(ماعاش من يخليك خادمة يا يمه)

(ماعاش من يخليك خادمة يا يمه)

*يـا ليتنـي خدامـة بيـن اياديـك .. من شان اشوفك كل يوم برضايـا*


(ماعاش من يخليك خادمة يا يمه)


هذي قصيده مؤثرة

لأم تشكي حالها بعد ان وداها ولدها (الله يهديه) للمصحه (دار العجزه)
او كما يقااال ( دار النسيان)

والبيت أعلاه يبكي حتى القلب القاسي


اترككم مع القصيده
.
.
.
.

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا



(حسبي الله ونعم الوكيــــــــــــــل)
الله يكون فعونها آميــــــــــــــــن

الموضوع الأصلي: (ماعاش من يخليك خادمة يا يمه) || الكاتب: بنت مطير || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

قسم بالله اني بجيت ودموعي خلاص مااقدر اشوف الشاشه .... قصيده قطعت قلبي ...

حسبي الله ونعم الوكيل هذي اخر التربيه ...

يارب خليلي ماما واحفظها لي ...

تقبلي مروري غاليتي .. ودمت بود ..

عساج ماتعرفين الدموع ياغلاتي

حسبي الله ونعم الوكيل فيه

يسلمووووو على المرور خيتووووووو

حسبي الله ونعم الوكيل
..... واسئل الله ان يهدي
كل عاق الى طريق الصواب
قصيده رائعه ومعبرة اختي بنت مطير
تشكي واقع الحال عند بعض الناس
لاهنتي على النقل الجميل

آمين يااااااااارب

يسلموو اخوي سعود على المرور

دمت بود

بنت مطيير

أتمنى هالقصييده تصحي قلوبنا ومشااعرناا ونلتفت لجنتنا وناااارناااا؟؟

بهالزمن الأقشر؟؟
زمن نفسي وبس؟؟؟

الله يكفينا الشر ويتوووب عليناااا
وتطول بعمر امي وتعااافي أبوي
يااااااااااااااااااااااااااااااااااااااااااااااااا ااااااارب
شكرا
على هالطرح الإجتماااعي
يابنت مطير

آآآآآآآآآآآآآآآآآمين يا جمرة

وعلى قولتج الزمن هذا نفسي نفسي

محد همه احد

الله يستر من الجيل الجاي اذا هذا جيلنا ويسوون كذا

يسلمووووووو على المرور

دمتي بحب