الله من قلبن من الضيق مشحون=مثل الصميل اليا انشحن وانتثر ماه
ايضا وعيني دمعها غرق النون=وعزي لمن صار البكا راس جدواه
بكيت مثل اللي مجلا ومديون=باع الحلال وباقي الدين مااوفاه
ذكرت دوشان على العلم يمضون=سكن الخلا لوهو مخافه ومضماه
واذكر مطير اللي لهم فن وفنون=حماية الصمان من كل مجهاه
اللي ليا قالوا جوابا يتمون=قول وكيد وكل الأمات تدراه
وواصل مخلية الحرابه يجضون=حوفان وظفور على الخيل ورماه
اليا سمعتهم وسط المجالس يهرجون=قالوا هذا غاره وهذا هجدناه
وهذا صباح يوم الأمه يصلون=يوم كل بحسن الحمد يقراه
شيخ على صفق الأجانيب مفتون=ياقو صفقاته للأجناب قواه
لا شاف لمات العرب تقل مجنون=صفق هذولا ثم رد لهذولاه
من جيلنا التالي الا جيل هارون=والله ماشيخ يسوي سواياه

ياطارش منّا تجيب علوم=سلم على مطير العصاه
قل يامطير ديرتكم لفوها قوم=جاها السبيعي وخدناه
أما احتموها لاتجون رخوم=والا جوزوا من تال الحياه
لازم عليكم لازم ملزوم=تجون مع وقت الصلاه
والى ألتفت بالسبق الحثلوم=في مقعده طش العباه
من يوم راح الأشقر الصاروم=كل بغى الدار ونواه

كونك اللي كنت ماغنى بشيره=ثاربه هايف وقرمين العيالي
مع غباب الكون صبحكم ثويره=مثورن حرصن على ذبح الرجالي
جوك علوى كنهم زمل الجزيره=وواصل اللي تقطع السرح الموالي
ياخشير الذيخ جيت لنا حجيره=لا تمدى للجنوب ولا الشمالي
كل يوم وحن ندير بك البصيره=لايجي قلبك من الهاجوس خالي
جمعكم مع جو خوازن منيره=وصيهد الجبجوب فيه الدم سالي
كم هنوف خربوا ربعي حجيره=عقب نومه بالسقايف والظلالي

الموضوع الأصلي: شاعر نسيناه || الكاتب: جزاع الجبلي || المصدر: منتدى الجبلان الرسمي

المصدر: ::منتدى الجبلان الرسمي::