شتان مابيني ومابين فرعون = هذاك لايرحم ولا رحم حيه
ونا على مله محمد وممنون = صلو عليه بكل صبح وعشيه
وياللي تقولون الزمن وشتقولون = هذا الزمن وافي بحقه عليه
لو الزمن له قلب ولسان وعيون = يشهد على وقفاتنا الاوليه
يوم الموارد شح والناس يزرون = مداتنا تغني البيوت الخليه
فيني الردي يسوا ثلاثين مليون = وفيني الردي ينطح سريه سريه
وفينا الولد مجنون ولاهو مجنون =كنه يسوق الطيب سوق المطيه
وفينا الولد سيفن مهند ومسنون = كنه من الخوه يورث خويه
وفينا الولد من سطوته ياسر الكون = وفينا الولد نار ولظاها قويه
ربعي ولو مال الدهر مايميلون = مثل الجبال الشامخات العليه
من خلقه الدنيا على عده قرون = وحنا نماري بالظفر والعطيه
جبلان والجبلان وش يستحقون = ألا من التبجيل نعم وتحيه
يوم المعارك والغزاوي لنا كون = نطحن عدانا طحنه المدفعيه
منهو يجينا يطلب العز والعون = يلقابنا حصنن حصينن وفيه
ومره من المرات ونتم ماتدرون= جلست في مجلس وفيه اغلبيه
اجناب وصحاب وموضوع مشحون= ولقيت طارينايشعشع بضيه
عدوانا ماتو من الحقد بالهون = وصحابنا شدت يديهم يديه
ياربعي اللي للمعالي تطولون = انتم بنيتو المجد فرد وسويه
هذي الحميه يارجالن تحامون = هذي مواقف طيب هذي حميه
الطيب يبقى والعوارف يقولون = يد الله أقوى والجماعه قويه
شجاع الهيت
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|