كل عام وانتي بخير يامنبع الخير=في عيد ميلادج بقدم هديه
كل الهدايا غير وهديتج غير =قصيدتن وادري في حقج شويه
فالقلب ياكويت الوفا لج تقدير=اكبر من بحور الشعر يالعذيه
حماج ربي من صدوف المقادير=في ظل شيخن قايدن لسريه
اميرنا اللي مانبي غيره امير=دايم عزومه بالمواقف قويه
صباح ابوناصر زبون المناعير=نفسه على فعل المكارم شقيه
الليا عطا لا مايحسب المخاسير=وعطيته ياطيبها من عطيه
اولي عهده وافين دون تقصير=له بطريق الخير روحه وجيه
نواف اخو مريم كما طويق والنير=يهب نسناسه على كل فيه
أل الصباح بشرع ربي لهم سير=شيوخنا اللي تدمح لكل سيه
وحبيت ابارك بالنيابه عن أسير=وعن شهدانا اللي دماهم بريه
في عيد ميلادج أو بعيد تحرير=مبروك عيدج يالكويت الأبيه
كل الهدايا غير وهديتج غير=قصيدتن وادري في حقج شويه
كل عام وانتي بخير يامنبع الخير=في عيد ميلادج بقدم هديه

الموضوع الأصلي: قصيده جديده للأخ فلاح بن حصيني || الكاتب: جزاع الجبلي || المصدر: منتدى الجبلان الرسمي

المصدر: ::منتدى الجبلان الرسمي::