اولا
شكرا لك ياتركي عالموضوووع الاكثر من رائع بصراحه شدني
اولا لاتجمع موكل البنات تفضل تتزوج من الغريب بس للاسف صار الغريب ارحم من ولد العم صاروا الاجناب افضل من الاهل
وطبعا انا مااعمم بس الاغلبيــــــــــه
لين صارت قاعده عندنا
(زواج الاقارب عقارب)
( وحط اللحم عاللحم يفسد)
يمكن اللحين البنات يفضلون الغريب لان لو لاسمح الله صار خلاف وانفصال ماتنفصل العائلتين بسبب خلاف ابنائهم وخصوصا اذا بينهم قرابه
ويصير قطع الرحم بين الاهل
اما بالنسبه لكلامك يوم قلت امي تعبت واهي تدور
صدقني الزواج قسمة ونصيب ولو تجري جري الوحوش غير نصيبك ماتحوش
الزواج الشي الوحيد الي مو تركض وراه هو يجيك ويتسهل من نفسه
والزواج هو الشي الوحيد الي ينكتب على جبين الانسان قبل لايولد باربعين يوم
متى بيتزوج ومنو شريك حياته؟ هل يستمر؟ او لا؟ كله بعلم الغيب
ويوم قلت ليش تحدونا عالاجنبيات اذا تقصد اجنبيه يعني من قبيله ثانية
انا اشوف لاهو عيب ولاحرام انت ماتدري وين رزقك فيه ولاتدري وينهي الخيره فيه
( عسى ان تكرهوا شيئا وهو خيرا لكم وعسى ان تحبوا شيئا وهوا شرا لكم)
الانسان يصفي نيته ويتوكل على الله وفي النهايه يستخير الله لان رسولنا الكريم يقول
ماخاب من استخار وماخاب من استشار
اما بالنسبة من الزواج بالمعوق انا اشوف ماهو عيب
لان الاعاقه الخلاق مو بالشكل
ياما رياجيل مافيهم شي وبصحه وفيهم اعاقه بعقولهم وبأخلاقهم وبتفكيرهم
كل مره من وجهة نظري ان لم يكن الكل فالاغلبيه تبي رجال بكل ماتعنيه الكلمه
تبي الاخلاق تبيه يخاف الله ومن يخاف الله يخاف الله فيها تبي المعامله الحسنه تبي الي يعزها ويرزها ويصونها ويغنيها عن الناس كلهم
تبي الاحترام تبي الثقه تبي الرجال الي يعرف يتحمل المسئولية
وخلني اكون معاك صريحه اذا كانت الاعاقه متوسطه اكيد تقبل لما تلاقي فيه هالشروط
اما اذا كانت الاعاقه كبيره فصعب تستمر الحياة
لاكن مو معناته نأيس نفكر بأشياء ثانية اهم من الزواج تفيدنا بحياتنا وبأخرتنا
ترى الزواج مو كل شي ومو اكبر شي ومو هدف الحياة هو فقط وسيلة لاستمرار الحياة فيه اشيا ثانية اهم خصوصا للانسان المعاق
ولازم انه ماييأس
والي الله كاتبه بيصر
وشكرا اخوي تركي واتمنى لك التوفيق من كل قلبي عسىالله يوفقك ويسعدك ويحقق الي في بالك
دمت بخير
|