصر ابو حواس ( التحديدية ) || الكاتب: طقها ولحقها || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

طقها والحقها

لا هنت والله يعطيك العافيه على نقل القصيده ..


قصيده وافية وضحت حدود مطير مع باقي القبائل ..


والله يرحم شاعرها ابو حواس ..

تحياتي لك

اقتباس: المشاركة الأصلية كتبت بواسطة < الصدقي >     طقها والحقها لا هنت والله يعطيك العافيه على نقل القصيده .. قصيده وافية وضحت حدود مطير مع باقي القبائل .. والله يرحم شاعرها ابو حواس .. تحياتي لك

الصدقي لاهنت ويشرفني مرورك الغالي

والله يرحم ابوحواس ويتجاوزعنه انه سميعاً مجيب

وتقبل تحياتي وتقديري