يا مل قلب ضيعه كثر الأطماع = وأن الطمع يخر خرابٍ على الطوع
والله يا لولا زرفلة شقح الأقطاع = وأقول أبي آخذلي مع البدو قرطوع
لاقعد بقصرن لا مروع ولا مرتاع = لا هالكٍ ظما ولا ميتٍ جوع
أنا الى شفت الحباري مع القاع = والله ما غبط اللي يصوع الذهب صوع
يا زين هد الطير والنشر منتاع = شرقٍ من المجذا شمالٍ عن الكوع
في مرتعٍ لقليقلانه تمرياع =والرمث تلقى في مثانيه طالوع
في مرتعٍ غلى جاه راع الغنم ضاع = تلقى الجوازي خنسٍ فيه ورتوع
جبلان وان شافوا على الصلب لماع = تغانموا المغباش مع طلعة الشوع
تلقالهم من عند أبا القد مرماع = ما رددوها بعرفج الشق مقطوع