صبااح الخير
يابو العيون الي هدبها مراييش=يابو الدلع يالي شفاياك ذبله
ياما علي شانك نويت المطاريش=وياما تبعتك شرق والناس قبله ,, !
واليوم كني شفت بالوضع تشويش=شيَ تجمع له العلوم تحسبله
وشعاد لو تزعل علي الدراويش=انا بدويَ راح يتبع هوبله
جرد الرقاب الي وبرها عكاريش=لاربعت قلبي يزين الطربله
ننزلبها في منزلن مابعد نيش=روضه خضر عشبه خزامى وربله
في ليلتن يادي مطرها رشاريش=هذا ربيع القلب عقبه وقبله
لاتحسبين اني عقب فرقاتس ماعيش=من لاحسبلي حاجتي ماحسبله
وشعاد لو بينتي الصد حتيش=لاني بلا عنتر ولانتي بعبله !!