"من يطاوع شور قلبه يشرب البحر وهماجه"

"من يطاوع شور قلبه يشرب البحر وهماجه"

بسم الله الرحمن الرحيم...كيف حالكم

اتمنى النقد وابداء الاراء على قصيدتي كالعاده وانا اتقبلها بصدر رحب

لا بكى الشاطيء وحزنه كسر من الموج موج=واغرق الملاح دمعه لين تعكر له مزاجه
ويل حالي والمراكب في وسط قلبي تدوج=ويل حالي لا ظميت ولا لقيت الا هماجه
ويل حالي ان سريت وضاقت بعيني الفجوج=والبحر يومي بكفه واشعل لموتي سراجه
عانق امواج الشواطيء حرف في قلبي يدوج=يصرخ بـيـمـال روحي ما بقى بالقلب حاجه
ابني احلامي وصارت شامخه مثل البروج=اصفع الدنيا بكفي باغي(ن) فلة احجاجه
ازرع سنيني وصاله.والدروب العوج عوج=مامشت رجلي بدرب وخايف تبعد فجاجه
اطلق عنان المشاعر من خفوقي بلا سروج=سرجها عند اكحل العينين هو صافي الغناجه
وقتها ماكنت اصدق في مقفين الهروج=لين جا للحلم ريح تسبق الوقت بعجاجه
بعدها وش راح اسوي ان تناسيت النهوج=لا كشخ يوم التجافي اذهل العذال تاجه
اطفي شموع الاشعار واترك الليله تسوج=ولا اضحك كذب واصرخ وقلبي زايد بأبتهاجه
ارسم البركان يغلي والخلايق فوج فوج=والاانسى الحلم كله واترك الناس بلجاجه
ضحكة الايام ضاعت في متاهات الدروج=تسأل العشاق عني عن قصيد(ن) ضاع تاجه
ماعلى الدنيا ملام ولا على الدنيا حجوج=من يطاوع شور قلبه يشرب البحر وهماجه
ولا بكى الشاطيء وحزنه كسر من الموج موج=اعرف الملاح ميت والبحر يضحك حجاجه

وسلامتكم

الموضوع الأصلي: "من يطاوع شور قلبه يشرب البحر وهماجه" || الكاتب: (نمر)بن(جبلان) || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

نمر بن جبلان ..



اررررررررررررررررررررررحب ..



اللـــــــــــــــه .. اللـــــــــــــه


ما هذا !!


تطور وابداااع وتمكن وااااضح ..


صح السانك مليووون والله ولا يكفووون ..


بالنسبه للنقد .. ماعندي شيء اقوله .. غير ملاحظه بسييييييطه !!

ازرع سنيني وصاله.والدرب العـوج عـوج
مامشت رجلي بدرب وخايـف تبعـد فجاجـه

اتوقع بالبيت هذا خطأ مطبعي !!

والدرب = والدروب !!


الى الامام دوماً .. يا " غالي "




..

..

ماعلى الدنيا ملام ولا علـى الدنيـا حجـوج من يطاوع شور قلبه يشرب البحـر وهماجـه
ولا بكى الشاطيء وحزنه كسر من الموج موج اعرف الملاح ميت والبحر يضحـك حجاجـه



الله الله الله


وهذي حال الدنيا كالبحر مالها امان



صح الله السانك يانمر

ابيات رائعه

دمت للمنتدى ودام للشعر هيبته

صح لسانك

ومن زود في زود


ولي عوده

بالنسبه للنقد .. ماعندي شيء اقوله .. غير ملاحظه بسييييييطه !!

ازرع سنيني وصاله.والدرب العـوج عـوج
مامشت رجلي بدرب وخايـف تبعـد فجاجـه

اتوقع بالبيت هذا خطأ مطبعي !!


صح بدتك يافهد وصحيح كان خطأ مطبعي وفيه ايضا كلمه لكن محد لاحظها

وكانت الكلمه " خلايف" = " خلايق "


اشكرك على المتابعه وعلى هالرد المميز..........

انشهد الدنيا مالها امان..صادقه...وصح بدنج والله يعطيج العافيه

صح بدنك يا جزاع واشكرك على هالمرور المميز منك واشكر متابعتك......

ابني احلامي وصارت شامخه مثـل البـروج=اصفع الدنيا بكفـي باغـي(ن) فلـة احجاجـه
ازرع سنيني وصاله.والدروب العـوج عـوج=مامشت رجلي بدرب وخايـف تبعـد فجاجـه

الدنيا اذا ابتسمت يوم كشرت لك سنه ....


ابداع ماسطرت هنا يابن جبلان ... صح لسانك

مافيك حيله ... ماشاءلله عليك ..

عساك على القوه ولاهنت ...

تحياتي ..

اخت القمر

صح بدنج وعسى الله يقويج ويعطيج ألف عافيه اخت على هالمرور........


كلامكم اثلج صدري صراحه وعسى الله يوفق الجميع............

قصيده جميله جداً جداً الله يعطيك العافية على المعاني والحبك الجميل شكرا كل الشكر لك اخي نمر منتظرين جديدك يالغالي ،،،،،،،،،


تقبل مروري اخوك / فلاح الحصيني