مرثية في الشيخ فيصل الـــــدويــــش ..

هذي مرثية للأمير / فيصل بن سلطان بن الحميدي بن فيصل بن وطبان بن محمد بن وطبان الدويش ...

شيخ قبيلة مطير ... وقائد جيش الاخوان .. رحمة الله وأموات المسلمين جميعا ..



الله من قلب من الضيـق مشحـون ـــــــــــــــــ مثل الصميل الى انشحن وانتثر مـاه
ايضا وعيني دمعهـا غـرق النـون ـــــــــــــــــ وعزي لمن صار البكا راس جدواه
بكيت مثـل اللـي مقلـن ومديـون ـــــــــــــــــ باع الحلال وباقي الدين مـا وفـاه
أذكر مطير اللي لهـم فـن وفنـون ـــــــــــــــــ سكن الخلا لوهو مخافـه ومضمـاه
ذكرت دوشان على العلم يمضـون ـــــــــــــــــ حماية الصمـان مـن كـل مجهـاه
اللـي ليـا قالـوا جـواب يتمـون ـــــــــــــــــ قولن وكيـد وكـل الامـات تـدراه
واصل مخليت الحرابـه يجضـون ـــــــــــــــــ حوفان وظفورن على الخيل وعصاه
الى اوحيتهم وسط المجالس يهرجون ـــــــــــــــــ قالوا هـذا غـاره وهـذا هجدنـاه
وهذا صباح يـوم الامـه يصلـون ـــــــــــــــــ يومن كل (ن) باحسن الحمد يقـراه
واذكر حصان حد وهمـه يشوفـون ـــــــــــــــــ والكل منهم ذل مـن مثـل ماجـاه
نحاز الحريب الي كبا كل ممهـون ـــــــــــــــــ يقدى جموع وتورد السـوء يمنـاه
شيخن على صفق الاجانيب مفتـون ـــــــــــــــــ يا بعـد صفقاتـه للاجانيـب بعـداه
الى شاف لمات العرب تقل مجنـون ـــــــــــــــــ يصفـق هـذولا ثـم لـد لهـذولاه
من جيلنا التالي الى جيـل هـارون ـــــــــــــــــ والله ماشيخـن يـسـوي سـوايـاه
مطيـر عقبـه هقوتـي مايعيشـون ـــــــــــــــــ من بان راس الذل من قطـع علبـاه
ياليتهـم عقبـه بنـقـره يمـوتـون ـــــــــــــــــ الموت اخير مـن الحيـاة المهبـاه

للشاعر / معدي بن زعبوط الديحاني ..

الموضوع الأصلي: مرثية في الشيخ فيصل الـــــدويــــش .. || الكاتب: الغفيلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::