مهما يكون الشعور اللي علي بادي =مازلت انا الوارد اللي مانطوى حبله
على القراح الزلالي طال تردادي =اشرب وصدر ضما مدري وش اشربله
امانتك بلغيها كل حسادي =لا غارت الكدش وكحيلان باسطبله
يالاقية خير هاتي العلم للغادي =للي عجز يفرق الشيحه من الربله
ابعدت مالي غرض في ذل مقعادي =بعد الرجل عن دواعي ذله اهيبله
مامشي قبل ماعرف الوجهه بلا قادي =ولا اصلي الا ونا متقبل القبله
يموت انا حاسدي ماياصل امجادي =منها نجوم السما لويفهم اقربله
منزالي النايفه عن حدري الوادي=ورجلاً يجي في مجر السيل ياهبله
انا اول العشر ماني للعشر حادي=مالي ومال افتراض الجاهل الأبله
ان مت مات النبي وبوي وجدادي =وان كان لي يوم ماني ميتاً قبله