22-01-2008, 01:22 AM
|
|
|
|
|
|
::عضو جديد::
|
|
|
|
|
لوني المفضل
Cadetblue
|
|
رقم العضوية : 603 |
|
تاريخ التسجيل : Oct 2007 |
|
فترة الأقامة : 6771 يوم |
|
أخر زيارة : 17-01-2011 (02:39 AM) |
|
المشاركات :
48 [
+
]
|
|
التقييم :
10 |
معدل التقييم :
 |
|
بيانات اضافيه [
+
] |
|
|
|
لنضاق دربك غيره دروبِ وسـاع....
بسم الله الرحمن الرحيم
لنضاق دربك غيره دروبِ وسـاع
الله بسط سبـعِ وسبـعِ رفعهـا
نمشي بهامابين نزلـه ومطـلاع
مع طلعةِ ماكـل واحـد طلعهـا
ياالي تنشد جاهلِ بعض الاوضـاع
تمشي الامور بقدرة اللي وضعهـا
ورزقي علي ربي ولاهو بقطـاع
يمـد خلقـه مــدةِ ماقطعـهـا
والمشكله ماهي بصايـح وفـزاع
منشان من يسمع بصيحه فزعها
تاتي لكـن الله عـن الشر منـاع
كل مااقبلت من دون الأنفس منعها
وسلامة الأرواح صيفِ ومربـاع
والباقيـه لنـجـات والاقلعـهـا
ماني علي مافات نـادم وجـزاع
راع القضيـه شالهاماجزعـهـا
رضيت بالمقسوم والعبد مطـواع
ماطاعتك دنيـاك ياالعبـد طعهـا
ذي حالـة الدنيـا تنـوع تنـواع
نوبة تزين ونوب تفجـع فجعهـا
دنيا نوجها علـي كـل الأسنـاع
غصبِ عليناماشيه فـي سنعهـا
والمال مابه فود لوكنـت جمـاع
ولاخير في الدنيا ولامـن جمعهـا
كم واحدً يركض ويركض وطمـاع
وأقفى عن الدنيا ماحقق طمعهـا
وكم واحدً يبغا من المـال الأفـاع
مانفع نفسـه وأسرتـه مانفعهـا
وكم واحدً دائم ورى المـال تبـاع
تضحك له الدنيـا وقـام وتبعهـا
وكم واحـدً فيهـا تولـع تـولاع
وقفا مهيم ولاشبع مـن ولعهـا
وكم واحدً مشفوح للمـال بـلاع
دارة رحـاه ولقمتـه مابلعـهـا
وكم واحدً يجري وعجـلاً للرجـاع
قفا وهـف ورجعتـه مارجعهـا
وكـم واحدً يحـرث ويـذرا وزراع
قفا ماذاق الزرعه اللـي زرعهـا
وكم واحدً سهران من كثر الاوجاع
به علـةِ قـام ايتزايـد وجعهـا
يرجي الشفا من واحدً دوم شفـاع
طال الزمـان وحالتـه ماشفعهـا
لازم تروح الروح للـروح نـزاع
روحاً لهامرسل مـن الله نزعهـا
في يومها الموعود تودع بالوداع
امر انكتب باللوح طابـع طبعهـا
وكم شايبِ دنياه يقرع بها اقـراع
يبغى السعاده والتعاسـه جرعهـا
اول شبابه كان من دون مركـاع
وغبر الليال انصارعنه صرعهـا
واخر زمانه طايـحً قاصـر اذراع
دنيا عليـه تـدور حتـي وقعهـا
وكم جاهـلِ فيهـا تدلـع تـدلاع
سايع ومايع في الليـال ودلعهـا
يرقد ويصحي من منامه لياجـاع
وحتي صلاتـه مرتـه ماركعهـا
مصغي بسمعه للأغاني وسمـاع
عزي لبوه ولمه اللـي رضعهـا
وكم عاقلَ يمشي مع الدرب ماتاع
ونفسه عزيـزه للهزل ماهزعهـا
ياالمستمع خذ قول شاعر وبـداع
اختـار وخيـار المثايـل بدعهـا
وختام قولي عد ماهـب ذعـذاع
علي رسـولِ سنـة الله شرعهـا
منقوله للشاعر أبو فارس المطيري
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
السفن آمن ما تكون في المرفأ... لكن ... لم تصنع لذلك!!!!!!!
|